المغريب

بلاد فشمال إفريقيا

لمغريب،لأمازيغية: ⵜⴰⴳⵍⴷⵉⵜ ⵏ ⵍⵎⵖⵔⵉⴱ - تاڭلديت ن لمغريب) واحد لبلاد فالشمال لغربي د إفريقيا، العاصمة ديالها هي الرباط ولمدينة الكبيرة ديالها هي الداربيضا، ولي هي مدينة ديال لقتيصاد والخدمة.

المغريب
Flag of Morocco.svg Coat of arms of Morocco.svg
نشيد النشيد الشريف ترجم
لعاصيمة رباط
الساكينة
شحال دالسكان 36,029,138 (2018)
اللوغات الرسمية لعربية
لأمازيغية لمعيارية
متوسط ديال لعمر 75.821 (2016)
لجغرافيا
لميساحة 710,850 كم²
لقمة لعالية جبل توبقال (4,167 م)
لبلاصة الطايحة سبخة طاح ترجم (-55 م)
تاريخ
أعياد راس لعام (1 يناير)
عيد شغل (أول نهار تنين ف ماي)
رأس السنة الهجرية ترجم (1 محرم ترجم)
المولد النبوي ترجم (12 ربيع الأول ترجم)
عيد الفطر ترجم (2 شوال ترجم)
عيد الأضحى ترجم (10 ذو الحجة ترجم)
عيد العرش ترجم (30 يوليوز)
لإدارة
نضام الدولة ملكية دستورية ترجم
ملك المغرب ترجم محمد السادس
رئيس حكومة المغرب ترجم سعد دين لعتماني
لبرلمان برلمان المغرب ترجم
سلطة لقضائية لكبيرة محكمة النقض ترجم
لقتيصاد
الناتيج الداخلي لكامل 109,139,484,007.43 $ (2017)
الناتيج الداخلي لكامل للواحد 3,022 $ (2017)
لبيطالة (شوماج) 10 % (2014)
معدل التضخم 1.8 % (2016)
مؤشر التنمية لبشرية 0.667 (2017)
لفلوس درهم مغربي ترجم
معلومات خرا
توقيت ديال لبلاد ڭرينيتش + 1
رمز لبلاد MA
رمز لانترنيت ‎.ma‎ ترجم
رمز التيليفون +212
نيميرويات دليرجونس 15 ترجم، 19، 112 و 177 ترجم
الجهة دالصوگان ليمن
السيت الرسمي www.maroc.ma/en

لمداين الكبار لاخرين ولمعروفين هوما ، فاس، مراكش, سلا، مكناس، طنجة، أڭادير، آسفي، تطوان، وجدة، لعيون، الحسيمة، بني ملال، قنيطرة، وارزازات والداخلة. تايلاگيها من الشمال لبحر لبيض لمتوسط والصبليون، من لغرب لمحيط لأطلسي، من الشرق الجزائر، ومن لجنوب موريتانيا . لمساحة د لبلاد هي 710.850 كم²، و تيسكنو فيها 36.5 مليون د الناس على حساب التقديرات د 2019.[1]

المغرب عندو واحد النظام فيه الملك محمد السادس هو اللي كيحكم البلاد، عندو دوستور توافقت عليه أغلبية كبيرة ف 2011 ومنها عندو برلمان كتصوت الناس على لأعضاء ديالو.

رئيس لحكومة ديال المغريب هو سعد الدين لعثماني لي كينتامي لحيزب العدالة و التنمية.

السمية ديال لبلادعدل

 
صورة ديال فلوس من لمغريب كيسواو 25 سنتيم، تصايبو فالعام ديال 1924، كيبينو سمية المغرب بلغة لعربية لفوصحى ولفرونسي

لأمازيغ فلقرن لول قبل لميلاد دارو مملكة مقابلا لبحر لبيض لمتوسط، وسماوها مملكة موريطانيا، اللي سميتها جات من كلمة فليغريقية (موروس) واللي كاتعني اللون لكحل، [2] هاد لمملكة تقسمات عام 40 ميلادية لجوج مماليك: موريطانيا الطنجية فلمغريب وموريطانيا لقيصارية فالجزائر.[3] هاد السمية كاتعطا ليوما لبلاد موريطانيا.[4] من بعد ما دخل ليسلام لمغريب ولات كاتسمى هاد لارض لمغريب لاقصى.[5] اللوغات الرومانسية (بحال لفرونسي ولونكلي) خدات السمية من واحد لكلمة لاتينية (مرك)، وهي طريقة غالطة نطقو بيها هاد الناس كلمة مراكش لي كانت عاصمة للدولة ديال لمورابيطين.[6] الناس بكري كان تايحساب ليها بلي الشمس كاطلع من الجابون (بشينوية نيهون: البلاصة لي كاطلع منهاالشمس)[7] وكاتلاح فلمملكة دلمغريب (بلعربية لفوصحى المغرب: البلاصة لي كاتلاح فيها الشمس). الناس لي كانت كاتكتب التاريخ ديال لعرب كانت كتفرق لمغرب لكبير لتلاتة دلبلدان: لمغريب لقريب (فتونس)، لمغريب لوسطاني (فالجزائر) ولمغريب لبعيد (اللي هو المغريب). الناس من بعد عرفات لمغريب بسميات خرا بحال سميات ديال لعواصيم ديالو كيبحال مملكة مراكش ومملكة فاس، حيتاش السلاطين ديك الساع كانو كايسينيو لتيفاقيات والمعاهدات إما بـ سلطان فاس أولا سلطان مراكش.[8] الصبليون خداو السمية ديال هاد لبلاد (Marruecos) من سمية مدينة مراكش، نفس لحاجة داروها لفرانصيص (Maroc) واخا بعض لمرات كيسميو لبلاد بلمملكة الشريفة (Le Royaume cherifien).

تاريخعدل

قبل تاريخعدل

المنطقة اللي هي دابا المغريب كانت مسكونة من العصر الحجري القديم، ف شي وقت مابين 190.000 و 90.000 ق.م. كاينة دراسة جديدة اللي تقدر تبين بيلا المغريب كان مسكون قبل هاد التاريخ من بعد ما تكتاشفو مستحتات ديال الهومو ساپيينس حدا الضفة ديال المحيط الأطلسي ف جبل إيغود اللي التاريخ ديالهوم كيرجع ل قبل 315.000 ق.م. الشي اللي كيجعل هاد المستحتة هي أقدم مستحتة ديال الهومو ساپيينس ف العالم.[9] ف العصر الحجري القديم العلوي، المنطقة ديال المغرب كانت كاتشبه الساڤانا فعوض القحولة اللي المغريب ولا معروف بيها دابا. الحقبة العاترية (من هادي 40 حتال 20 ألف عام) جات من وراها التقافة الإيبيروموريسية (من هادي 21 ألف عام) اللي كاتعرف واحد الجانب كبير د التشابهات مع التقافات الإيبيرية حيتاش كاينة تشابهات ملحوضة على مستوى الهياكل.[10]

ف العصر الحجري الجديد، جاو صيادا ورعاة وستاقرّو ف الساڤانا ديال المنطقة. التقافة ديالهوم زداهرات حتى بدات المنطقة كاتيبس من مور عام 5000 ق.م بسباب التغيرات د المناخ. المناطق الساحلية ديال المنطقة د المغريب ف البدو ديال العصر الحجري الجديد كانت كاتشتارك ف التقافة ديال الفخار مع المنطقة ديال البحر البيض المتوسط. الحفريات الأركيولوجية بينات بيلا التدجين د البقر والزراعة دالغلة بجوجهم وقعو ف داك العصر. ف العصر النحاسي، التقافة الجرسية كانت وصلات للشمال دالمغريب.

تاريخ لقديمعدل

 
فسيفسا ديال ديانا إلهة الرومان فمدينة واليلي

المجي ديال الفينيقيين للسواحل المغربية أدّى لقرون ديال الحكم الأجنبي ف الشمال د المغريب. التجار الفينيقيين ختارقو المنطقة الغربية ديال البحر البيض المتوسط قبل القرن 8 ق.م و من وراها ب شوية بناو مستودعات ديال الملحة ف السواحل و الوديان د المغريب. من بين أهم المستوطنات اللولة ديال الفينيقيين كانت كاينة ف شالة، ليكسوس و موگادور.[11]

جات الحضارة القرطاجية قبل القرن 5 ق.م و وسّعت السيطرة ديالها ف شمال إفريقيا. قرطاج زادت كبرات لعلاقات التجارية مع القبايل الأمازيغية، و خلصات ليهم خلصة سنوية باش تحافض على التعاون ديالهوم ف الستغلال د المواد الأولية.

من القرن 3 ق.م، موريطانيا كانت مملكة قبَلية أمازيغية على الضفة المتوسطية ديال المغريب، أقدم ملك معروف ديال موريطانيا كان هو بوكوس اللول، اللي حكم من 110 ق.م حتى ل 81 ق.م، الملوك الأمازيغيين ما كانوش كيسيطرو بزاف على السواحل، الشي اللي سهّل الدخلة ديال الرومان. ف اللول، موريطانيا كانت كليّان ديال الإمبراطورية الرومانية ف عام 33 ق.م، و من بعد ولات مقاطعة تابعة للرومان ب شكل مكمول ملي الإمبراطور كاليگولا عدم بطليموس، آخر ملك ديال موريطانيا، ف عام 40 ميلادية.

 
نفس الرشمة ديال الإلهة ديانا فواليلي

روما سيطرات على الأراضي الموريطانية، اللي ما كانتش محددة مزيان، ب اتفاقيات ومعاهدات مع القبايل الأصلية فعوض ما يكون غزو عسكري و وسّعات النفود ديالها غير ل دوك المناطق اللي كانت كاتعتبرهوم مفيدين للاقتصاد ديالها أو اللي ما كانوش كيتطلبو بزاف د الناس للحماية. هاد المنطقة ولات جزء من الإمبراطورية الرومانية و ولات سميتها موريطانيا الطنجية و خدات طنجيس (طانجا دابا) ك عاصمة ليها. ف الوقت ديال الحكم د الإمبراطور الروماني أگسطوس، الحكام ديال موريطانيا الطنجية كانو كيحكمو حتى المناطق ف الجنوب ديال ڤولوبيليس (وليلي دابا)، بلحاق الحكم الحقيقي ديال الرومان كان حد سالا كولونيا (سلا دابا). شي د المؤرخين كيآمنو بيلا الإمبراطورية الرومانية وصلات حتى لآنفا (الدار بيضا دابا)

فلعام 285 خرجات لمبراطورية الرومانية من لمغريب وجاو لوندال وهوما قبايل من الشرق ديال جرمانيا (لاليمان دليوم)، ومن موراها [[قوط|لقوط ديال لغرب) ومن موراها لبيزنطيون.[12][13] فهاد لوقيتة كانوا الناس فالجبولة مامستعمرهوم حد، إنما كان كيحكمهوم ملوك وقياد أمازيغ منهوم. جات الناس لي كتروج لمسيحية لمغريب فلقرن جوج ميلادية، والناس لي ساكنين لفيلاجات ولعبيد وبعض لفلاحة قبلوا هاد الدين الجديد هادا لي جابو ليهوم.

تاريخ لمتوسطعدل

لغزو لإسلامي ديال منطقة المغرب الأقصى، اللي بدا ف الوسط ديال القرن 7 ميلادية، نجح ف البديا ديال القرن 8. هاد الغزو جاب الإسلام ولُّغة لعربية للمغريب. لمغريب ف هاد الوقت كان كيتعتابر جزء من المقاطعة ديال إفريقية اللي كانت تابعة للدولة الأموية، و لحكام ديال كل بلاصة كانو كيتختارو من عند لحاكم لكبير ف قيروان.[14] للقبايل الأمازيغية عتانقو الإسلام، بلحاق حتافضو بلقوانين لعرفية ديالهوم، و خلصو الضريبة للإدارة ليسلامية لجديدة. كانو جاو ناس عرب و سكنات المغرب و حكماتو وصاوبو مماليك دياولهوم، بحال صالح بن منصور لي أسس مملكة نكور ونشر ليسلام بين لي ساكنين فلمملكة ديالو، غالبا من مورا ما كانت كتطرا حرب فبزاف ديال لوقات.[15]

ف 750م، القبايل الأمازيغية ناضو ضد لخيلافة الأموية. التورة بدات من عند القبايل اللي كاينين ف الغرب د لمغريب ونتاشرت دغيا فلمنطقة كاملة. واخا التورة ضعافت ف 742م قبل ما توصل لقيروان، لا الحكام الأموين و لا الخلفاء ديالهوم العباسيين قدرو يعاودو يسيطرو على الغرب ديال إفريقية. المغريب تهنى من الحكم ديال الأمويين بلحاق ولا مقسوم على بزاف ديال لدول أمازيغية صغيرة مستقلة بحال برغواطة، سيجلماسة، ونكور، وزيد عليهوم تلمسان وتاهرت اللي دابا كينتميو لـدزاير.[16]

 
لقبر ديال بن بطوطة الرحالة لمغريبي ولمستكشف لكبير لي عاش ما بين 1304 و1369 فمدينة طنجة.

ف عام 789م، نشآت الدولة الإدريسية اللي حكمات المغريب على يد ادريس بن عبد الله[17][18]، ولي كان هرب من موقعة فخ عام 786م، وجا لمدينة وليلي وستقبلاتو لقبيلة لأمازيغية ديال أوربة، من بعد بدا كيدير التوسوعات ديالو حتى وصلات الدولة ديالو تامسنا، فازاز وتلمسان. هارون الرشيد قتل ادريس بن عبد الله بواحد البارفان فيه السم، من موراها شد ولدو ادريس التاني لحوكم وهو باقي صغير عاد عندو 12 عام. هاد الدري ولا راجل وكبر لحوكم ديالو تالين شد لمغريب كاملو، وبنا مدينة فاس.

من مورا ما طاح لحوكم لإدريسي، ومن عام 1060، بداو سلالات أمازيغية كيحكمو لمغريب، اللولة ديالهوم كانت هي الدولة ديال لمرابطين اللي الأصل ديالها من قبيلة لمتونة اللي كاتنتامي ل صنهاجة. الدولة المرابطية نجحات ف التوحيد ديال المغريب. جات من مورا هاد السلالة بزاف ديال لمماليك خرا بحال لموحدين ولمرينيين ولوطاسيين والسعديين وحدا تابعة ختها[19]، كياخدوا شي مدون كيديروهوم عواصم لدول كبيرة بزاف. هاد لمدون كتسمى ليوما بلمدون لمبراطورية دلمغريب. ومن مورا لقرن 11م[20]، زداهرات هاد الدول وكانت قوى كبرى فلغرب ديال إفريقيا، من مورا ما كانت كاتحكم ديك لبلايص، وزيد عليهوم حتى لأندالوس. بزاف ديال لمسلمين وليهود هربو من لحرب لي نوضاتها لمماليك لمسيحية عليهم فلأندالوس، ولي ناس عرفاتها من بعد بحروب الاسترداد.[21]

تاريخ جديدعدل

 
رسم ديال مدينة طنجة عام 1880.
 
راجل لابس جلابة. ترسمات فعام 1832.

فالتاريخ الجديد ستمرو السعديين فلحوكم تالين لعام ديال 1659م. من موراها بانت سلالة لعلويين لي كانت حاكمة مملكة تافيلالت من 1635. هاد السلالة عاودات وحدات لمغرب فعام 1666. فعام 1684 رجع مولاي اسماعيل بن الشريف طنجة من نجليز وبدا كيجمع لمداين دلمغريب فواحد الدولة مجموعة، واخا شي قبايل مابغاوش ليه.[22] كان لمغريب أول دولة لي عتارفات بستيقلال ديال ميريكان ف 1787م.[23][24] وفلبدية ديال التورة ديال ميريكان كانت لباريخات لميريكانية ديمن كتجيها لهجمات ديال لقراصينة لأمازيغ، من بعد قرر محمد التاليت أن كاع سفن ديال ميريكان غادي تكون مصوفية من لهجومات ديال لقراصينة. تدارت فعام 1777 المعاهدة ديال الصداقة لميريكانية لمغريبية، وكتعتابر ليوما من لمعاهدات لقديمة ديال ميريكان لي مازالا خداما تالين لهاد النهار.[25][26]

 
عيالات من مدينة طنجة فلبالكون ديال الدار، ترسمات فلعام ديال 1885.

من لبدية تاع القرن 18م وقف لمغريب أنكاپابل قدام واحد تورة كبيرة بداتها أوروبا فقضية التورة الصناعية، وحاول لمخزن يدير بزاف ديال لإصلاحات باش يساير لوضع الجديد لي قدامو، وما بين هاد لإصلاحات:

  • بدا لمغريب كيصيفت قياد على لمراسي وليپور وفرض عليهوم لمخزن إبداو إشددو لحضية باش متبقاش الرشوة والشفرة، ومنعات التهريب ديال لفلوس دلبلاد لبرا.
  • بنات الدولة مدرسة جديدة فسلا باش إتقراو فيها لعلوم لعصرية، وبدات كتطهلا فالطلبة بلميناح، وصيفطات بيعتات لخاريج.
  • من دوك لبيعتات لي صيفطات الدولة، شي وحدين مشاو دارو التكوين عند لعسكر ديال أوروبا لغربية، وشرا لمخزن سلاح جديد وبنا أوزين ديال سلاح فمدينة فاس.

لمخزن والسياسةعدل

 
تيفاقية مكتوب فيها لعوقوبة ديال لي مشا وتعدا على لكسيبة ديال شي حد آخور، هادشي فآيت مزال ديال آيت باها ف1916.

واخا نيضام ديال لبيعة كانو فيه لقاوانين الدينية هي لي كانت كاتفورصا، إنما فلقناتي لخرين لقاوانين لوضعية هي لي كانت كتسير لبلاد وكاتنضم لعلاقات مابين الشعب لا من ناحية لقتيصاد ولا لمحاكيم ولا لبوليس فلبلايص لي كان فيها واحد النوع ديال لحوكم الداتي[27][28]، هاد لتيفاقيات كانت كاتقيد فلمدارس (بلأمازيغية: ⵜⵉⵏⵎⵍ تينمل) وكتختالف من بلاصة لوخرا[29]، هاد التنضيم واخا كان لمخزن ضعيف، كان كيعوض السلطة ديالو وكايجي لحوكم متوازن، وكيبان الدور ديالو بزاف فاش كاتنوض روينة على شكون غايحكم ديك لبلاصة.[30]

 
لمناطيق التاريخية ديال لمغريب

من ناحية المؤسسات، كيعاود لينا لمقيم لعام لفرنسي فلمغريب جنرال ليوطي فوحدة من لكيتابات ديالو: «فاش دخلنا لمغريب لقينا قدامنا واحد لمبراطورية قديمة فالتاريخ ومامتحكم فيها حتى شي براني، كانت شادة فراسها قدام أي حاجة درناها باش تولي ديالنا، وحتى دابا فهاد لعوام لاخرين كتبان لينا منضمة بزاف لا من جيهة لإدارات فالداخل ولا لي كايمتلوها على برا»[31] لمؤريخ لبريطاني اللبناني فأصلو ألبيرت حوراني (1915-1993)، لي كان أستاد فجامعة أكسفورد، أكد فلكتاب ديالو تاريخ الشعوب العربية أن لمغريب كانو عندو مؤسسات حوكومية أو وحدين خرين متعلقين بلقضاء، وكيػول: «من مورا لحودود ديال لمبراطورية لعتمانية، كاينا دولة من نوع آخر كاينا من هادي شحال: ديك دولة سميتها لمبراطورية لمغريبية»، وعندها گاع لبودرات ديال دولة جديدة: لمحاكيم ولويزارات ولعسكر، واخا فشي وقات كانت كتجي لفوضى ولحوكم لي ممگادش.[31]

لعسكرعدل

 
معركة وادي لمخازين ف1578 مابين الدولة لمغريبية (عليمن دتصويرة) وبرطقيز (عليسر دتصويرة).

السياسة لي كان خدام بيها لمغريب فلقرن 16 و17 هي سياسة كانت كتجيب توازون الدولي، وهادشي باش إيحافض لمغريب على ستيقلال ديالو ويبعد عليه الطمع ديال لبلدان لبرانية.[32] بدات الدولة دلمغريب كادير لتيصالات مع الدولة العتمانية من مورا ماولاو هادو صحاح ومتحكمين، والجهد ديالهوم زاد بزاف فاش داو تلمسان ف1517 ووداو مدينة الجزائر ف1516. من مورا ما خداو تلمسان، هرب السلطان[33] ديالها وطلب اللجوء فمدينة فاس.[34] العتمانيين كانو منوضين حرب فشمال إفريقيا زعما راه كيدابزو مع الصبليون النصارا، ديك لوقيتا نيت كانو السعديين محاربين مع برطقيز وجراو عليهم من لجانوب دلبلاد، وبضبط من مدينة أكادير ف1514، ومن موراها دارو السعديين توحيد لبلاد من مورا ما خداو لحوكم من الوطاسيين.[35]

لقتيصادعدل

 
السلطان سماعيل بن علي الشريف كيضايف فرانسوا بيدو، اللي السفير ديال لملك دفرنصيص لويس 14 فلعاك د1693.

فلقرن 18 بداو لمصاليح ديال أوروبا كيكبرو نهار مورا خوه فلبحر لبيض لمتوسط، هاد لمصاليح خلات الدول ديال أوروبا يحضيو التجارة ديالهوم باش إيوقفو لجيهاد لبحري لي كانت كاديرو لباريخات دلمغريب هاداك لوقت. بسباب هادشي بزاف ديال الدول دأوروبا سنات معاهادات أولا جدداتها مع لمغريب، أو هادشي فالنص التاني ديال لقرن 18. متلا فلعهد ديال محمد التاليت (لي حكم مابين 1757 و1790) جات 7 ديال الدول لأوروبية وسينات معاهادات ديال الصحبة والتيجارة، بلحق كانت كولها تقريبان كتشابه فلبنود اللي فيها، بحال لحضية ديال لباريخات ويتعطاو متيازات لتجار دياولهوم ويتعطاو ليهوم لخدامات فلمراسي دلمغريب.[36]

تاريخ لقريبعدل

تقرير ديال تصاعد ديال صداع فتورة لملك والشعب لي الناس خرجات على قبل ما بغاتش إيكونو برانيين فلبلاد، عام 1955.

فلبدية ديال لقرن 20 ومورا ما كانش انتفاع من ليصلاحات لي دار لمخزن باش تجدد الدولة[37]، ومن مورا ماكانو بزاف ديال لمشاكيل فلقتيصاد وأزمات فالداخل وعلى برا، سيفطات فرنسا لعسكر ديالها لدارالبيضا فشهر 8 ديال 1907، وكان بزز على السلطان عبد الحفيظ إسيني معاهدة فاس ف1912 خلات لأراضي ديالو تكون تحت حماية من طرف فرنسا والصبليون على حساب ما تافقو عليه فمؤتمر لجزيرة لخضرا ف7 شهر 4 عام 1906، من موراها ولات عند الصبليون نفود فالشمال (الريف) ولجانوب (سيدي إفني وطرفاية ولأقاليم لجانوبية).[38] داكشي لي بقا من لمغريب خداتو فرانسا وف1923 تعلنات مدينة طنجة على أساس غاتولي منطقة دولية من مورا ما تسينا بروتوكول طنجة.

السياسة و لمؤسساتعدل

النظام د لحكمعدل

 
محمد السادس، لمليك ديال لمملكة لمغريبية.

النظام دلحوكم فلمغريب فيه لمليك محمد السادس هو رئيس دلبلاد.[39] على حساب ما تايگول الدستور د2011، لمليك عندو بعض الصلاحيات اللي محدودة.[40] لحوكومة كتخلي يكونو أحزاب ديال لموعارضة، وبزاف ديال هاد نوع دلأحزاب دار فهاد سينين لخرين.[41] رئيس لحوكومة (قبل 2011 كان كيتسما لوزير لول) هو الراس ديال لحوكومة والنظام لي فيه بزاف ديال لأحزاب. لحوكومة كتدير السلطة التنفيدية، ومقاسمة السلطة التشريعية مع لبرلمان (مجلس النواب ومجلس لمستشارين). الدستور دلمغريب كيوصي على أن لقضاء كاين بوحدو وماكايتخلطش مع السلطة التشريعية ولا التنفيدية.[39]

على حساب ماتايگول الدستور ديال لبلاد فلفصل 19: «الملك هو أمير لمومنين ولممتيل لكبير ديال الدولة قدام دوال لاخرين، والرمز لي كايجمعها وهو لي كايضمن الدوام ديالها، هو لي كايحمي الدين ولي كيحضي لحتيرام ديال الدستور، وعندو الحق باش يصاوب لحوقوق ديال لمواطنات ولمواطنين ولجماعات ولهيئات وهو لي كايضمن ليستيقلال دلبلاد ولحوز ديال لمملكة داخل لحق ديالها.»[42] لمليك كيترأس لمجليس ديال لويزارا، وهو لي كايحط رئيس لويزارا فبلاصتو من مورا ماكادوز لنتيخابات التشريعية، ومن مورا ماكايطلبو الرئيس كيعين لمليك لويزارا لاخرين.[43] واخا الدستور عاطي لحق لمليك باش إيجري على لويزارا من هديك لخدمة لي شادينها، أولا يتفك واحد من لمجاليس دلبرلمان أولا بجوجهوم من مورا مايتشاور مع الرئيس ديالو والرئيس ديال لمجليس الدوستوري، ويدير خطاب للشعب[43][44]، فهادشي ماطرا إلا مرة وحدا ف1965.

الدستور ولمؤسساتعدل

 
لبرلمان لمغريبي فالرباط

دستور المغرب 2011 هو الدستور السات ديال المغرب من نهار خدا الاستقلال. هو أعلى قانون كاين فلبلاد وهو اللي تاينضم السلطات والعلاقات اللي بينها فالمغرب: الملك، الحكومة، البرلمان والسلطة القضائية. فيه 180 فصل وبدات الخدمة بيه رسميا ف 30 يوليوز 2011.[45]

لبرلمان لمغريبي فيه جوج دلمجاليس: مجلس النواب ومجلس لمستشارين. الناس ديال مجلس النواب، لي هوما 325، كيصوت عليها الشعب ديريكت، وكاتسالي لعضوية ديالهم فلبدية ديال الدورة دشهر 10 فلعام لخامس من مورا ماكايختارهوم الشعب. لمجلس ديال لمستشارين فيه 270 ديال الناس كيتختارو لتسعود دالسنين. 3 من كل 5 منهم من كل جيهة فلمغريب كتستيهوم هيئة ناخبة فيها ممتلين دلجماعات لمحلية، ودوك جوج خماس لي بقاو كتصوت عليهم هيئات ناخبة فيها منتخبون فلغرف لمهنية وهيئة ناخبة فيها ممثلي المأجورين.[46]

الراية والنشيد لوطنيعدل

 
رايات مغريبية فواحد تريطوار فالشمال

علم المغريب هو علم فيه توب حمر وسط منو نجمة مخمسة خضرا. شعار المغريب هو ترس حمري فيه نصف ديال الشمش طالعا ب15 خط ديال الشعة فوق واحد الساحة فيها جبولة ديال الأطلس، وفجناب جوج سبوعة من سباع ديال الأطلس، السبع لي على ليسر مجانب ولي على ليمن راسو أفاص، وفالترس واحد الصمطة دهبية مكتوب فيها لآية ديال لقرآن": ﴿إن تنصروا الله ينصركم﴾.

 
شعار المغريب

أول نشيد مغريبي كان هو نشيد جمهورية الريف المغربي لي تأسسات ف1921، ومشات بسباب هجوم فرنصي صبليوني عام 1926، كتبو الشاعر ديال فلسطين إبراهيم طوقان بلألحان ديال اللبناني محمد فليفل، وكيشبه بزاف للنشيد لوطني ديال لبنان.[47]

النشيد لوطني ليوما هو النشيد الشريف (تيليشارجيه) كتبو علي الصقلي الحسيني ولحنو ليو مورغان. النشيد بقا بلا كلمات من مورا لستيقلال حتى ل1970 ملي تأهل لمنتخاب لكاس لعالام ديال لمكسيك لي كان أكبر بلاصة كتحتافل فيه الدول بلأناشيد لوطنية، ملي خدا الحسن التاني كلمات ديال الشاعر علي الصقلي الحسيني مع نفس اللحن باش إغنيوه لكوايرية دلمنتخاب.

التقسيم لإداريعدل

لجيهاتعدل

من مورا لخطاب ديال لمليك محمد السادس ف2010، دارت لحوكومة برنامج غيعطي لحوكم الداتي لكل جهة من لجيهات دلمغريب، ودارت واحد اللجنة سميتها اللجنة الاستشارية للجهوية، هي تابعة للحوكومة تكلفات باش تصاوب نمودج ديال لأقاليم اللي عندها حوكم داتي. اللجنة دارت تقرير سماتو "أطلس التقطيع الجهوي المقترح" واللي فيه 12 جيهة.

وفإطار اللامركزية ولجهوية اللي اعتمدتها لمملكة لمغربية، التقسيم لإداري من 2015 داير هاكا:

1 جهة طنجة تطوان الحسيمة
2 جهة الشرق
3 جهة فاس مكناس
4 جهة الرباط سلا القنيطرة
5 جهة بني ملال خنيفرة
6 جهة الدار البيضاء سطات
 
التقسيم لإداري لجيهاوي ديال لمغرب
7 جهة مراكش أسفي
8 جهة درعة تافيلالت
9 جهة سوس ماسة
10 جهة كلميم واد نون
11 جهة العيون الساقية الحمراء
12 جهة الداخلة وادي الذهب

لمدون لكبارعدل

 
الدار البيضاء
 
الرباط
 
فاس
 
مراكش

ترتيب لمدينة لجهة شحال ديال ناس

 
أكادير
 
طنجة

 
سلا
 
وجدة

1 الدار البيضاء جهة الدار البيضاء سطات 3,359,818
2 فاس جهة فاس مكناس 1,112,072
3 طنجة جهة طنجة تطوان الحسيمة 947,952
4 مراكش جهة مراكش آسفي 928,850
5 سلا جهة الرباط سلا القنيطرة 890,403
6 مكناس جهة فاس مكناس 632,079
7 الرباط جهة الرباط سلا القنيطرة 577,827
8 وجدة جهة الشرق 494,252
9 لقنيطرة جهة الرباط سلا القنيطرة 431,282
10 أكادير جهة سوس ماسة 421,844
الإحصاء السكّاني ديال المغرب عام 2014

لجغرافياعدل

 
تصويرة ديال جبل توبقال صورها لبيلوط لفرونسي فالتر متلهلتسر فـ 1930.

التلتاين ديال لمغرب الشمالي فيه غير الجبولة، وكيوصل لعلو ديال بعضها لكتر من 4000 ميترو فوق لبحر. جبل توبقال هو لعالي فيهوم گاع وكيوصل لعلو ديالو لـ 4167 ميترو. لمغريب هو لبلاد لعربية لوحيدة لي فيها سلسلة ديال جبولة كاملة، ولي هي السلاسل ديال جبال لأطلس، بطروفة ديالو بتلاتة: لأطلس لكبير ولأطلس لمتوسط ولأطلس الصغير. وزيد على هاد شي سلسلة جبال الريف لي الراس لعالي فيها هو جبل تدغين بلعلو ديال 2456 ميتور.

السهول فلمغريب كبيرة وشادة من جبال الريف حتالين لأطلس لمتوسط. لحوض ديال واد سبو فيه سهول لعلو ديالهوم صغير، فيه ويدان وهضبات كتزرع فيها بعض لمحاصيل. فسهل لغرب غاتلقا الشمندر، قصب السكار، الروز والطابا. فهاد السهل كاينا غابة المعمورة لي فيها كيحطبو العرعار والكاليبتوس. كنلقاو سهول خرى بحال دياول هضاب لفوسفاط وهضاب الشاوية، كنلقاو سهل دكالة، وفالشرق كاين سهل تادلة. فالجانوب كاين سهل لحوز فمنطاقة مراكش، وسهل سوس لي داير على شكل متلات فلخاريطة حيتاش تيحدوه جبال لأطلس لكبير ولأطلس الصغير ولمحيط لأطلسي، وكاينين سهول خرين بحال اللوكوس، نكور، تريفة، وادي ورغة، سهل بهت، سهل إناون.

فلجانوب عاوتاني كاينا حتى الصحرا، لي فيها عروگ بحال عرگ الشابي فلحودود مابين لمغريب ودزاير، ولي هو أكبر عرگ فيه لحجر والرملة. بعض الرمال يقدو يوصلو لعلو ديال 200 ميترو.

لمناخعدل

 
منطقة إفران
 
منطقة الداخلة

المناخ ديال لمغريب كايڨاري على حساب البلايص، متوسطي فالشمال، محيطي فلغرب وصحراوي فلجانوب. لبلايص لي فيها لبحر فيها واحد لمناخ معتادل. النص ديال الشمال كيدوزو فيه جوج ديال لفصول: فصل ناشف كيجي مابين شهر 5 وشهر 9، وفصل كتكون فيه الشتا كيجي مابين شهر 10 و4. أما لجانوب كيسيطر عليه لمناخ الصحراوي لي ناشف وسخون بزاف. كيتأتر لمناخ ديال لمغريب بواحد الضاهرة جوية لي هي تدبدب ديال شمال لأطلسي. هاد الضاهرة كتحكم فشتا والتلج لي كيجيو للمغريب من جيهة لمحيط لأطلسي.

لحياة لبريةعدل

لحياواناتعدل

 
لحجل لبرباري لي كايعيش أساسان فلمغريب.

تروة ديال لمغريب لحياوانية كبيرة وبزاف، حيتاش لموقع ولجغرافيا ديالو كيلعبو دور كبير باش تعيش حياوانات كتيرة من إفريقيا وأوروبا. الحياوانات لي كتيرة بزاف فلمغريب هي الطير[48]، لي واصل لعدد ديال النواع ديالهوم ل454 نوع، 5 دخلها بنادم لبلاد و156 نوع نادر.[49] من أشهر التديات لي كاينا فلبلاد هي أسد لأطلس، هو واحد لكائن منقارض فالطبيعة وكانو الرومان كيجيبوه لحلبات ديال لمصارعة باش يدابز مع لمصارعين.

الربيع والشجارعدل

 
شجرة دأرگان فناحية إدوبلا فجهة سوس ماسة

الجبال ديال لمغريب كاينوض فيهم لعرعار ولبلوط ولأرز وربيع جبلي آخور. السهول كينوض فيهوم الزيتون والمصطكا وأرگان لي كاين فبلايص كتار ديال جبال لأطلس وكاين غير فلمغريب. فلمناطق ديال الداخيل كينوض لحلفة والشيبة، أما النخل كاين فلواحات ديال لجانوب.

لمغريب عندو موشكيل كبير مع التصحور، حيت كاتدي ليه كل عام 31 هيكتار من لغابات ديالو فلعام. هاد لموشكيل مكاينش غير فلجانوب ولكن حتى الشمال حيتاش من 1920 لدابا مشات النص من غابة لمعمورة. أما لجانوب يادلي فراه الرملة جاتليه على 280.000 هيكتار ووصلات لواحات ديال درعة وزيز وولات 1500 نوع من الربيع مهددة بلنقيراض، تقريبا كولها من لأنواع لي كاينا غير فلمغريب.[50] ومن لأسباب لي خلات هاد الضاهرة تزيد هي لجفاف والتراب لي كايزيد يولي مالح ولحطيب لعشوائي ديال لغابات.[51]

لمجتمععدل

اللغاتعدل

 
البلايص دلمغريب لي كاتهضر فيها الناس بزاف بالدارجة.

لأمازيغية ولعربية هوما اللوغات الرسمية فلبلاد. تقريبان گاع لمغاربة كيدويو بالدارجة مزيان. تقريبان شي 13.5 مليون مغريبي من أصل 32 مليون (ماكاينينش حسابات رسمية) كيدويو بوحدة من اللوغات ديال عائلة اللوغات لأمازيغية (إما اللوغة ديال تشلحيت، اللوغة ديال تاريفيت أولا اللغة ديال تمازيغت لأطلس لمتوسط)، وكايهضرو بيها إما بوحدها أولا مع اللغة الدارجة. كاينين ناس آخرين كيدويو اللهجة لعربية لحسانية واللهجة لعربية الصحراوية. لفرونسي كانت لغة رسمية شحال هادي بسباب ليستيعمار، دابا ولات اللغة لأجنبية الأولى لي كتستعمل فلجاميعات ولإيعلام. 2 مليون مغريبي كيهضرو بالصبليونية، وبزاف فالشمال. النگليزية هي لوغة ممنتاشراش بزاف إلا ما بين لفيئة لمتقافة ديال الشباب.

الناسعدل

 
التطور ديال شحال من بنادم كاين فلمغريب

عدد سكان لمغريب ليوما هو 36.5 مليون دبنادم، بواحد زيادة ديال 1.26% كل عام. كتر من 100.000 براني ساكنين فلمغريب، غلبيتهم إما صبلبون أولا فرانصيص شادين التقاعود أولا من الناس لي خدامين فالشركات ميلتيناسيونال. هاد النسبة ديال الزيادة نقصات على لفترة ما بين 1971 و1982، لي وصلات فيها ل2.8%.

الدراسات الجديدة بينات بلي غالبية لعرب ولأمازيغ الي كنفرقوهم باللوغة ديالهوم ماكايختالفوش على بعضياتهم من ناحية التركيبة لويراتية ديالهوم بزاف. هاد لأبحات بينات بلي عملية التعريب لي طرات فلمغريب ما هي إلا استيعاب تقافي. لهابلوغروب-Y هو واحد لكروموزوم كيمشي من لواليد لولدو بلا حتى تغيير جيل من مورا جيل. الدراسات لي دارت على لمغاربة بينات بلي 81.7% منهوم كينتاميو لهابلوغروب E[52] (وهو لي كيميز الساكينة لأمازيغية) ومابينهوم 72.6% كينتاميو لواحد الشعبة ديال هاد لهابلوغروب وهي E1b1b[53] سواء فلبلايص لي كاتهضر فيها الناس بلعربية ولا لأمازيغية.[54][55] واحد لأقلية من الساكنة 13.3%[56] كتنتامي للهابلوغروب J (وهو لي كايميز الساكنة الشرق-أوسطية بحال لعرب وليهود).

لأديانعدل

 
مسجد الحسن التاني هو أكبر جامع فلمغريب

أغلبية الناس فلمغريب كتآمن بالدين لإسلامي، ولي هو دين الدولة، وحتى دستور د2011 زاد أكد على هادشي، وأكد على أن الدولة كتضمن حرية التعبد لگاع الشعب.[57] فلحسابات ديال الدولة 99% من الشعب مسلمين، وافتيراضان كلهم من السنة[58]، مع واحد لأقلية مسيحية وأقلية يهودية. الدراسات ولإحصاءات لي ماشي رسمية لقات بلي 80-95% ديال الشعب لمغريبي بلقليلة متدين.[59][60] حسابات دارو على آلاف ديال لمغاربة لقات بلي مابين 3-14% من لي تجاوبو گالو بلي هوما ماشي متدينين[59][60]، و1% گالو بلي راهم ملحيدين. دراسة ديال 2020 گالت بلي أعداد اللادينيين فلمغريب تضرب 4 دلمرات وبلي أغلبيتهوم شباب، وباللي النسبة لميئوية ديالهوم وصلات 15% من لمغاربة.[61]

لقتيصادعدل

 
الناتج لمحلي لإجمالي ديال لمغريب ما بين 1980 و2007 على حساب الزراعة والصيناعة ولخدمات.
 
صادرات ديال المغرب ف 2006

لمغريب من الدول لي نامية ولي عندها اقتصاد حر واتفاقيات ديال التبادل الحر مع بزاف ديال البلدان بحال ميريكان واوروبا وتركيا والأردن وتونس والإمارات. هاد الإتفاقيات مع الموقع الإستراتيجي ديال البلاد تيعاونها باش ايكون عندها استثمارات كبار وكثار. الناتج الداخلي الخام ديال المغرب كان داز 61 مليار دولار فعام 2006 لي تيعني 2000 دولار للواحد فالعام. كان عند لمغرب ف 2007 مبادلات بزاف مع أوروبا مبعدها اسيا ومبعدها ميريكان وعاد إفريقيا.[62] من 1993 ولحوكومة خدامة باش دير خوصصة لبعض ليسيكتور بريڨي باش تحيد عليها شوية من التقل لي كانت هازاه.[63]

لخدماتعدل

السياحة هي لي كاتجي اللولة مابين لخدمات، حيت جابت لبلاد كتر من 77 مليار درهم ف2018[64] وجاء لمغريب 11.3 مليون سائح[65] ف2018. كتعتابر مراكش هي لمدينة السياحية لولا فلمغريب وكيتبعها مدينة أكادير، وعاد باش لمدون ديال طنجة، كازا، فاس، ورزازات، الرباط، تطوان، مكناس، والصويرة.[66] المغرب عضو فلمجليس التنفيدي ديال منطمة السياحة العالمية وهادشي من 2007.

صناعةعدل

 
لمرسى لكبيرة ديال طنجة.

قطاع الصناعة فالمغرب عندو 28% ديال الناتج الداخلي الخام. الصناعات لي تيتميز بها هي لي صناعات الغذائية والكيماوية لي المغرب تيتعبر اهم مصنع فإفريقيا مبعد جنوب إفريقيا. كاينا أيضا الصناعة الصيدلية لي تتغطي 90% من الطلب المحلي. لمغريب عندو مصفاة المحمدية لي هي من لأكبر فإفريقيا الشي لي تيعطيه صناعة بتروكيمياوية مزيانة. صناعة النسيج معروفة فالمغرب لي هو أول مصدر للإتحاد الأوروبي. مؤخرا بدا لمغرب فصناعة السيارات مبعد مادار اتفاقيات مع شركات عالمية بحال رونو نيسان، وكاتگول التوقعات بلي لمغريب غايصدر مليون سيارة ف2023.[67]

فلاحةعدل

 
ثمار ديال شجرة ديال أركان لي كاينا غير فالمغرب مابين الصويرة وأكادير

عن لمغرب بزاف ديال التيساع باش ايدير الفلاحة تقريبا 3 مرات مساحة ديال بلجيكا. هاد الفلاحة تتنتج خصوصا القمح والشعير والذرة والقطنيات والجلبانا والعدس واللوبيا. كاينا حتا الفلاحة ديال الفواكه والزيتون وحتا تربية الماشية. لمساحة لمسقية فلمغريب وصلات 16000 كيلوميتر مربع. لمغريب هو التاني فلعالام من ناحية التصدير تاع لحوامض[68] والسابع فإنتاج زيت الزيتون.[69] لمغريب من أكبر الدول لي كاتنتج لحوت فلعالام، بلمقدار ديال 1.34 مليون طن ف2016 بوحدها، صدر منها 644 ألف طن.[70]

لمعادنعدل

 
تران عامر بالفوسفاط من خريبكة للميناء ديال الدارلبيضا

كاين بزاف ديال المعادن فالمغرب بحال الحديد والكوبالت والنحاس والزنك والفضة والأنتيمون والمنغانيز والرصاص والفليور ولكن لموهيم فيهوم هو الفوسفاط لي لمغريب هو ثالث فلعالم من ناحية لينتاج منبعد ميريكان والشينوا[71] واللول فالعالم من ناحية لمخزون. وف2003 تكتاشفات شي كميات ديال الدهب حدا أكادير.

طاقةعدل

 
محطة نور 3 فورزازات وقيت لمغرب.

لمغرب ما تاينتجش بزاف ديال الطاقة غير شي 5% من داكشي لي تايحتاج وتيستورد الباقي. لمغريب ما عندوش إنتاج كبير ديال لأنتراسيت ولغاز، وخا تكتاشفات كميات من لگاز الطبيعي. بدا لمغرب تيستتمر فالطاقة المتجددة بحال الطاقة الشمسية وديال الريح باش إطيح النسبة ديال داكشي لي كيستاورد. لمغريب عندو محطات ديال الطاقة الشمسية قريب تولي تنتج ليه 2 جيگاوات ديال الضو ف2020.

التقافةعدل

لموسيقاعدل

لأعياد لوطنيةعدل

هاد لجدوال فيه ليستة ديال لأعياد لوطنية والدينية فلمغريب.[72]

التاريخ الاسم الرسمي الاسم المحلي الوصف
1 محرم رأس السنة الهجرية فاتح محرم أول نهار فلعام ديال التقويم لهجري (أعياد دينية)
12 ربيع اللول مولد النبي محمد عيد لمولد عيد لمولد النبوي (أعياد دينية)
1 شوال عيد الفطر لعيد الصغير عيد الفطر (أعياد دينية)
10 ذو الحجة عيد الأضحى لعيد لكبير عيد الأضحى (أعياد دينية)
1 شهر 1 رأس السنة الميلادية راس لعام أول نهار فلعام ديال التقويم الميلادي (أعياد عالمية)
11 شهر 1 تقديم وثيقة الاستقلال تقديم وثيقة ليستقلال ذكرى ديال النهار اللي قدم فيه لملك محمد الخامس طلب ديال ليستيقلال دلمغريب على لستيعمار ف1944م (أعياد وطنية)
1 شهر 5 عيد العمال عيد الشغل نهار لعيد عند الشغيلة لمغريبية (أعياد عالمية)
30 شهر 7 عيد العرش عيد العرش نهار طلع لملك محمد السادس للحوكم ف1999م. (أعياد وطنية)
14 شهر 8 استرجاع إقليم وادي الذهب استرجاع إقليم وادي الذهب دكرى ديال النهار لي رجع فيه إقليم وادي الذهب ف1979م في لعهد ديال الحسن الثاني (أعياد وطنية)
20 شهر 8 ثورة الملك والشعب ثورة الملك والشعب دكرى ديال النهار لي تنفى فيه لملك محمد الخامس وناضت روينة على لمستعمير ف1953م. (أعياد وطنية)
21 شهر 8 ميلاد صاحب الجلالة عيد لميلاد دكرى ديال ميلاد ملك لمغريب محمد السادس ف1963م (أعياد وطنية)
6 شهر 11 ذكرى المسيرة الخضراء عيد لمسيرة لخضرا ذكرى لمسيرة لشعبية باش الناس مشات تحرر الصحراء لغربية الصبليونية ف1975م (أعياد وطنية)
18 شهر 11 عيد الاستقلال عيد ليستيقلال ذكرى ديال إعلان ليستيقلال دلمغريب من لمستعمير ف1956م (أعياد وطنية)

مواقع اليونيسكو د الترات لعالميعدل

 
قصر آيت بن حدو

لمغريب فيه 9 ديال المواقع اللي معترف بيها عند منظمة اليونيسكو ديال التراث العالمي فالتصنيف الثقافي. اللول كان فعام 1981 و لخر كان عام 2012. لمواقع مرتبة بحال هكدا:[73]

  • لمدينة لقديمة ديال فاس (1981)
  • لمدينة لقديمة ديال مراكش (1985)
  • قصر آيت بن حدو (1987)
  • لمدينة لقديمة ديال مكناس (1996)
  • لمدينة القديمة ديال تطوان (تطًاون - 1997)
  • لموقع لأثري ديال وليلي (1997)
  • لمدينة لقديمة ديال الصويرة (اللي كانت معروفة بموكادور( (2001)
  • لمدينة لبرطقيزية ديال مزاكان (الجديدة) (2004)
  • لمدينة ديال الرباط (2012)

كاين مواقع اخرى اللي حطها لمغريب فلائحة رمزية اللي كترشحها تكون معترف بها من اليونيسكو و اللي هي:

  • مولاي دريس زرهون (1995)
  • مدينة تازة و الجامع لكبير (1995)
  • جامع ديال تنميل (1995)
  • مدينة ليكسوس (1995)
  • لكور (1995)
  • مغارة تافوغالت (1995)
  • لمنتزه الطبيعي ديال طلاسمطان (1995)
  • منطقة اجكال (1998)
  • بحيرة خنيفس (1998)
  • لمنتزه الوطني ديال الداخلة (1998)
  • واحة فيكيك (2011)
  • الدارلبيضا (2013)
  • مجموعة ديال واحات تيغمرت, لمنطقةالصحراوية ديال واد نون (2016)

الرياضةعدل

لمصادرعدل

  1. تقديرات د السكان د لمغريب ف 2019.
  2. Thomas F. Glick, Islamic And Christian Spain in the Early Middle Ages مؤرشف 2020-04-28 فموقع وايباك ماشين
  3. Richard J.A. Talberts, Barrington Atlas of the Greek and Roman World - p. 457
  4. شوف وقرى دوستور ديال موريطانيا فويكي مصدر دلعربية لفوصحى
  5. Yahya, Dahiru (1981). Morocco in the Sixteenth Century. Longman. صفحة 18.
  6. Regions of Morocco مؤرشف 2019-06-07 فموقع وايباك ماشين
  7. Nussbaum, Louis Frédéric et al. (2005). "Nihon" in Japan encyclopedia, p. 707.، صفحة. 707, في كتب جوجل; n.b., Louis-Frédéric is pseudonym of Louis-Frédéric Nussbaum, see Deutsche Nationalbibliothek Authority File.
  8. حفريات من أجل كشف أصل تسمية المغرب مؤرشف 2020-04-08 فموقع وايباك ماشين
  9. Smith TM, Tafforeau P, Reid DJ, etal, Earliest evidence of modern human life history in North African early Homo sapiens, journal of Proceedings of the National Academy of Sciences of the United States of America, volume:104, issue:15, pages:6128–33, date:April 2007, pmid:17372199, pmc:1828706 |doi:10.1073/pnas.0700747104, bibcode:2007PNAS..104.6128S }}
  10. سيت ديال لحوكومة دلمغريب
  11. C. Michael Hogan, Mogador: Promontory Fort, The Megalithic Portal, ed. Andy Burnham مؤرشف 2017-10-10 فموقع وايباك ماشين
  12. LexicOrient مؤرشف 2016-03-03 فموقع وايباك ماشين
  13. B. Lugan, Histoire du Maroc p19
  14. Abun-Nasr 1987, p.33
  15. Umayyad Caliphate of Islam (Caliphate) مؤرشف 2017-11-09 فموقع وايباك ماشين
  16. Georges Duby, Atlas Historique Mondial, Larousse Ed. (2000), pp.220 & 224 (ردمك 2702828655)
  17. Idrissid Kingdom of Maghrib al Aqsa (Maghrib al Aqsa)، Kingdom of the Far West, Morocco مؤرشف 2018-10-24 فموقع وايباك ماشين
  18. A History of the Maghrib in the Islamic Period, Jamil M. Abun-Nasr, 1987, p. 52
  19. هسبريس - أستاذ التاريخ المعاصر لإفريقيا بجامعة ليون الثالثة Bernard Lugan مؤرشف 2016-03-16 فموقع وايباك ماشين
  20. The Maghrib under the Almoravids and the Almohads, Encyclopædia Britannica. مؤرشف 2015-03-14 فموقع وايباك ماشين
  21. "Morocco - History". Encyclopædia Britannica. مؤرشف 2015-05-04 فموقع وايباك ماشين
  22. "Morocco (Page 8 of 9)". Microsoft Encarta Online Encyclopedia 2009. Archived 2009-11-01. مؤرشف 2009-10-30 فموقع وايباك ماشين
  23. Cohen Renews U.S.-Morocco Ties 2009-03-12، U.S. Department of Defense مؤرشف 2009-11-30 فموقع وايباك ماشين
  24. Milestones of American Diplomacy, Interesting Historical Notes, and Department of State History، تاريخ الوصول:2007-12-17، عمل:U.S. Department of State مؤرشف 2019-03-27 فموقع وايباك ماشين
  25. Roberts, Priscilla H. and Richard S. Roberts, Thomas Barclay (1728-1793: Consul in France, Diplomat in Barbary, Lehigh University Press, 2008, pp. 206-223.
  26. وزارة الخارجية الأمريكية: بيان وزارة الخارجية الأميركية حول تصريحات كلينتون ووزير الخارجية المغربي مؤرشف 2020-04-28 فموقع وايباك ماشين
  27. http://www.cafes.ma/ar/Papiers_Identificat/Pqpier_amazigh.pdf ورقة حول القضاء العرفي الأمازيغي "أزرف"] مؤرشف 2012-03-09 فموقع وايباك ماشين
  28. ورقة حول القضاء العرفي الأمازيغي "أزرف" نسخة HTML مؤرشف 2020-05-06 فموقع وايباك ماشين
  29. وثيقة حول بنود أعراف قبيلة أيت مزال مؤرشف 2018-03-20 فموقع وايباك ماشين
  30. الزوايا، المجتمع والسلطة بالمغرب (مقاربة سوسيو - أنثروبولوجية)- محمد جحاح مؤرشف 2020-06-20 فموقع وايباك ماشين
  31. 31.0 31.1 جريدة التجديد: تقرير المركز الأوروبي للاستخبارات الإستراتيجية والأمن - الحلقة الثانية مؤرشف 2012-01-05 فموقع وايباك ماشين
  32. إبراهيم شحاتة حسن، أطوار العلاقات المغربية العثمانية: قراءة في تاريخ المغرب عبر خمسة قرون (1510-1947)، منشأة المعارف، الإسكندرية، 1981، صص. 244-245، 414-422.
  33. Abdalwadid Kingdom of Tlemcen (Tlemcen)، Zayyanid Kingdom. مؤرشف 2019-07-23 فموقع وايباك ماشين
  34. "The town of Tenes fell into the hands of the brothers, with an immense booty, and then Uruj marched on Tlemcen. The Sultan of Tlemcen, the last of the royal race of the Beni-Zian, did not await the coming of the corsair." in Sea-Wolves of the Mediterranean by E. Hamilton Currey p.72ff مؤرشف 2017-02-15 فموقع وايباك ماشين
  35. A history of the Maghrib in the Islamic period by Jamil M. Abun-Nasr p.155ff مؤرشف 2020-03-02 فموقع وايباك ماشين
  36. عبد الرحمن بن زيدان، إتحاف أعلام الناس بجمال أخبار حاضرة مكناس، المطبعة الوطنية، الرباط، ج 3، ص. 277-281.
  37. محاولات الإصلاح في المغرب: مجالات الإصلاح ومحدوديتها مؤرشف 2017-01-13 فموقع وايباك ماشين
  38. , Charles W. Furlong ,1911 ,September , The French Conquest Of Morocco: The Real Meaning Of The International Trouble, World's Work|The World's Work: A History of Our Time, المجلد XXII, صفحات=14988–14999, تاريخ الوصول: 2009-07-10 مؤرشف 2017-01-06 فموقع وايباك ماشين
  39. 39.0 39.1 الدستور المغربي: القانون الأسمى للأمة مؤرشف 2016-03-05 فموقع وايباك ماشين
  40. König will Teil seiner Macht abgeben Der Standard, 18 June 2011 مؤرشف 2020-05-06 فموقع وايباك ماشين
  41. إسلام أون لاين، نص دستور المغرب، الفصل الثالث مؤرشف 2007-11-04 فموقع وايباك ماشين
  42. إسلام أون لاين، نص دستور المغرب، الباب الثاني، الملكية، الفصل التاسع عشر. مؤرشف 2007-11-04 فموقع وايباك ماشين
  43. 43.0 43.1 إسلام أون لاين، نص دستور المغرب، الباب الثاني، الملكية، الفصل الرابع والعشرون والخامس والعشرون مؤرشف 2007-11-04 فموقع وايباك ماشين
  44. إسلام أون لاين، نص دستور المغرب، الباب الثاني، الملكية، الفصل الحادي والسبعون مؤرشف 2007-11-04 فموقع وايباك ماشين
  45. دستور المغرب 2011- السيت د الأمانة العامة د الحكومة
  46. إسلام أون لاين، نص دستور المغرب، الفصل السابع والثلاثون والفصل الثامن والثلاثون. مؤرشف 2007-11-04 فموقع وايباك ماشين
  47. فن ونجوم: شكوك حول سرقة النشيد الوطني اللبناني من المغرب، تاريخ التحرير: الثلاثاء 12 إبريل 2011م مؤرشف 2011-09-30 فموقع وايباك ماشين
  48. Profile on Morocco , African Conservation Foundation مؤرشف 2007-09-28 فموقع وايباك ماشين
  49. Bergier, P., & Thévenot, M. (2006). Liste des oiseaux du Maroc / The List of the Birds of Morocco. Go-South Bull. 3: 51-83. كاين فلانتيرنيت. مؤرشف 2010-04-15 فموقع وايباك ماشين
  50. محمد الرجدالي مؤرشف 2016-05-13 فموقع وايباك ماشين
  51. مختار البزيوي، برنامج الأمم المتحدة للماء بأفريقيا: التقرير الوطني للموراد المائية بالمغرب لسنة 2004، نوفمبر 2004، ص.72 مؤرشف 2013-12-01 فموقع وايباك ماشين
  52. لمتوسط لحسابي (75.5+72.7+85.9+87.3+87.5)/5 = 81.78), Ornella Semino et al 2004 الصفحة السادسة مؤرشف 2012-04-14 فموقع وايباك ماشين
  53. لمتوسط لحسابي ((42.9+32.6)+(11.4+52.3)+(10.9+68.7)+(1.6+65.1)+(12.5+65.0)/5 = 72.6), Ornella Semino et al 2004 الصفحة السادسة، لاحظ أن فروع E1b1b هي: M78 وM81 مؤرشف 2012-04-14 فموقع وايباك ماشين
  54. Ornella Semino et al 2004, Origin, Diffusion, and Differentiation of Y-Chromosome Haplogroups E and J: Inferences on the Neolithization of Europe and Later Migratory Events in the Mediterranean Area. مؤرشف 2012-04-14 فموقع وايباك ماشين
  55. Y-DNA haplogroups by populations of Near East and North Africa
  56. لمتوسط لحسابي (20.4 + 15.9 + 6.3 + 10.7) / 4 = 13.32500), Ornella Semino et al 2004 الصفحة السابعة مؤرشف 2012-04-14 فموقع وايباك ماشين
  57. Morocco's Constitution of 2011 مؤرشف 2017-01-27 فموقع وايباك ماشين
  58. Africa :: Morocco — The World Factbook - Central Intelligence Agency,3 January 2019
  59. 59.0 59.1 Arab Barometer V Morocco Country Report
  60. 60.0 60.1 Losing Our Religion? Two Thirds of People Still Claim to Be Religious
  61. مـن المغاربـة لا دينيـون - جريدة الصباح
  62. بلغ حجم المبادلات المغرب التجارية الإجمالي مع الخارج 8٫24 ملايير درهم: وقد حلت أوروبا بالمرتبة الأولى بنسبة 68.5%، فآسيا 17.1%، ثم أمريكا
  63. Leonard Thomas M. ; Encyclopedia of the Developing World, Taylor & Francis, 0-4159-7663-4, صفحة 1085
  64. عائدات السياحة بالمغرب تبلغ حوالي 77 مليار درهم - فبراير.كوم
  65. عدد السياح الوافدين على المغرب ارتفع ب8.5 في المائة نهاية نونبر الماضي - 2M.ma
  66. Evolution annuelle de la capacité d'hébergement classée مؤرشف 2020-05-06 فموقع وايباك ماشين
  67. صناعة السيارات، الاقتصاد المغربي على طريق العالمية
  68. جريدة الأحداث المغربية: الحمضيات المغربية تتحرر تدريجيا من الارتهان للسوق الأوروبية مؤرشف 2008-12-18 فموقع وايباك ماشين
  69. international olive oil council. مؤرشف 2009-09-05 فموقع وايباك ماشين
  70. الثروة السمكية تمنح المغرب المرتبة الـ13 عالميا
  71. Scientific American magazine, June 2009, "Phosphorous: A Looming Crisis"
  72. لائحة أيام الأعياد المؤداة عنها الأجور وزارة التشغيل والتكوين المهني
  73. لائحة لمواقع داليونيسكو فالمغرب.