لعربية

اللغة لعربية هي واحد اللغة أفرو آسياوية من لفرع د اللغات السامية, و تيهضروها تقريبا 467 مليون واحد, إما حيت اللغة لأم ديالهم هي وحدة من لّهجات ديالها, ولا حيت تعلموها من بعد.[1]

لعربية
لعربية
النوع لوغة، ISO 639-3 macrolanguage و لغة حية
ليستيعمال
اللي كبرو بيها 295,000,000 (2010)
كايتهضر بيها ف مصر، لجزاير، سودان، لعيراق، لمغريب، ساعودية، ليمن، سوريا، تونس، صومال، تشاد، لإمارات، لؤردون، إريتيريا، ليبيا، لوبنان، فيليسطين، عومان، موريطانيا، لكويت، قطر، لبحرين، دجيبوتي، جزر لقومور، إسرائيل، جنوب سودان، مالي، نيجر، أفغانيستان و إيران
لخصائيص
لكتبة كتابة عربية
لمؤسسة دلمعيارة مجمع اللغة العربية بالقاهرة
• مجمع اللغة العربية بدمشق
• المجلس الأعلى للغة العربية
• المجلس الدولي للغة العربية
• مجمع اللغة العربية في حيفا
• المجمع العلمي العراقي
• مؤسسة بيت الحكمة
• مجمع اللغة العربية الأردني
كاتقرّا ف الدراسات العربية
• علوم اللغة العربية
النّيڤو دالضعف (1) عادية
لفاميلة داللوغات
لوغة د بنادم
لغات أفريقية آسيوية
لغات سامية
لخاريطة
Arabic speaking world.svg
لكواض لي كايعرّفو اللوغة
إيزو 639-1 ar
إيزو 639-2 ara
إيزو 639-3 ara
ڭلوطولوڭ arab1395
لينڭواسفير 12-AAC
إيطنولوڭ ara

دول لي ملونين بلخضر هي لغة رسمية الوحيدة ف لبلاد، ب زّرق وحدة من لّوغات رّسمية

مثال د لهضرة بلعربية لفصحى (واحد الراجل تيقرا الشعر ديال أبو لعلاء لمعري)

كتعتابر اللغة لعربية من لوغات لعالمية و كتشير الروايات لإسلامية بلي اول واحد تكلم لعربية هو نّبي سماعيل. و تطورات لعربية كثر ف لجزيرة لعربية بعدما بان لقرآن.

لعربية كان عندها تأتير كبير على ؤروپية لي ولّات دابا لوغات عالمية بحال نّڭليزية، لفرانساوية، صبليونية و لبرتغالية ؤ إفريقية بحال لأمازيغية ؤ لهاوسا ؤ سواحلية ؤ تجرية ؤ لأمهرية ؤ صومالية، و ف لوغات خرة بحال صقلية، وعاد تاني التركية ؤ لفارسية و لكردية و لأردية و لماليزية و لأندونيسية و لألبانية. لمالطية لي لوغة رسمية د مالطا ؤ وحدة من لوغات ليتيحاد لؤروپي، كاتّعتابر منحادرة من لعربية.

ولعربية عندها فضل كبير فتطوير لعلوم وتكنولوجيا لي حنا عليها دابا، بحكم لعلماء لمسلمين لي ساهموا ف نتشار لعربية بشكل كبير، بسباب لختراعات ديالهم لي تكتبات بلعربية، و لكتوب ديالهم بحال بن رشد و عباس بن فرناس. وساهمت بشكل كبير فمجال الطب و صيونص و لهندسة و لاداب و لفلك حيت بزاف ديال النجوم ب سميات عربية د عولاما د لفلك لمسلمين بحال الشريف لإدريسي لمغريبي.

و لعريية عندها بزاف ديال سّميات بحال "لغة لقرآن" "لغة الضاد".

كاينين بزاف ديال النقوش تكتاشفو مكتوبين ب لعربية قبل الاسلام بقرون كثيرة، ستخدموها لمماليك لعربية قبل لإسلام.

صنفوها لعولاما و لمؤرخين العالميين من أجمل لغات العالم بحكم جمالية قرايتها وكتباتها ؤ خطوطها من بينها الخط المغربي و لخط لأندالوسي لي مستخدم فقصور لأندالوس،

لأصل ديال لعربية هو شبه لجزيرة لعربية. ملي جا لإسلام تما, نتاشرات معاه لعربية حيث كانت هي اللغة ديال لقرآن و لحديث, وتعلموها الناس د بزاف د لبلايص ملًي كانو تيسلمو. دابا لعربية لغة رسمية ف 26 بلاد فلعالم, و هي وحدا من اللغات الرسمية الستة ديال لأمم لمتحدة.

لعربية فيها 28 حرف وتاتًكتب من ليمن لليصر, ومن لفوق للتحت.

ليوم لعالمي ديال اللغة لعربية على حساب لأمم لمتحدة هو نهار 18 دجنبر ديال كل عام.

عيون لكلامعدل

  1. ^ "لغات العالم: الصينية الأكثر انتشارا والعربية رابعة".

شوف تاعدل

  تقدر تزيد شوف بزاف د تّصاور و لمعلومات ديال Arabic language ف ويكيميديا كومنز.
 
هادي زريعة ديال مقالة خاصها تّوسع. تقدر تشارك ف لكتبة ديالها.