إسلام

لإسلام ولاً ليسلام، هو واحد الدين براهيمي، أو كيما كايسميوه لي كايهدرو بلعربية سماوي، توحيدي، تيقول باللي كاين إله واحد فلعالم هو الله، و عندو رسول ديالو هو محمد. لي عاش فلقرن سابع ديال لميلاد . لإسلام هو دين زّاوج ف لعالم من حيت شحال من واحد متبًعو، واللي عددهم 1.8 مليار د الناس (24.1% من السكان د لعالم).[1] الناس اللي متبعين لإسلام تيتسمًاو مسلمين، وهوما أغلبية د السكان ف 49 بلاد. لكتاب لمقدًس فلإسلام هو لقرآن، و اللي تيآمنو لمسلمين باللي هو لهضرة د الله اللي تنزلات على النبي باش يقولها للناس.

مسلمين تيصلًيو فالجامع د دمشق ف 2003.

بدا لإسلام فلقرن 7 ميلادي فمكة[2]، و معا لقرن 8 ميلادي، لخلافة لأموية توسعات من إيبيريا ولا لأندلس فلغرب تال واد السند فشّرق. لعصر ذّهبي د لإسلام كايشير لواحد لحقبة لي تقليديا كاتبدا من لقرن 8 للقرن 13 ميلادي، فلوقيتة د لخلافة لعبّاسية، منين كان لأغلبية د لعالم لي تاريخيا كان إسلامي كان كايعيش ازدهار علمي واقتصادي وثقافي.[3]

لإسلام عنده خمس اركان؛ و اللي هما: الشهادة و الصلا و الزكا و صوم رمضان و الحج (اِلا كانت عند الواحد الصحة والفلوس ليه). وكينقسم لجوج مذاهب كبيرة تحاربت بيناتها لي هي لمذهب اسني ومذهب اشيعة. وكاين مذاهب صغيرة فكل واحد من هاذ جوج مذاهيب.

عيون لكلامعدل

  1. ^ علاش لمسلمين هوما لمجموعة اللي تاتكبر بزاف فلعالم؟ - مركز پيو د لأبحات (2017)
  2. ^ Watt, William Montgomery (2003). Islam and the Integration of Society. Psychology Press. p. 5.
  3. ^ Saliba, George. 1994. A History of Arabic Astronomy: Planetary Theories During the Golden Age of Islam. New York: New York University Press. ISBN 0-8147-8023-7. pp. 245, 250, 256–57.
  تقدر تزيد شوف بزاف د صور و معلومات ديال Islam ف ويكيميديا كومنز.
 
هادي زريعة ديال مقالة خاصها تّوسع. تقدر تشارك ف لكتبة ديالها.