لقرآن ولّا القرَان[1]، اللي كيتسما تا لقرآن لكريم، هو لكتاب لمقدًس فالدين د لإسلام. بالنسبة للمسلمين، لقرآن هو لكلام ديال الله اللي نزل على الرسول محمد، واللي فرًقه على الناس كاملين. فلإسلام تيتعتابر لقرآن هو آخر كتاب سماوي مورا الصحف د براهيم والزابور والتوارة ولإنجيل. تيآمنو لمسلمين باللي لقرآن معجزة د النبي محمد حيت تيتحدا ڭاع الناس باش يجيبو شي حاجة بحالو من الناحية د لبلاغة ولفصاحة.

تصويرة د لقرآن محلول.

لقرآن هو أقدم كتاب مكتوب بلعربية، وتيتعتابر هو الساس د لقواعد د لعربية ولبلاغة ديالها. فيه 114 سورة مقسومة ما بين مكية ومدنية. بقا الوحي د لقرآن 23 عام كان النبي محمد تيعاود فيها كل شوية على لآيات الجداد. تجمع لقرآن مورا ما مات النبي من الصحابة اللي كانوا تابعينو، وهوما اللي نضًمو الترتيب والسميات د لآيات اللي كانعرفو دابا.

مصادرعدل

  تقدر تزيد شوف بزاف د صور و معلومات ديال Qur'an ف ويكيميديا كومنز.