رب

رّب (ب لعربية إله، ب نّݣليزية Deity) هوا واحد لمفهوم دياني ؤ فلسافي كيشيّر لواحد لكائن فوقطبيعي ؤلا مادي (على حساب الديانة) اللي كيتّعتابر مقدّس ؤ مقامو هوا الرفيع ݣاع عند عبادو. نتوة ديال رب هيا ربة، ؤ الجماعة ديالهوم هيا ربوبا ؤلا ربايب. ف دّيانات لوحّادية كايكون رب وحداني لي معبود أما ف دّيانات لاوحّادية ماكيكونش غير واحد الرب والايني هوما شلا ربوبا معبودين، و راه كاينين ݣاع شي ديانات مافيهومش والا رب معبود كيف لبودية.

لمفهوم د الرب عاوتاني كانلقاوه حتا فشي تفاكر فلسافية بحال رّبوبية لي ماكيكونش فيها بزز واحد رّب معبود، ولايني بنسبة اللي كايواليو هاد لعقيدة هادا هوّا لخالق د لكون.

ماكاينش تعريف معلّم ولا كوني ديال "رب"، ؤ كولا دين و فلسافة ؤ مساير عندهوم تعريفهوم واللي كيميزهوم علا غيرهوم. رّب يقدر يكون "كائن ماكيساليش و كيفوت زمان ؤ لمكان" ؤلا "كائن كيسالي و عندو حدود ف لمكان و زّمان ؤ يقدر حتا يتولد و يموت".

تاريخ

ڤينوس د ڤيلندورف، غالبا كيمتل ربة كان كيعبدها بنادم هادي 25000 عام

ف لفترة د لقبلتاريخ، لعولاما ماعندهومش طاريقة باش يتعرفو علا دّيانات لي كانو لباشار كيمارسو، من غير علا طريق لستينتاج، حيت كانت باقة ماتّختارعاتش لكتابة. كاينين تماتل قدام ؤ رسومات ف لكهوفا كيرجعو ل آلاف د لعوام، كيرجحو لعولاما بلي كيمتلو ربايب معبودين، بحال ڤينوس د ڤيلندورف، تمتال لي تّلقا ف لوطريش ؤ كيرجع ل هادي 25000 عام، ؤ غالبا كان كيمتّل ربة د لخصوبة ؤ لأمومة.

عيون لكلام

تقدر تزيد شوف بزاف د تّصاور و لمعلومات ديال Deities ف ويكيميديا كومنز.