ويكيپيديا:زريعة

لمقال زّريعة ؤلا زريعة د مقال هوّا أي مقال قصير بزاف بحيت ماكيعطيش شوفة موسوعية علا لموضوع ديالو. هاد لپاج كتشرح شنو هيّا زريعة د مقال، ؤ كيفاش خاصنا نتعاملو معا هاد نّوع د لمقالات. يلا بانت ليك شي حاجة خاصها تزاد ف هاد لپاج، تقدر تزيدها، مي ماتنساش تعلم لمساهمين نشيطين ف ويكيپيديا، سيرتو إمغارن، ف لپاج د نّيقاش باش يكون تّيفاق علا لمحتوى.

تعريف محددعدل

صعيب نحددو ب شكل دقيق إينا مقال خاصنا نعتابروه زريعة. نقدرو نمشيو معا لقاعيدة لعامة بلي أي مقال فيه قل من 250 كلمة كيتّعتابر زريعة، ؤ خاصو يزيد يتوسّع كتر ب معلومات إضافية. هاد تّعريف يقدر يتبدّل ؤلا يزيد يتحدد علا حساب تّيفاق ديال جّماعة.

شنو خاص يدّارعدل

فحالة يلا كان لارتيكل كيستوفي شّروط ديال مقال زريعة، خاص يتزاد فيه طاڭ ديال زريعة ف لّخر ديالو. يلا فات لعاداد ديال لكلمات ف مقال 500 كلمة، خاص يتحيّد طّاڭ. هاد زّيادة ؤلا تّحياد ديال طّاڭ تقدر دّار بشكل يدوي ؤلا ب عطاشة ديال بوت. مابين 250 ؤ 500 كلمة، كيبقا لقرار ل لكتاتبي واش يخلي طّاڭ ؤلا لا. بشكل عام، يلا كان لمقال فيه لمعلومات لموهيمة علا لموضوع، يقدر يتحيد طّاڭ.

  تقدر تزيد شوف بزاف د صور و معلومات ديال Stub icons ف ويكيميديا كومنز.