مكناس
مكناس (تمازيغت: ⴰⵎⴽⵏⴰⵙ) مدينة ف الشمال د لمغريب، وخامس أكتر مدينة ف لمملكة من ناحية السكان. مكناس كان عاصمة ديال المغرب ف عهد السلطان مولاي اسماعيل (1672–1727)، قبل ما ترجع مراكش عاصمة من جديد. عدد سكان مدينة مكناس 632.079[1] والمدينة جاية ف جهة فاس مكناس. السمية ديال المدينة جات من سمية قبيلة مكناسة (بتمازيغت ⵉⵎⴽⵏⴰⵙⵏ). المدينة القديمة ديال مكناس عطاتها اليونيسكو صفة ترات عالمي ف 1996.[2]
مكناس
| ||||
|
مكناس (ar)
| ||||
| ||||
ساحة لهديم وباب منصور فمدينة مكناس
| ||||
| لبلاصة | ||||
| لبلاد | لمغريب | |||
| لجيهة | جهة فاس مكناس | |||
| لإقليم | عمالة مكناس | |||
| لإدارة | ||||
| لعمدة | عبد الله بووانو (2015) | |||
| السكان | ||||
| شحال دالسكان | 520,428 (2014) | |||
| شحال دلفاميلات | 126,319 (2014) | |||
| لجغرافيا | ||||
| لميساحة | 370 كم² | |||
| رتيفاع | 546 م | |||
| خط الطول بـ ° | -5.52886963 | |||
| خط لعرض بـ ° | 33.85673153 | |||
| معلومات خرا | ||||
| لكود دلبوصطة | 50000 | |||
| الرمز لجغرافي | 2542715 | |||
| لخريطة | ||||
| ||||
أصل سميت مكناسعدل
سمية ديال مدينة مكناس جاية من السمية ديال القبيلة الامازيغية د "مكناسة". الناس ديال هاد القبيلة كيتسماو "إمكناسن" ف الجمع و"أمكناس" ف المفرد."أمكناس" بتمازيغت كتعني العسكري ولا المقاتل. وزيدون، المناضلين الشلوح كيسميوها كتر "أمكناس". قبيلة مكناسة شاركو ف711 مع طارق بن زياد ف فتح الاندلس، وسكنو ف شمال د قرطبة. و جوايه القرن حضاش، أسسو السلالة ديال بنو الأفطس ف بطليوس. البعض منهوم شارك ف التورة للي نوضها ميسارة (739 ل 742) ودخلو للمدهب د الخوارج. أسسو إمارة د سيجيلماسة للي جات ف الحدود الشمالية د الصحرا. وباش يقدو على الهجمات د الفاطميين، تحالفو مع الخلافة د قرطبة. ولكن فاش الشاف ديالهم المعتز تحالف مع الفاطميين، جاو مغراوة للي كانو متحالفين مع الامويين د قرطبة، وجراو على مكناسة من سيجيلماسة. بعد ما تحاربو مع بزاف ديال القبايل اخرى، منها الصالحيين، ومن بعد المرابطين، مكناسة ضعافو وف القرن 11 مشاو ستاقرو ف مكناس.
تاريخعدل
قبيلة مكناسة ناضو ضد الحاكم ديال قيروان ف تونس، وجاو ستاقرو حدا واد ويسلان. ف القرن 11 جاو المرابطين ودارو ف المنطقة فين مستاقرين مكناسة قشلة. فاش جاو الموحدين، ريبو دكشي، حيت تاهمو مكناسة بللي كيعاكسوهم،وباش يبنيو مدينة كبر واحسن، وفيها جوامع (ومنها الجامع الكبير للي تبنى ما بين 1199 و 1213) وسوار عالية. فاش ستولاو عليها المرينيين، بناو فيها مدراسات (ومنهم المدرسة البوعنانية للي بدى البني ديالها مع الحكم ديال ابو الحسن ف 1331 و ما تسالا على 20 عام من بعد)، قصبات و جوامع ف البدو د القرن 14. فاش خداو الوطاسسين الحكم، مدينة مكناس تمعشات بزاف. اهم ملك علوي هو مولاي اسماعيل للي حكم البلاد خمسة وخمسين عام (1672 ل 1727). عاود نظم المغرب وهدنو، بعدما العسكر ديالو ربحو ݣاع القبايل للي كان مهازة معاه، وغلبو العتمانيين والنصارى. وهاكدا المخزن تحكم ف البلاد كاملة. مولاي اسماعيل خلى بزاف ديال المآتر، كبر مدينة مكناس وردها عاصمة ديالو. دار الشان للمدينة بالفلوس للي كانو كايدخلو من البيع ديال البحارة النصارى للي كانو من بعدما كيقبطو عليهم، كيحبسوهم ف حبس كبير تحت الارض ف مكناس: حبس قارا. هاد الحبس مزال كاين ويقدر بنادم يزورو حتى اليوم. مولاي اسماعيل بنى بزاف د المنشآت، جرادي، بيبان كبيرة، سوار طولها فات ربعين كيلومتر وشلا من جامع بصوامع زوينة. هدشي علاش مكناس كيسميوها مرة مرة "مدينة الميات صوماعة". ف يامات الاستعمار د المغرب (1912 ل 1956)، كانت مكناس كتسمى "ڤرساي د المغرب"، ولا "باريز الصغيره" حيت الفرانسويين كانت كتعجبهوم وكتجيهوم اجمل مدينة ملكية ف المغرب. واحد الوقيتة كانت ݣاع إقامة ديال الماريشال ليوطي وكان دار فيها الكارتيي جينيرال ديالو.
لجماعة لحضريةعدل
لجماعة لحضرية د مكناس تابعة ل عمالة مكناس، جهة فاس مكناس، ساكنين فيها 517376 واحد، على حسب لإحصاء لعام 2014.[3]
تعليمعدل
- نسبة لأمية (نّاس لّي ما كايعرفوش يقراو ولا يكتبو) : 19,9%
- نسبة سّكان لّي قاريين فوق تّانوي (تانوي و جامعة): 26,1%
اقتصادعدل
- نسبة نّاس نّشيطين (لّي يقدرو يخدمو): 47,1%
- نسبة لبطالة (نّاس لّي ما خدامينش و تايقلبو على خدمة): 21%
- نسبة نّاس اللي خدامين ف دّولة (ولا لعاطلين اللي سبق ليهوم خدمو): 18,3%
- نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):48,7%
مصادرعدل
- ↑ http://rgph2014.hcp.ma/Note-sur-les-premiers-resultats-du-Recensement-General-de-la-Population-et-de-l-Habitat-2014_a369.html
- ↑ http://whc.unesco.org/en/list/793
- ↑ RGPH 2014 - Site HCP
|
تقدر تزيد شوف بزاف د صور و معلومات ديال Meknes ف ويكيميديا كومنز. |