ؤروپا
ؤروپا (ولّا يوروپا) هي واحد لقارة ملاصقة مع أسيا من جوج جيهات: جبال ديال لأورال ف روسيا، ومضيق لبوسفور ف تركيا.
ؤروپا ضاير بيها لما من تلتجوايه. ف لغرب لمحيط لأطلسي، من شمال لمحيط لقطبي شمالي، ومن لجنوب لبحر لبيض لمتوسط.
كاينين فلقليلة 43 دولة فؤروپا، بزاف منهوم داخلين ف ليتيحاد لأوروبي.
التيساع ديال ؤروپا فيه 10,180,000 كيلوميط كاري، لي هي 2% ديال التيساع دلارض، و 6.8% ايلا ماحسبناش لبحورا.
ف 2017، ناس لي عايشين ف ؤروپا وصل لعداد ديالهوم ل 510 مليون.
لاصل ديال سميةعدل
ؤروپا تسمات على واحد لميرة ف لميتولوجيا ليونانية سميتها يوروبا. لخبّيرة كاتقول بلي زيوس خطف يوروبا و داها لݣزيرة سميتها كريت، وتما ولات لواليدة ديال لملك مينوس.
كلمة يوروبا تخدّمات من بعد باش توصف ليونان، ومنبعد ؤروپا كاملا.
لجوعدل
لجو فؤروپا تايكون بارد فوقت شتا ومعتادل فشياطة دلوقيتات د لعام.
سياسةعدل
لبلدان لي عندهم لأراضي ديالهم ولا طرف منها، ولا مرتابطين تقافيا ب ؤروپا بيهم 51 (علا حساب لحدود لجغرافية لي محددة):
- 44 بلاد لأراضي ديالو كاملة كاينة ف ؤروپا: ألبانيا، ألمانيا، أندورا، لوطريش، بلجيكا، بيلاروسيا، بوصنا ؤلهرسك، بلغاريا، كرواتيا، دانمارك، صبانيا، إسطونيا، فينلاندا، فرانسا، ليونان، هنݣاريا، إرلاندا، إسلاندا، طاليان، كوسوڤو، لاتڤيا، ليتوانيا، ليخطنشطاين، ليكسمبورݣ، مقدونيا شمالية، مالطا، مولدوڤا، موناكو، مونطينيݣرو، نورڤيج، هولاندا، پولونيا، لبرتغال، تشيك، رومانيا، لمملكة لمتحدة، سان مارينو، صربيا، صلوڤاكيا، صلوڤينيا، سويد، سويسرا، أوكرانيا، لفاتيكان ؛
- 5 د لبلدان جاو نص ف ؤروپا ؤ نص ف أسيا: أزيربيدجان، جورجيا، كازاخستان، روسيا، تركيا؛
- 2 د لبلدان تابعين تقافيا لؤروپا واخا جاو فأسيا: أرمينيا ؤ قبرص.
ليتيحاد لأوروبيعدل
ليتيحاد لأوروبي هو واحد لمجموعة ديال 27 دولة. هاد دول تافقو بيناتهم يديرو واحد لقانون مشترك، و بتالي يمكن لأي مواطن أوروبي يمشي لأي دولة كاينة ف ليتيحاد ويعتابرها بحال بلادو. 19 دولة من ليتيحاد عندهم نفس لعملة: لأورو.
عيون لكلامعدل
|
تقدر تزيد شوف بزاف د صور و معلومات ديال Europe ف ويكيميديا كومنز. |
