ليونان
ليونان (ب ليونانية: Ελλάδα، إيلادا) ؤلا لجمهورية لهيلينية و رسميا لجمهورية د ليونان (ب ليونانية Ελληνική Δημοκρατία) هي بلاد جات ف لجنوب الشرقي د أوروپا. ليونان عندها موطع ستراتيجي مابين أوروپا و إفريقيا و الشرق لأوسط. تاتحدًها من الشمال ألبانيا و مقدونيا الشمالية و بلغاريا، من الشرق تركيا، و من لجنوب ولغرب لبحر لبيض لمتوسط. ليونان فيها أرخبيل ديال بزاف د لجزر، منها 227 اللي ساكن فيها بنادم.[1]
التاريخ د ليونان كدولة من أطول تواريخ لبلدان د لعالم، و تيتعتابر هو لأصل د لحضارة لغربية. بداو ف ليونان بزاف د لحوايج اللي أثروا ف لعالم بحال الديموقراطية، لفلسفة لغربية، التاريخ، الرياضيات، لأدب والدراما لغربية و حتا لألعاب لأولمپية. حكمو ف ليونان بزاف د لبلدان منها ليونان لقديمة، الدولة الرومانية، لبيزانطيين و لإمبراطورية لعتمانية. مورا حرب ف 1830، غادي تستاقل ليونان من الدولة لعثمانية وأتولي لجمهورية لحديثة اللي تانعرفو دابا.
تيسكنو ف ليونان تقريبا 10.7 مليون د الناس، ولعاصمة ديالها هي أتينا. اللغة الرسمية هي ليونانية، ولعملة اللي كاتخدًم هي ليورو. ليونان عندها أقوى قتيصاد ف لبلقان، وهي عضو مؤسس د لأمم لمتحدة. هي داخلة فبزاف د لمنظمات الدولية بحال ليتيحاد لأوروپي و منضمة التجارة لعالمية و لحلف الشمال أطلسي (الناطو).
عيون لكلام
بدل
|
تقدر تزيد شوف بزاف د تّصاور و لمعلومات ديال Greece ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |