جهة درعة تافيلالت
جهة درعة تافيلالت (بلأمازيغية: ⵜⴰⵎⵏⴰⴹⵜ ⴹⵕⵄⴰ ⵜⴰⴼⵉⵍⴰⵍⵜ،[2] بالفرانساوية: Draa Tafilalet) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[3] لجيهة كاينة فلجانوب الشرقي ديال البلاد، و لعاصيمة ديالها هي الراشيدية، و مابين لمدون اللي كاينين فلجيهة: وارزازات وتينغير وميدلت وزاݣورة وأرفود. عدد السكان على حساب لإحصاء اللي تدار فـ2014 وصل فهاد لجيهة لـ1,635,008.[4] لميساحة ديال لجيهة هي 132,167 كم².[5]
جهة درعة تافيلالت (ar)
ⵜⴰⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ (tzm) | ||||
| ||||
| ||||
| التقسيم لإداري | ||||
| لبلاد | لمغريب | |||
| لعاصيمة | الراشيدية | |||
| لأقاليم | ||||
| التأسيس | 2015 | |||
| تسمات على | واد درعة و تافيلالت | |||
| لجغرافيا والسكان | ||||
| لميساحة | 132,167 كم² | |||
| محادية معا | جهة سوس ماسة جهة مراكش آسفي جهة بني ملال خنيفرة جهة فاس مكناس جهة الشرق ولاية بشار ولاية بني عباس ولاية تندوف | |||
| شحال دالسكان | 1,635,008 (2014) | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-08 | |||
| خريطة لجيهة | ||||
.svg)
| ||||
السكان ولأقاليم
بدلالسكان فلأقاليم ديال لجيهة
بدلهاد لجدوال كايبين لأقاليم ديال لجيهة والسكان ديالها:[4]
| لأقاليم أولا لعمالات | شحال دلفاميلات | شحال دالسكان |
|---|---|---|
| إقليم الراشيدية | 75,264 | 418,451 |
| إقليم ميدلت | 59,718 | 289,337 |
| إقليم وارزازات | 54,959 | 297,502 |
| إقليم تينغير | 49,990 | 322,412 |
| إقليم زاݣورة | 38,067 | 307,306 |
| جهة درعة تافيلالت | 277,998 | 1,635,008 |
التطور ديال شحال دالسكان
بدل| 2004 | 2014 | ||||
|---|---|---|---|---|---|
| 1,493,347 | 1,635,008 | ||||
| 2004 و2014: إحصاء رسمي ديال الدولة. | |||||
لجغرافيا ولموناخ
بدلجهة درعة تافيلالت محاديها من الشمال جهة فاس مكناس وجهة الشرق ومن لغرب جهة سوس ماسة وجهة مراكش آسفي وجهة بني ملال خنيفرة. هاد لجيهة فيها بزاف ديال لخصائص لجغرافية بحال أنه دايز منها جبال لأطلس لكبير ولأطلس لمتوسط ؤويدان بحال واد درعة وسهول وصحاري بحال الرملة ديال مرزوݣة. لميساحة ديال لجيهة واصلة لـ115,592 كم². لموناخ ديال هاد لجيهة غالب عليه الطابع الصحراوي والناشف. هاد لجدوال كيعطي لمعلومات على لحرارة والشتا فمدينة الراشيدية اللي هي لعاصيمة ديال لجيهة.
| لموناخ ديال الراشيدية | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| معدّال لحرارة لعليا بـ C° | 15.7 | 17 | 21.6 | 26.1 | 30.2 | 35.5 | 40.6 | 39.4 | 29.5 | 26.3 | 20.3 | 16.7 | |
| معدّال لحرارة بـC° | 9.1 | 11.2 | 14.4 | 18.5 | 22.1 | 27.2 | 31.6 | 30.7 | 21.8 | 19.3 | 13.8 | 10.3 | |
| معدّال لحرارة السفلانية بـC° | 2.5 | 4.4 | 7.3 | 10.9 | 14.1 | 19 | 22.6 | 22.1 | 14.1 | 12.4 | 7.4 | 3.9 | |
| معدّال الشتا فالشهر بلميليميتر | 8 | 6 | 8 | 10 | 8 | 4 | 3 | 6 | 17 | 20 | 18 | 19 | |
| لمصدر: [6] | |||||||||||||
لبينية التحتانية
بدلمطار ورزازات الدولي هو مطار كاين فمدينة وارزازات وكايسيرڤي لجيهة ديال درعة تافيلالت. كيبعد لمطار على الصونطرڤيل ديال لمدينة بـ2 دلكيلوميتر. كيتعتابر رقم 11 فترتيب مطار فلمغريب من ناحية عدد لمسافرين، وكايقدر يهز حتال 260.000 مسافر. مطار الراشيدية الدولي أولا مطار مولاي علي الشريف هو مطار كاين فمدينة الراشيدية وكيبعد لمطار على الصونطرڤيل ديال لمدينة حتاهو بـ2 دكيلوميتر. كيتعتابر رقم 13 فترتيب أكبر مطارات لمغريب من ناحية عدد لمسافرين، وكايقدر يهز حتال 300.000 مسافر.
كاينين تسعود ديال الطرقان لوطنية اللي دايزة من أولا كاتسالي فجيهة درعة تافيلالت، واللي هي: الطريق لوطنية 4 والطريق لوطنية 9 والطريق لوطنية 10 والطريق لوطنية 12 والطريق لوطنية 13 والطريق لوطنية 15 والطريق لوطنية 17 والطريق لوطنية 23 والطريق لوطنية 29.[7]
ليقتيصاد
بدللفلاحة
بدل.jpg)
جيهة درعة تافيلالت فيها مواريد ديال لفلاحة مهيمّة بزاف، وكاتنتج هاد لجيهة التمر (فلواحات، 100 ألف طن)، التفاح (206.450 طن)، الزيتون (32.000 طن)، لورد (ربعالاف طن)، لحنّا (تلتالاف طن) ولݣمح (1400 طن)، وحتا الزيراعات ديال لمعيشة كاينين فلجيهة كايتنتجو بكميات قليلة. درعة تافيلالت فيها 241 ألف هيكتار ديال لارض اللي 64% ديالها مسقية. كاينة كتر من 150 ألف فيرمة. لجيهة كاتنتج حتى اللحم ولحليب.[8]
الصيناعة
بدلالصيناعة فجيهة درعة تافيلالت واقفة على الطاقات ولمعادين. لجيهة فيها 3 دلمحطات ديال توليد التريسينتي بالشمش فمدينة وارزازات، وكاينين بلانات ديال لبني دوحدين خرين فمدون بحال تافيلالت وميدلت، من غير لمحطات ديال توليد التريسينتي بلعجاج فميدلت وبلما فأݣدز. وبلا مانحسبو لمينات ديال لفوسفاط، كاين 5.413 منجم ديال لمعادين فلجيهة (40% ديال لمناجيم فلمغريب). هاد لمينات كاتنتج الدهب والنقرة والرصاص ولحديد ولكوبالت والنيكل.[9]
السياحة
بدل
لجيهة ديال درعة تافيلالت كاتسمي راسها متحف فلهاوا الطلق. ݣاع لمآتير ديالها تقريبا كاينين على برّا. من غير التمر والزيتون لبنين ديالها، لجهة فيها كتبان ديال الرملة فمرزوݣة وشݣاݣة. لجيهة كيما يقدرو السياح يشوفو فيها الصحرا والتقافة اللي متعلقة بيها (لخيام والجمال...) يقدرو يشوفو حتى التلج ولخضورية والضايات فالجبال دياول لأطلس (ميدلت). فلجيهة كاينين حامات ديال لما السخون (الريش) ولواحات (بودنيب، الراشيدية، تينجداد ومحاميد لغزلان)، ولفيرمات ديال لورد (بومالن دادس وقلعة مݣونة). فلجيهة كاينة حتى التورات لمبني فبلايص بحال قلعة مݣونة وتينغير، وكاينين محميات فألنيف وإيميلشيل. من غير هادشي لجهة معروفة عليها السمية ديال هوليود أفريقيا، داكشي حيتاش فيها بزاف ديال ليستيديوهات ديال التسجيل دلافلام فوارزازات وزاݣورة والراشيدية وألنيف.[10]
شوف حتى
بدلعيون لكلام
بدل- ^ draatafilalet.ma
- ^ "ⴰⵥⵟⵟⴰ ⴰⵏⴰⵎⵓⵔ ⵏⵏⵖ". تطّالع عليه ب تاريخ 2024-01-30.
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-01.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ "السيت ديال Climate-data.org". مأرشيڤي من لأصل ف 2018-07-02. تطّالع عليه ب تاريخ 2020-10-01.
- ^ "لجريدة الرسمية عدد 6677 (28 شهر 5، 2018 - الصفحة 22-23-24)" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-01.
- ^ "مونوغرافيا الجهة - مجلس درعة تافيلالت" (PDF). مأرشيڤي (PDF) من لأصل ف 2023-04-26. تطّالع عليه ب تاريخ 2020-10-01.
- ^ "الطاقات و المعادن - المركز الجهوي للاستثمار بجهة درعة تافيلالت". مأرشيڤي من لأصل ف 2021-04-20. تطّالع عليه ب تاريخ 2020-10-02.
- ^ "السياحة، الصناعات الابداعية, فنون و ثقافات - المركز الجهوي للاستثمار بجهة درعة تافيلالت". مأرشيڤي من لأصل ف 2021-04-20. تطّالع عليه ب تاريخ 2020-10-02.
|
تقدر تزيد شوف بزاف د تّصاور و لمعلومات ديال Drâa-Tafilalet ف ويكيميديا كومنز. |