جهة بني ملال خنيفرة
بني ملال خنيفرة (ar)
ⵜⴰⵏⴱⴰⴹⵜ ⵏ ⴰⵢⵜ ⵎⵍⵍⴰⵍ ⵅⵏⵉⴼⵔⴰ (zgh) | ||||
|
| ||||
| ||||
| التقسيم لإداري | ||||
| لبلاد | لمغريب | |||
| لعاصيمة | بني ملال | |||
| لأقاليم | ||||
| التأسيس | 2015 | |||
| تسمات على | بني ملال و خنيفرة | |||
| لجغرافيا والسكان | ||||
| لميساحة | 41,033 كم² | |||
| محادية معا | جهة درعة تافيلالت جهة فاس مكناس جهة الرباط سلا القنيطرة جهة الدار البيضاء سطات جهة مراكش آسفي | |||
| شحال دالسكان | 2,525,801 (2024) | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-05 | |||
| خريطة لجيهة | ||||
| ||||
جهة بني ملال خنيفرة (بلأمازيغية: ⵜⴰⵎⵏⴰⴹⵜ ⵏ ⴰⵢⵜ ⵎⵍⵍⴰⵍ ⵅⵏⵉⴼⵔⴰ، بالفرانساوية: Béni Mellal-Khénifra) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فالشمال لوسطاني ديال البلاد، و لعاصيمة ديالها هي بني ملال، و مابين لمدون اللي كاينين فلجيهة: خنيفرة وخريبݣة ولفقيه بنصالح وأزيلال وخنيفرة. عدد السكان على حساب لإحصاء اللي تدار فـ2014 وصل فهاد لجيهة لـ2,520,776.[3] لميساحة ديال لجيهة هي 41,033 كم².[4]
السكان ولأقاليم
بدلالسكان فلأقاليم ديال لجيهة
بدلهاد لجدوال كايبين لأقاليم ديال لجيهة والسكان ديالها:[3]
| لأقاليم | شحال دلفاميلات | شحال دالسكان |
|---|---|---|
| إقليم أزيلال | 97,346 | 554,001 |
| إقليم بني ملال | 123,067 | 550,678 |
| إقليم لفقيه بنصالح | 96,062 | 502,827 |
| إقليم خنيفرة | 87,573 | 371,145 |
| إقليم خريبݣة | 116,126 | 542,125 |
| جهة بني ملال خنيفرة | 520,174 | 2,520,776 |
التطور ديال شحال دالسكان
بدل| 2004 | 2014 | ||||
|---|---|---|---|---|---|
| 3,873,207 | align=center| 2,520,776 | ||||
| 2004 و2014: إحصاء رسمي ديال الدولة. | |||||
لجغرافيا ولموناخ
بدل
جهة بني ملال خنيفرة محاديها من الشمال جهة الرباط سلا القنيطرة ومن لجانوب جهة درعة تافيلالت ومن الشرق جهة فاس مكناس ومن لغرب جهة الدار البيضاء سطات وجهة مراكش آسفي. هاد لجيهة فيها بزاف ديال لخصائص لجغرافية بحال أنه دايز منها جبال لأطلس لمتوسط ولأطلس لكبير ؤويدان بحال واد أم الربيع وسهول تادلة وهضاب لفوصفاط قريب من خريبݣة. لميساحة ديال لجيهة واصلة لـ41,033 كم². لموناخ ديال لجيهة جبلي وقاري. التساقوطات وصلات ل291 ملم فعام 2012 وبزاف دلمناطيق كايطيح فيها التلج فعلو فوق 900 ميترو. الريح اللي معروفة بيه لجيهة فوقت الصيف هو الشرݣي. لحارارة كاتراوح لمعدّالات ديالها ما بين 2 ديال الدرجات فأزيلال فالشتا و40 درجة فبني ملال فالصيف. هاد لجدوال كيعطي لمعلومات على لحرارة والشتا فمدينة بني ملال اللي هي لعاصيمة ديال لجيهة.
| لموناخ ديال بني ملال | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| معدّال لحرارة لعليا بـ C° | 17.4 | 19 | 21.9 | 24.8 | 27.9 | 32.5 | 36.7 | 36.3 | 32.2 | 27.4 | 21.7 | 18.2 | |
| معدّال لحرارة بـC° | 10 | 11.8 | 14.5 | 16.8 | 19.4 | 23.4 | 26.7 | 26.5 | 23.7 | 19.6 | 15 | 11.4 | |
| معدّال لحرارة السفلانية بـC° | 3.6 | 4.6 | 7.1 | 8.9 | 10.9 | 14.4 | 16.7 | 16.8 | 15.2 | 11.9 | 8.4 | 4.6 | |
| معدّال الشتا فالشهر بلميليميتر | 48 | 69 | 79 | 62 | 33 | 12 | 1 | 4 | 7 | 39 | 71 | 68 | |
لبينية التحتانية
بدلمطار بني ملال الدولي مطار كاين فمدينة بني ملال كايسيرڤي لجيهة دبني ملال خنيفرة. كيبعد لمطار على الصونطرڤيل ديال لمدينة بـ10 كيلوميتر، وقريب من لوطوروت ديال برشيد - بني ملال. كايمشيو بزاف ديال الرحلات فالداخل وحتى فلخارج من هاد لمطار اللي عرف تدهور كبير بزاف من ناحية لأرقام اللي بدات كاطيح حتى وصلات لقريب من 800 مسافر صافي فعام 2019. تفتاتح لمطار فـ2014 من مورا ماكان مطار ديال لپاراشيتاج وكايقدر يهز حتال 150.000 مسافر فلعام.
لوطوروت الرابعة A4 هي أوطوروت الطول ديالها واصل لـ173 كيلوميتر وكاتربط ما بين برشيد فجهة الدار البيضاء سطات و بني ملال. الطريق كلها مزفتة ومقادة وفيها الرموز بالتشوير. من أهم لمدون اللي كادوز منها هاد الطريق فلجيهة: خريبݣة، واد زم، بجعد وقصبة تادلة.[5] الطرقان لوطنية اللي دايزة من لجيهة هي: N12 و N25 . (ورّك على الطريق إلى بغيتي تمشي للمقالة ديالها!)
ليقتيصاد
بدللفلاحة
بدل.jpg)
لميساحة اللي صاحة للفلاح فلجيهة واصلة ل948 ألف هيكتار. واللي مسقي منها هو 187 ألف هيكتار.[6] لينتاج ديال لحبوب فلجيهة وصل فلعام د2017 لـ9 دلمليون و399 ألف قنطار. وصل لينتاج دلقطاني فنفس لعام لـ83 ألف قنطار. لجيهة كاتنتج حتى لخضرة (3.488.720 قنطار فـ2017)، زيادة على الشمندر والزيت ولحواميض ولورديات (التفاح، بوعويد، السفرجل، اللوز ولمشماش). فلمجال ديال تربية لبهايم، ف2016 سجلات لمديرية لجيهاوية ديال لفلاحة مليون و11 ألف راس ديال لمعاز، 3 دلمليون 332 ألف راس دلغنم و395 ألف راس ديال لبݣر.[7]
الصيناعة
بدل
الصيناعة فجيهة بني ملال خنيفرة شي حاجة اللي جديدة، يعني بدات فيعليا غير فالتسعينات. ف2011 وصل عدد لمؤسسات ديال الصيناعة ولوزينات ل325 وحادة. لينتاج الصيناعي ديال لجيهة كايتكون بلأساس من التحويل ديال لمنتاجات لفيلاحية. 56% ديال لموقاولات الصيناعية كاينة فبني ملال، من موراها خريبݣة ب31%. لمينات ديال لفوصفاط اللي كاينين فلمينطقة ديال ولاد عبدون، زيادة على وحدين خرين هوما اللي كايخليو لمغريب ياخد بلاصة الصدارة فشحال ديال لفوصفاط عندو. ولاد عبدون فيها 28 مليار ميتر مكعاب ديال هاد لمادة، سوا لخموساين ديال ليحطيات دلبلاد. فلجيهة ماكاينش غير لفوصفاط بوحدو. فأزيلال كاين منجم ديال لملحة والزنك. فلجيهة على لعوموم مشتتين مناجيم ديال الرصاص ولحديد والنقرة والنحاس ولمنݣنيز. ف2012 تسجلات 259 منجم اللي كاتجيب لمواد لأولية وكاتصايبهوم بحال ديال لبني (لابريك والزليج) ولفخار.[6]
السياحة
بدل
السياحة فهاد لجيهة كاتميز بلأساس بالسياحة الجبلية. لمنطقة ديال لأطلس لمتوسط كاتجيب ليها بزاف ديال السياح اللي كايبغيو الطبيعة ولخضورية. كاين حتى السياحة اللي عندها علاقة بالصيد. فلافان ديال 2016 حصات لجيهة 160 أوطيل مكلاصي (واللي ما بينها لإقامات ديال السياح، ديور الضيافة، لوبيرجات...).[6] 35 من هادو كاينين فبني ملال و99 كاينين فأزيلال. هاد لوطيلات فيهوم كتر من 3000 فراش. ف2012 سجلات لجيهة 161 ألف ليلة مبيت.[7] كاين بزاف مايتشاف فجيهة بني ملال خنيفرة. من الشلالات والضايات لكبار بحال ضاية بين لويدان وأݣلمام أزݣزا وعيون واد أم الربيع[8]، والشلالات ديال زاوية الشيخ وأفورار وخنيفرة. لمدون ولڤيلاجات اللي يقدر لواحد إيمشي ليهوم هوما أزيلال وبني ملال وخريبݣة بلقصور ديالهوم، زيادة على زاوية أحنصال ومريرت وبجعد وتابانت للسياحة اللي باغين يتعرفو على جبال لأطلس لمتوسط ويتسلقوهوم، ولا كاين حتى مدون خرين بحال واد زم ودمنات ولقصيبة.[9]
شوف حتى
بدلعيون لكلام
بدل- ^ benimellalkhenifra.ma
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-06.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ "التايملاين ديال شركة لوطوروطات دلمغريب". مأرشيڤي من لأصل ف 2023-06-03. تطّالع عليه ب تاريخ 2020-10-06.
- ^ a b c "مونوغرافيا الجهة (بلفرونصي)" (PDF). مأرشيڤي (PDF) من لأصل ف 2022-01-20. تطّالع عليه ب تاريخ 2020-10-06.
- ^ a b "إحصائيات جهة بني ملال خنيفرة 2017" (PDF). مأرشيڤي (PDF) من لأصل ف 2022-03-19. تطّالع عليه ب تاريخ 2020-10-06.
- ^ "تأهيل المواقع السياحية بجهة بني ملال خنيفرة لاستقبال السياح بعد "كورونا"". مأرشيڤي من لأصل ف 2020-10-09. تطّالع عليه ب تاريخ 2020-10-07.
- ^ "قتيراحات ݣوݣل تراڤل لأماكين ديال الزيارة فجهة بني ملال خنيفرة".
|
تقدر تزيد شوف بزاف د تّصاور و لمعلومات ديال Béni Mellal-Khénifra ف ويكيميديا كومنز. |