جهة الرباط سلا القنيطرة

جيهة من جيهات لمغريب

جهة الرباط سلا القنيطرة (بلأمازيغية: ⵜⴰⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵔⴰ، بالفرانساوية: Rabat-Salé-Kénitra) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فالشمال لغربي ديال البلاد، و لعاصيمة ديالها هي الرباط، و مابين لمدون اللي كاينين فلجيهة: سلا وقنيطرة وتمارة وسيدي قاسم ولخميسات. عدد السكان على حساب لإحصاء اللي تدار فـ2014 وصل فهاد لجيهة لـ4,580,866.[3] لميساحة ديال لجيهة هي 18,194 كم².[4]

‫الرباط - سلا - القنيطرة‬ (ar)
ⵜⴰⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵔⴰ (zgh)
جهة الرباط سلا القنيطرة
التقسيم لإداري
لبلاد لمغريب
لعاصيمة الرباط
لأقاليم
التأسيس 2015
تسمات على الرباط، سلا و قنيطرة
لجغرافيا والسكان
لميساحة 18,194 كم²
لبلاصة طايحة لمحيط لأطلسي (0 م)
محادية معا جهة طنجة تطوان الحسيمة
جهة فاس مكناس
جهة بني ملال خنيفرة
جهة الدار البيضاء سطات
شحال دالسكان 4,580,866 (2014)
معلومات خرى
التوقيت ڭرينيتش + 1
اللوغات تاريفيت
لوغات جنوب وهران - تاݣورارت
تشلحيت
الدارجة لمغريبية
السيت الرسمي لموقع الرسمي[1]
كود إيزو 3166-2 MA-04
خريطة لجيهة
Rabat Sale Kenitra region locator map.svg


السكان ولأقاليمعدل

السكان فلأقاليم ديال لجيهةعدل

هاد لجدوال كايبين لأقاليم ديال لجيهة والسكان ديالها:[3]

لأقاليم أولا لعمالات شحال دلفاميلات شحال دالسكان
عمالة الرباط 151,670 577,827
عمالة سلا 231,340 982,163
عمالة الصخيرات تمارة 135,200 574,543
إقليم قنيطرة 214,640 1,061,435
إقليم لخميسات 122,144 542,221
إقليم سيدي قاسم 99,191 522,270
إقليم سيدي سليمان 60,922 320,407
جهة الرباط سلا القنيطرة 1,015,107 4,580,866

التطور ديال شحال دالسكانعدل

جدوال كايعطي التطور ديال سكان لجيهة:[5]

2004 2014
4,023,217 align=center| 4,580,866
2004 و2014: إحصاء رسمي ديال الدولة

لجغرافيا ولموناخعدل

جهة الرباط سلا القنيطرة محاديها من الشمال جهة طنجة تطوان الحسيمة ومن لجانوب جهة بني ملال خنيفرة ومن لجانوب لغربي جهة الدار البيضاء سطات ومن الشرق جهة فاس مكناس. هاد لجيهة فيها خصائص جغرافية كيف أنه دايز منها ويدان بحال واد سبو وواد بورݣراݣ وسهول لغرب ووالماس وزعير ولهضاب قبل-الريفية، زيادة على لبحر اللي واصل طول دلاكوط دلجيهة ل165 كيلوميتر. لميساحة ديال لجيهة واصلة لـ18,194 كم². لقرب ديال لجيهة للمحيط لأطلسي خلا لموناخ ديالها إيكون محيطي حدا لبحر وكايولّي قارّي كلما كيفوت لواحد للداخل. التساقوطات فلجيهة كاتراوح مابين 300 و900 ملم، ولحرارة ما بين 4 ديال الدرجات فالشتا كأقل درجة و40 درجة فالصيف وتقدر تفوتها ݣاع، ولاكين كاتبقى هاد لحالة ستيتناء وصافي. هاد لجدوال كيعطي لمعلومات على لحرارة والشتا فمدينة الرباط اللي هي لعاصيمة ديال لجيهة.

لموناخ ديال الرباط
الشهر يناير فبراير مارس أبريل ماي يونيو يوليوز غشت شتنبر أكتوبر نونبر دجنبر
أكبر درجة دلحارارة تسجلات بـ C° 30 31 35.8 37.6 43 43.7 47.2 45.8 42.3 38 35.1 30
معدّال لحرارة لعليا بـ C° 17.2 17.7 19.2 20 22.1 24.1 26.8 27.1 26.4 24 20.6 17.7
معدّال لحرارة بـC° 12.6 13.1 14.2 15.2 17.4 19.8 22.2 22.4 21.5 19 15.9 13.2
معدّال لحرارة السفلانية بـC° 8 8.6 9.2 10.4 12.7 15.4 17.6 17.7 16.7 14.1 11.1 8.7
أدنى درجة دلحارارة تسجلات بـC° −3.2 −2.6 −0.4 3.8 5.3 9 10 11 10 7 0 0.3
معدل الشمس فالشهر 179.9 182.3 232 254.5 290.5 287.6 314.7 307 261.1 235.1 190.5 180.9
معدّال الشتا فالشهر بلميليميتر 77.2 74.1 60.9 62 25.3 6.7 0.5 1.3 5.7 43.6 96.7 100.9
معدل الروطوبة % 82 82 80 78 77 78 78 79 80 79 80 83

لبينية التحتانيةعدل

مطار الرباط سلا الدولي هو مطار كاين فمدينة سلا وكايسيرڤي لجيهة دالرباط سلا القنيطرة. كيبعد لمطار على الصونطرڤيل ديال الرباط بـ8 كيلوميتر. كيتعتابر سادس أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج، وكايقدر يهز 3.500.000 مسافر ومتوقع تزيد تالين 4 دلمليون.

فهاد لجيهة دايزين تلاتة ديال لوطوروتات: لوطوروت اللولة  A1 

ولوطوروت التانية  A2 
ولوطوروت لخامسة  A5 

. الطرقان لوطنية اللي دايزة من لجيهة هي:  N1  و  N4  و  N6  و  N25  و  N27  و  N29  . (ورّك على الطريق إلى بغيتي تمشي للمقالة ديالها!)

ليقتيصادعدل

لفلاحةعدل

 
لفلاحة فجوايه تمارة

لميساحة ديال لارض اللي صالحة للفلاحة هي مليون 19 ألف هيكتار. 15 مليون قنطار ديال لݣمح تنتج فلجيهة فعام 2013، أولا 15.7% ديال لينتاج دلمغريب. 12 مليون قنطار ديال لݣمح الرطب تنتجات فلجيهة فنفس لعام. لينتاج دياللحبوب كتير بزاف فلمينطقة ديال لغرب (لخميسات وسيدي قاسم). التربية ديال لبهايم واخدة حقها فلفلاحة ديال لجيهة، وهي عطات 139 ألف راس ديال لمعاز ومليون و584 ألف راس ديال لغنم و519 ألف راس ديال لبݣر فـ2013.[6] لمراسي لكبار ديال مهدية وقنيطرة وبلايص عندها أهمية إيكولوجية بحرية بحال مولاي بوسلهام والساحل الطويل ديال لجيهة خلاها تنتج ف2013 شي 10 آلاف طن ديال لحوت بلقيمة ديال 98 مليون ديال الدرهم، واخا هاد لأرقام كاتبقى ضعيفة (لينتاج ديال لجيهة واصل غير 1% ديال لينتاج لوطني).[6]

الصيناعةعدل

 
صومعة حسان فالرباط

لجيهة عندها باع كبير فليقتيصاد والشيفر دافّير ديالو فالتصدير فيها وصل 27 مليار ديال الدرهم، حيتاش لعاصيمة دلجيهة، الرباط، هي لعاصيمة دلمغريب، وحيتاش لجيهة قريبة من لقوطب ليقتيصادي دلبلاد واللي هو مدينة كازا، ولاحقّاش لبينية التحتانية ديالها مزيانة وكل إقليم فيها عندو ݣيشي وحيد ديال ليستيتمار. الصيناعات اللي كاينة فلجيهة هي الصيناعات ديال لماكلة والدوا وتصنيع لمعادين، واللي كاتديرها 802 شركة مع لافّان د2012. قيمة لينتاج فهاد لجيهة وصلات 21 مليار ديال الدرهم ف2011.[6] التركيز ديال لمعادين فتحت لرض ديال لجيهة عطاها مؤهيلات كبيرة فلمجال ديال لمينات. بعض لمعادين تحبس لينتاج ديالها حيتاش لمردود لمالي ديالها ولّا ضعيف. مينطقة لخميسات فيها بزاف ديال لمقاليع اللي كتنتج الرّملة ولحصى والرخام.[6]

السياحةعدل

 
باب بوحاجة فسلا
 
باب الرواح فالرباط

لجيهة ديال الرباط سلا لقنيطرة عندها واحد الجهد سياحي كبير، اللي خلاها تكلاصا الروتبة 6 فلمغريب من مورا مراكش، أݣادير، كازا، فاس وطنجة. لجيهة جات ليها ف2012 شي 485 ألف ديال السياح لبرّانيين، اللي باتت ف74 أوطيل اللي فيهوم 3904 دلبيوت و7937 فراش، ودوّزو 602 ألف ليلة سياحية. السياح ديال لبرّا جاو من فرانسا والصبليون والنݣليز وألمانيا والطاليان وميريكان.[6] لجيهة ديال الرباط سلا لقنيطرة فيها بزاف ديال مايتشاف. التوريست ملّي كايمشي ليها كايلقى صومعة حسان وقصبة لوداية فالرباط، بزاف ديال لمآتير التاريخية وحتى لفونون دلخزف فسلا، لبحر وليكوط ديال تمارة ومهدية ومولاي بوسلهام فين كايتمارسو الرياضات ديال لعومان ولغطس، لمدون الجديدة ولعصرية بحال هرهورة وقنيطرة وتيفلت والطبيعة بالضايات ولويدان ديالها فوالماس ولخميسات وسيدي يحيى لغرب وغابات لمعمورة ووالماس.[7]

شوف حتىعدل

لمصادرعدل

  تقدر تزيد شوف بزاف د صور و معلومات ديال Rabat-Salé-Kénitra ف ويكيميديا كومنز.