الرباط

مدينة ف لمغريب و لعاصمة ليدارية ديالو

الرَباطلعربية الرِّبَاطُ - ب لأمازيغية ⵔⵔⴱⴰⵟ) مدينة ف الشمال لغربي د لمغريب ف لجيهة د الرباط سلا قنيطرة. هي لعاصمة د لمغريب من عام 1912م. ما بينها و ما بين مدينة سلا كاين واد بورݣراݣ لي كايخوي ف لمحيط لأطلسي، و اللي كيطلُو عليه بجوج. على حساب آخر إحصاء دارتو المندوبية السامية للتخطيط ف عام 2014، العدد ديال الناس لي كيسكنو ف فالرباط هو 577.827.[1]

الرباط

‫رباط (ar)

صومعة حسان فالرباط
صومعة حسان فالرباط
تاريخ التأسيس 1146
لبلاصة
لبلاد لمغريب
لإقليم عمالة الرباط
لإدارة
لعمدة اسماء غلالو (2021)
السكان
شحال دالسكان 572,717 (2014)
اللوغات عربية
لجغرافيا
لميساحة 118 كم²
لعلو 135 م
خط الطول بـ ° -6.849813
خط لعرض بـ ° 33.971588
معلومات خرا
نمرة التيليفون لمحلية 537
كود د لبوصطة 10000–10220
السيت الرسمي rabat.ma
الرمز لجغرافي 2538475
لخريطة
خريطة


التاريخ عدل

دازو على سلا و الرباط بزاف ديال شعوب، بحال لفينيقيين و لقرطاجيين لي دارو سوق ديال تجارة معا سكان ديال لمنطقة. بعد منهم جاو رومان لي أسسو مستوطنة فبلاصة سوق و سماوها سلا كولونيا و لي مزال لآتار ديالها كاين فموقع شالة. أول تاسيس رسمي دمدينة الرباط بدا معا لمرابطين ف وقت يوسف بن تاشفين لي دار قلعة (سميتها دابا قصبة لوداية) باش يحبس لهجمات د لبرغواطيين. ف 1140 فلوقت دلأمير تاشفين بن علي تحولات لقلعة لرباط تسما قصر بني تارݣة.

قبل تّاريخ عدل

تاريخ لقديم دالرباط ماكانش معروف بزاف، حيث ݣاع لباحثين ولمؤرخين اللي كانوا خدمو على الرباط فاللول كانو متبعين التأسيس ديالها فتاريخ لوسيط وداكشي اللي جا مبعد.

أول مرة غادي تكون لهضرة على شنو كان فالرباط فما قبل تاريخ هو فاش لقاو بصدفة شي عضوما د بنادم بالضبط لفك لتحتاني و طراف ديال لفك لفوقاني دلجمجمة عام 1933 فواحد لكاريير جا فلمنطقة دلقبيبات مابين الرباط و تمارة.[2] عام 1934، حدد لباحت لفرانساوي جان مارسيل بلي هداك بنادم اللي تلقاو لعضوما ديالو كان هومو إيريكتوس.[3] هاد ليحتيمال كيعني بلي كاين شي ناس اللي يقدرو يكونو سكنو فلمنطقة دالرباط ما بين 1.9 د لمليون عام و 300.000 عام قبل زيادة دلمسيح. ف 1942، قالو لباحتين لفرانساويين رولمان ونوفيل بلي هداك بنادم اللي تلقاو لعضوما ديالو عاش فلعصر بين الجليدي ريس - فورم، و للي بدأ هادي 380.000 عام.[4] ف 1958/59 قال لباحث لفرانساوي قال بلي بنادم لي تلقا فالرباط هو تخليطة مابين هومو إيريكتوس بيكينينسيس و هومو نيانديرطالينسيس.[5] هاد ليحتيمال كيعني باللي كاين شي ناس اللي يقدرو يكونو سكنو فلمنطقة د الرباط ما بين 350.000 عام 35.000 عام قبل زيادة دلمسيح.

من بعد هاد ليكتيشاف، جاو باحتين وحداخرين باش يدرسو لمنطقة دالرباط. فلوقت اللي بداو خدمتهم، بدات لمدينة الجديدا دالرباط لي تانعرفو دابا تتبنا[6](لبني د الديور ، د لعيمارات ، د لقوادس …) هاد لباحثين لقاو أدوات دلحجر ف بزاف دلبلايص فوسط لمدينة، وبالخصوص ف لبلايص الأثرية بحال: دوار الدوم[7]، لغيران ديال دار سلطان [8]، لهرهورة[9]، والمناصرة وغيرها.

هاد لأدوات د لحجر لي تًلقاو تنسبو لبزاف د لحضارات لحجرية بحال:

  • لأشولية (بانت ما بين 1.76 مليون عام تال 150.000 عام قبل زيادة لمسيح)
  • لموستيرية (بانت ما بين 350.000 عام و 35.000 عام قبل زيادة لمسيح)
  • لعاترية (بانت ما بين 14.5000 عام و 30.000 عام قبل زيادة لمسيح)
  • لايبيروموريسية (بانت ما بين 25.000 عام و 10.000 عام قبل زيادة لمسيح)

لخلاصة ديال هاد لأبحاث كاملة هي أن لبلاصة اللي فيها الرباط تسكنات هادي آلاف السنين و دازو عليها بزاف دلحضارات قبل ماتولي الرباط هي لمدينة اللي تانعرفو دابا.

تّاريخ لقديم عدل

فلفترة لقديمة، لمنطقة د الرّباط كانت معروفة ب سمية سالا، سيلا ؤلا شالة، ؤ كانت منطقة د تبادل تجاري معا لفينيقيين.

التاريخ لوسطاني عدل

 

الصًمعة د حسًان فالرباط

 

لقصبة د لوداية فالليل

ف عام 1150 دخلو لموحدين على يد عبد لمومن للمنطقة دالرباط بضبط لقلعة دبني تارݣة لي فيها ديور أو جامع. تسمات ف اللًول ب لمهدية ومن بعد برباط الفتح.[10] الهدف د لقصبة كان هو تحمي الجيوش لي كانت تتمشي فحملات دلجهاد للأندلس. يعقوب المنصور، لحفيد ديال عبد لمومن بغا يرد رباط لفتح عاصمة لدولة ديالو. من تما أمر باش تتحصًن لمدينة بسوار مزيانة، و كبرها، وبنا فيها بزاف د لمعالم ،بحال الجامع دحسان. مورا عام 1269، جات دولة لمرينية، أو دخلات الرباط فمرحلة دتراجع. ف 1515 كان زارها لمؤرخ لموريسكي الحسن الوزان، اللي كتب بلي ماكانتش فيها كتر من 100 دار مسكونة فديك لوقت.

مورا ماخرج لمرسوم دفيليبي التالت ف 1609، لي طرد بيه لموريسكيين من لأندلس، مشاو بزاف منهم (13.000 نسمة) سكنو فالرباط و أسسو مع الناس د سلا لجمهورية د بورݣراݣ. حيت سلا كانت قدم من الرباط، وحيث لموريسكيين هوما اللي عمًرو الرباط، تسمًات الرباط بسميت سلا الجديدة، وهي السمية اللي بقات معروفة بيها تال لقرن 19.

التاريخ لمعاصر عدل

ف 1912، مورا ما دخل ليستيعمار لفرانساوي، ردً ليوطي الرباط هي لعاصمة دلمغريب بلاصة فاس، اللي كانت دايرا بيها لقبائل لأمازيغية اللي تاتحارب فرانسا. من مورا ليستيقلال ف 1956، بقات الرباط هي لعاصمة دلبلاد. ف 2012، تسجلو بزاف د لبلايص ف لمدينة دالرباط مع مواقع ترات لعالمي د ليونيسكو. ف 2013، جات الرباط هي التانية فالترتيب اللي دارتو سي إن إن على أحسن الوجهات السياحية د عام 2013.[11]

جغرافيا عدل

أوّل إحصاء د سّكان تدار ف لمغريب مورا لسّتيقلال ف 1960، تّلقا فيه بلي كاينين 224.901 لي ساكنين فالرباط، سوا مغاربا ولا أجانب.[12]

ناس تزادو ف الرباط عدل

سياسين عدل

فنانين عدل

  • سميرة سعيد، مغنية ربحات جائزة د لموسيقى ف عام 2003.
  • رشيد لوالي، ممثل مغربي.
  • أنس الباز، ممثل مغربي.
  • مهدي قطبي، رسام مغربي.
  • عزوز الحوري، موسيقي بلجيكي مغربي.

رياضيين عدل

معرض دتصاور عدل

عيون لكلام عدل

  1. ^ "لإحصاء د 2014 فلمغريب".
  2. ^ Georges Souville (1973). Atlas préhistorique du Maroc : Le Maroc atlantique [أطلس ماقبل تاريخ : لمغريب لأطلنطي] (ب لفرانساوية). Études d'Antiquités africaines. ص. 73.
  3. ^ Mohamed Abdeljalil El Hajraoui (2012). Préhistoire de la région de Rabat-Témara [ماقبل تاريخ فجيهة رباط-تمارة] (ب لفرانساوية). Institut National des Sciences de l'Archéologie et du Patrimoine. ص. 17.
  4. ^ René Neuville؛ Armand Ruhlmann (1942). L'âge de l'Homme fossile de Rabat [بنادم لأحفوري د رباط] (ب لفرانساوية). Bulletins et Mémoires de la Société d'Anthropologie de Paris. ص. 83.
  5. ^ Mohamed Abdeljalil El Hajraoui (2004). Le Paléolithique du domaine mésetien septentrional : Données récentes sur le littoral Rabat، Témara et la Mamora [لعصر لحجري لقديم فساحل د لمغريب : رباط، تمارة ؤ لمعمورة] (PDF) (ب لفرانساوية). Institut National des Sciences de l'Archéologie et du Patrimoine. ص. 19.
  6. ^ Georges Souville (1973). Atlas préhistorique du Maroc : Le Maroc atlantique [أطلس ماقبل تاريخ : لمغريب لأطلنطي] (ب لفرانساوية). Études d'Antiquités africaines. ص. 83.
  7. ^ Georges Souville (1973). Atlas préhistorique du Maroc : Le Maroc atlantique [أطلس ماقبل تاريخ : لمغريب لأطلنطي] (ب لفرانساوية). Études d'Antiquités africaines. ص. 92.
  8. ^ Georges Souville (1973). Atlas préhistorique du Maroc : Le Maroc atlantique [أطلس ماقبل تاريخ : لمغريب لأطلنطي] (ب لفرانساوية). Études d'Antiquités africaines. ص. 92 ؤ 98.
  9. ^ Roland Nespoulet. "Maroc - Mission Archéologique El Harhoura-Temara" [لمغريب - بحت على لاتار ف لهرهورة-تمارة] (ب لفرانساوية). Centre national de la recherche scientifique.
  10. ^ عبد الله السويسي (1979). تاريخ رباط الفتح (ب لعربية). مكتبة الثقافة الدينية. ص. 58.
  11. ^ Lara Brunt (2013-12-17). "Top travel destinations for 2013" [أوعر بلايص د صفر ف 2013]. cnn.com (ب نڭليزية).
  12. ^ "LE MAROC COMPTE 11 598 070 HABITANTS (y compris las étrangers)" (ب لفرانساوية). 19 شتنبر 1960.
  تقدر تزيد شوف بزاف د تّصاور و لمعلومات ديال Rabat ف ويكيميديا كومنز.