لموحدين

لموحدين ؤلا إموحيدن (لأمازيغية : ⵉⵎⵡⵃⴷⵉⵢⵏ - Imweḥdiyen) هما سلالة أمازيغية مصمودية غا يأسسو لإمبراطورية لموحدية، بزعامة بن تومرت (لأمازيغية : ⵓ ⵜⵓⵎⴰⵔⵜ)، غاتكون لعاصمة ديالهم هي مراكش من بعد ما غلبو لمرابطين عام 1146، ؤ غادي اتوسعو علا لمغريب د لوسط (لجزاير دابا) و إفريقية (ليبيا ؤ تونس دابا)، ؤ يحكمو لأندلس (صبانيا ؤ لبرطقيز دابا)، ؤ يقاومو لقشتاليين، ويتبتو لوجود لموري ف إبيريا من بعد ما طييحو مملكة أراݣون ؤ ناڤارا.

لامتداد د لموحدين

راية

توسع

لمرحلة لولا

دخلو تلمسان ؤ وهران ف لمغريب د لوسط عام 1144.

لمرحلة تانية

لإمبراطورية لموحدية غادي تاخد ݣاع لبلايص لي بقاو ف لمغريب.

لمرحلة تالتة

لموحدين غاديين يدخلو لمدينة جزاير عام 1153.

لمرحلة رابعة

فعام 1160، لموحدين غايدخلو على إفريقية ؤ شرق إقليم طرابلس (ليبيا دابا) ؤ رجعو لمهدية ؤ جزيرة جربة (تونس دابا) ؤ ݣاع سواحل إفريقية من نورمان.

تقافة

لأدب ؤ لفكر

تيمتال د بن روشد ف قرطبة.

وخا لقسوحية ديال لإصلاحات دلموحدين؛ لإنتاج لأدبي بقا مستمر، ؤ لجاميعات دلموحدين بقاو كيقريو لمعرفة د لعولما لمغاربة ؤ لأندلسين ؤ لكتوبة ديال ليونانين ؤ رومان.

ف لعهد دلموحدين بانو بزاف ت لعولما ؤلأدابا، بحال بن روشد، حفصة بنت لحاج لركونية، بن طوفيل، بن زوهر، بن لعبار، بن عميرة، ؤ بزاف ت لفلاسفة ؤ لعولما لخرين.

ولكن تشدد ديالهم مع أهل لكيتاب خنق لمشهد ثقافي لأندلسي ليهودي لي كان مجهد من قبل، ؤخلا موسى بن ميمون يمشي للشرق ؤ مشاو بزاف ت ليهود ل توليدو لي كانو حاكمينها لقشتالين.

لبني

لموحدين كانو معروفين ب لبني دجوامع علا طريقة لمغريبية لمورية لي كانت معروفة بلزخرفة ؤ زواق ديالها ؤ لقسوحية ديالها داكشي علاش باقي منهم شي وحدين تال دبا فلمدن لي كانو حاكمين بحال مراكش، رباط، تنمال اشبيلية، تلمسان، ؤ قرطبة.

• 
  جامع لكتبية ف مراكش
• 
  جامع تينمل
• 
  صومعة حسان ف رباط
• 
  برج دهب ف شبيلية
• 
  لخيرالدا ف شبيلية

عيون لكلام

تقدر تزيد شوف بزاف د تّصاور و لمعلومات ديال Almohad dynasty ف ويكيميديا كومنز.