فاس

فاس
‫فـاس‬ (ar) Fès (fr)
تاريخ التأسيس	789
لبلاصة
لبلاد	لمغريب
لإقليم	عمالة فاس
لإدارة
لعمدة	دريس لأزمي لإدريسي (2015)
السكان
شحال دالسكان	1,112,072 (2014)
شحال دلفاميلات	17,342 (2014)
لجغرافيا
لميساحة	320 كم²
لعلو	408 م
خط الطول بـ °	-5.01594543
خط لعرض بـ °	34.03900468
معلومات خرين
توقيت ديال لمدينة	ڭرينيتش + 1
نمرة التيليفون لمحلية	05356
كود د لبوصطة	30000–30206
السيت الرسمي	portaildefes.ma
الرمز لجغرافي	2548885
لخريطة

فاس (ب لأمازيغية ⴼⴰⵙ، ب لفرانساوية Fez ولا Fes) مدينة فالوسط الشمالي ديال لمغريب و ب الضبط ف سهل سايس على ملتقى واد سبو معا واد فاس، و هيا لعاصمة ديال جهة فاس-مكناس، و تالت أكبر مدينة مورا كازا و طانجا، حيت ساكن فيها 1.22 مليون واحد.

فاس تبنات فعهد لأدارسة عام 789. و كانت فاللول مقسومة على جوج مدون مستاقلّات وحدة على لاخرى، و أصل سكانها كانو من إفريقية لي هيّ تونس دابا (عدوة القرويين) و من الأندلس (عدوة الأندلسيين). و بقات فاس مقسومة تال القرن حضاش فعهد السلطان المرابطي، يوسف بن تاشفين، عاد توحدو العدوات ف مدينة فاس البالي. تحت حكم المرابطين فاس ولّات معروفة بالعلم و الفقه و الدين و التجارة.

فاس وصلات للدروة ديالها فعهد المرينيين (القرن 13 و 15)، فاش ولات عاصيمة عاودتاني. بزّاف ديال المدارس و الجوامع جداد تبناو، و كتيرتهوم باقيين ل دابا، و شلّا بني ترمم. و هاد البنايات كاتعتابرو دابا من أحسن ما نتجو المغاربة ف المعمار.

فعام 1276، السلطان أبو يوسف يعقوب بنا حي فاس الجديد،  فين القصر الملكي باقي لليوم، و اللي تزاد عليه شلا جرادي، و فهاد العهد فاش تزاد عدد اليهود و بناو الملّاح ف الجنوب ديال فاس الجديد، ولكن مورا سقوط المرينيين، المدينة نقصات قيمتها و ولات كاتنافس مع مراكش على السلطة.

فاس كانت لعاصمة د لمغريب بزاف د لمرات و ل بزاف د الدول. أخر مرة كانت عاصيمة كانت ف 1912، من موراها رد ليستعمار لفرانساوي الرباط هي لعاصيمة. فاس فيها بزاف د لمأتر التاريخية لمعروفة بحال جامع لقرويين و لمدراسة لبوعنانية، و هادشي اللي خلاها موقع د ترات لعالمي د ليونيسكو.

أصل السمية

الرواية لي منتاشرة بزاف كاتڭول بلي سمية فاس تقدر تكون جات من كلمة فاس، و هو واحد الأداة ديال الحفير و الفلاحة، و تسمات هكّا علاحقاش الخرّيفة كاتݣول بلي مولاي دريس التاني ستعمل فاس من الدهب و النقرة باش يرسم حدود المدينة.

على حساب التوارخيا، السمية د فاس صيغة زناتية ديال "أفاس" لي كاتعني "الرديم"، حيت لموضع لي تبنات فيه كانو فيه أنقاض ديال مدينة قديمة. و كاين قول خور كيڭول بلي جات من "فازاز" لي هيّ منطقة قريبة ليها ف لأطلس لمتوسط. قتيراح خور كيڭول بلي جات من كلمة "فحص" لي كاتدل على لأرض لمسرّحة و لواسعة.

جغرافيا

أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 215.812 لي ساكنين ف فاس، سوا مغاربا ؤلا أجانب.

الجو

بحكم أنها فدير الأطلس فاس الجو ديالها كايتعتابر سخون. الصيف ديالها متوسطي (على حساب تقسيم كوبن).

معالم

لمدينة لقديمة د فاس مسجلة ف الليستا د التراث العالمي د ليونيسكو من 1981. كاينين بزاف ديال لمعالم ف لمدينة لقديمة بحال لجامعة د لقرويين و لمدارس و لفنادق و لقصورة و الجوامع.

تنقل

المدينة فيها مطار دولي، مطار فاس سايس، و محطة ديال تران تابعة للمكتب لوطني للطرق لحديدية، و هاد لمحطة كاتدي للشرق تال وجدة، و للغرب تال طنجة وكازا.

تصاور

• 
  لمدينة لقديمة د فاس
• 
  باب بوجلود فالدخلة د فاس

شوف حتا

• لمدينة لقديمة د فاس

مصادر

تقدر تزيد شوف بزاف د تّصاور و لمعلومات ديال Fes ف ويكيميديا كومنز.