تقسيم ترابي د لمغريب


تّقسيم تّرابي د لمغريب هو تّقسيم لّي كايحدد لمجال لإداري لّي كاتنتمي ليه كل نقطة جغرافية ف لمغريب، من أصغر مستوى (لجماعة) ل أعلى مستوى (لجيهة). هاد تّقسيم وقعو فيه بزاف ديال تّطورات و تّبديلات من نهار خدا لمغريب لستيقلال ديالو. تّقسيم تّرابي كايتحدد ب قوانين و مراسيم و تايتنشر ف لجريدة رّسمية.

لجيهات د لمغريب

ف لوقت لحالي، وعلى حسب لمرسوم رقم 2.15.40 لّي خرج ف 20 فبراير 2015، لمغريب مقسّم ل 12 جيهة ول 75 إقليم/عمالة و ل 1538 جماعة (حضرية ولا قروية ولا مقاطعة).[1]

على حسب دّستور لمغريبي، ف لفصل 71، لمفهوم ديال لجماعة تّرابية كايشير ل لجيهات و لعمالات/لأقاليم و لجماعات، و هاد لجماعات تّرابية كاملة عندها مجالس منتخبة و لقانون كايحدد لمجالات لّي كاتدخل ف سّلطات ديالها و كيفاش و منين كاتجيب فلوس لميزانيات ديالها. غير هو هاد لجماعات تّرابية كاتخدم وكاتسير تحت لوصاية ديال وزارة دّاخلية و لموظفين ديالها لّي هوما لقياد و لباشاوات و لعمال ولولاة، ولّي كايتعينو من طرف لحوكومة.

تاريخ بدل

لحماية بدل

ف منطقة لحماية لفرانساوية بدل

 
فقرة مازالا خاوية ولا ناقصة:
هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

ف منطقة لحماية الصبليونية بدل

 
تّقسيم لإداري د لمغريب ف فترة لحماية الصبليونية

يامات لحماية الصبليونية ف شّمال د لمغريب (بين 1913 و1956)، تّقسيم كان على حساب لمجال تّاريخي ديال لقبايل د أريف و لمنطقة د جبالة. لمغريب لإسباني (لّي كانت سميتو رّسمية لمنطقة لخليفية) كان مقسم ل خمسة ديال لأقاليم:

  • جبالة: لعاصمة ديالها تطوان.
  • لوكوس: لعاصمة ديالها لعرايش.
  • شّاون: لعاصمة ديالها شّاون.
  • أريف: لعاصمة ديالها لحسيمة (ولا بيّا على حسب سمية ديالها ف لمدة د لحماية).
  • كرت: لّي لعاصمة ديالها نّاظور.

تّقسيم صّغير كانو هوما لقبايل(كابيلاس Cabilas على حسب تّسمية لإدارية سّبنيولية) و لّي كان لعدد ديالهوم 44 قبيلة. ةاحد لملاحظة مهمة هنا، لقبايل هنا كانو ب معنى جغرافي و ماشي دموي/عرقي.

كابيلاس/لقبايل ديال شّمال د لمغريب ف فترة لحماية الصبليونية
  • كبدانة
  • مازوزا (مزوجة)
  • أولاد ستوت
  • قبيلة بني بويحيى بني بويح
  • بني بويفرور
  • بني سيدل
  • بني شيكر
  • بني بوغافر
  • بني سعيد
  • تمسمان
  • بني أوليشك
  • تافرسيت
  • بني توزين
  • مطالسة
  • مسطاسة
  • بني جميل
  • بني سدات
  • كتامة
  • بني بوفراح
  • تارجيست
  • زرقات
  • بني خنوس
  • بني بونصار
  • تاغزوت
  • بني بوشيبت
  • بني أحمد
  • بني بشير
  • بني عمارت
  • بني مزدوي
  • بني ورياغل
  • بني يطفت
  • بقيوة
  • مطيوة
  • بني ارزين
  • بني سميح
  • بني كرير
  • بني بوزراع
  • بني خالد
  • بني منصور
  • بني أحمد
  • غزاوة
  • بني زيات
  • بني سيشل
  • بني سلمان

لجيهات ب لأقاليم/لعمالات ديالها بدل

ف لجدول لّي لتحت لجيهات ال 12 ديال لمغريب ب لأقاليم و لعمالات ديالها، على حسب لمرسوم رقم 2.15.40 لّي تنشر ف لجريدة رّسمية ف 5 مارس 2015:

لجيهة لعاصمة د لجيهة لعمالات ولأقاليم عدد لجماعات
رّباط سلا قنيطرة رّباط عمالة الرباط، عمالة سلا، عمالة الصخيرات تمارة، إقليم قنيطرة، إقليم لخميسات، إقليم سيدي قاسم، إقليم سيدي سليمان (7) 122
دّار لبيضا سطات دّار لبيضا عمالة الدار البيضا، عمالة لمحمدية، إقليم الجديدة، إقليم النواصر، إقليم مديونة، إقليم بنسليمان، إقليم برشيد، إقليم سطات، إقليم سيدي بنور (9) 168
بني ملال خنيفرة بني ملال إقليم بني ملال، إقليم أزيلال، إقليم لفقيه بن صالح، إقليم خنيفرة، إقليم خريبݣة (5) 135
مراكش آسفي مراكش عمالة مراكش، إقليم شيشاوة، إقليم لحوز، إقليم قلعة سّراغنة، إقليم صّويرة، إقليم رّحامنة، إقليم آسفي، إقليم ليوسفية (8) 255
ݣلميم واد نون ݣلميم إقليم ݣلميم، إقليم آسا-زّاݣ، إقليم طانطان، إقليم سيدي إيفني (4) 53
طنجة تطوان لحسيمة طنجة عمالة طنجة أصيلة، عمالة لمضيق لفنيدق، إقليم تطوان، إقليم لفحص-أنجرة، إقليم لعرايش، إقليم لحسيمة، إقليم شفشاون، إقليم وزان (8) 149
جهة شّرق وجدة عمالة وجدة أنݣاد، إقليم نّاظور، إقليم دّريوش، إقليم جرادة، إقليم بركان، إقليم تاوريرت، إقليم ݣرسيف، إقليم فيݣيݣ (8) 124
فاس مكناس فاس عمالة فاس، عمالة مكناس، إقليم لحاجب، إقليم إيفران، إقليم مولاي يعقوب، إقليم صفرو، إقليم بولمان، إقليم تاونات، إقليم تازة (9) 199
درعة تافيلالت رّاشيدية إقليم رّاشيدية، إقليم ورزازات، إقليم ميدلت، إقليم تنغير، إقليم زاݣورة (5) 125
سوس ماسة أݣادير عمالة أݣادير إيداوتانان، عمالة إينزݣان آيت ملول، إقليم شتوكة آيت باها، إقليم تارودانت، إقليم تيزنيت، إقليم طاطا (6) 175
لعيون سّاقية لحمرا لعيون إقليم لعيون، إقليم بوجدور، إقليم طرفاية، إقليم سّمارة (4) 20
دّاخلة واد دّهاب دّاخلة إقليم واد دّهاب، إقليم أوسرد (2) 13

عيون لكلام بدل

  1. ^ "المغرب يتبنى تقسيما ترابيا جديدا - البوابة الوطنية للجماعات الترابية". مأرشيڤي من لأصل ف 2021-04-22. تطّالع عليه ب تاريخ 2020-01-26.
  تقدر تزيد شوف بزاف د تّصاور و لمعلومات ديال Subdivisions of Morocco ف ويكيميديا كومنز.