جهة الداخلة وادي الذهب


جهة الداخلة وادي الذهب (بلأمازيغية: ⵜⴰⵙⴳⴰ ⵏ ⴷⴰⵅⵍⴰ ⴰⵙⵉⴼ ⵏ ⵡⵓⵔⵖ، بالفرانساوية: Dakhla-Oued Eddahab) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فأقصى لجانوب ديال البلاد، و لعاصيمة ديالها هي الداخلة، و مابين لمدون اللي كاينين فلجيهة: إيمليلي وتيشلا وأوسرد ولعرگوب وأم ضرايگا وبيرانزاران. عدد السكان على حساب لإحصاء اللي تدار فـ2014 وصل فهاد لجيهة لـ142,955.[3] لميساحة ديال لجيهة هي 130,898 كم².

جهة الداخلة وادي الذهب (ar)
ⵜⴰⵙⴳⴰ ⵏ ⴷⴰⴽⵅⵍⴰ ⴰⵙⵉⴼ ⵏ ⵡⵓⵔⵖ (zgh)
جهة الداخلة وادي الذهب
التقسيم لإداري
لبلاد لمغريب
لعاصيمة الداخلة
لأقاليم
التأسيس 2015
تسمات على الداخلة و وادي الذهب
لجغرافيا والسكان
لميساحة 130,898 كم²
لبلاصة طايحة لمحيط لأطلسي (0 م)
محادية معا جهة العيون الساقية الحمراء
شحال دالسكان 142,955 (2014)
معلومات خرى
التوقيت ڭرينيتش + 1
اللوغات تشلحيت
لحسانية
الدارجة لمغريبية
السيت الرسمي لموقع الرسمي[1]
كود إيزو 3166-2 MA-12
خريطة لجيهة
Dakhla-Oued Ed Dahab region locator map.svg

السكان ولأقاليمعدل

السكان فلأقاليم ديال لجيهةعدل

كتكون لجهة ديال الداخلة وادي الذهب من جوج ديال لأقاليم: إقليم وادي الذهب، و إقليم أوسرد. هاد لجدوال كايبين لأقاليم ديال لجيهة والسكان ديالها:[3]

لأقاليم لمساحة (كم²) شحال دالسكان شحال دلأسر الدوائر لجماعات لحضرية لجماعات لقروية
إقليم وادي الذهب 528 69 765 126 609 28 2 1 6
إقليم أوسرد 370 61 190 16 776 2 1 5
لمجموع 898 130 955 142 385 29 4 2 11

التطور ديال شحال دالسكانعدل

على حساب إحصاء 2004 كان ساكن ف لجهة 99.367 نسمة، ولكن ف آخر إحصاء لي دّار ف 2014 ولا عدد سّكان 142.955 نسمة.

عدد سّكان ديال جهة دّاخلة وادي دّهب بين 1982 و2014
لأعوام 1982 1994 2004 2014
عدد سّكان 496 21 751 36 367 99 955 142

لجغرافيا ولموناخعدل

جهة الداخلة وادي الذهب محاديها من الشمال جهة العيون الساقية الحمراء ومن لجانوب والشرق بلاد موريطانيا ومن لغرب لمحيط لأطلسي. هاد لجيهة فيها بزاف ديال لخصائص لجغرافية بحال أنه دايز منها ويدان ناشفين كيعمرو فاش كاتطيح الشتا لموسمية وسهول وسهوب صحراوية. كاينة سلسلة جبلية صغيرة فلطول وليرتيفاع دايزة فالشرق ديال لجيهة قريب من گلتة زمور. لميساحة ديال لجيهة واصلة لـ130,898 كم². هاد لجدوال كيعطي لمعلومات على لحرارة والشتا فمدينة الداخلة اللي هي لعاصيمة ديال لجيهة.

لموناخ ديال الداخلة
الشهر يناير فبراير مارس أبريل ماي يونيو يوليوز غشت شتنبر أكتوبر نونبر دجنبر
أكبر درجة دلحارارة تسجلات بـ C° 33 33.9 37 37.2 42 36 38.9 39 41.8 39.6 37 31.6
معدّال لحرارة لعليا بـ C° 20.9 22.7 23.7 23.3 24 24.8 25.7 26.5 27.4 26.6 25.1 22.5
معدّال لحرارة بـC° 18.1 18.4 20 19.2 19.9 20.7 21.9 22.7 23 22.6 20.8 18.7
معدّال لحرارة السفلانية بـC° 13.3 13.8 14.7 14.9 15.8 16.7 17.5 18.3 18.8 18 16.6 14.5
أدنى درجة دلحارارة تسجلات بـC° 8.5 8.8 10 10 11 11.1 10 13 12 9 8 7.2
معدّال الشتا فالشهر بلميليميتر 2.3 2.8 1 0 0.4 0 1.4 2.1 10.9 6.3 2.6 9.8
معدل الروطوبة % 70 77 75 75 78 79 81 82 80 77 76 73
لمصدر: [4]

لبينية التحتانيةعدل

مطار الداخلة الدولي هو مطار كاين فمدينة الداخلة وكايسيرڤي لجيهة ديال الداخلة وادي الذهب. جا لمطار تقريبا حدا الصونطرڤيل ديال الداخلة. كيتعتابر تامن أكبر مطار فلمغريب من ناحية عدد لمسافرين، وكايقدر يهز 300.000 مسافر.

لدابا ماكاينيش أوطوروطات اللي كايديو أولا كايدوزو من جيهة الداخلة وادي الذهب، ولاكين دايزين طرقان وطنية واصلة لدرجة الطرقان السريعة، بحال الطريق لوطنية 1، وكاينة طرقان وطنية عادية بحال الطريق لوطنية 3 اللي شادّة مابين لعرگوب وأگوينيت ودايزة من أوسرد، أولا الطريق لوطنية 17 بالتفروعات ديالها فميجيك وأگوينيت.[5][6]

ليقتيصادعدل

لفلاحةعدل

النشاط الرعوي هو الشي لفلاحي اللي معروف فجيهة الداخلة وادي الذهب، حيتاش هاد لجيهة فيها لموناخ الصحراوي. كاينة مبادارات كتشجعها الدولة ولمستثميرين باش تصلح لأراضي اللي كاينة قريبة من لبحر، وليوم لجيهة فيها زيراعة ديال الدلاح بـ20 ألف طن فلعام وماطيشا سوريز بـ66 ألف طن.[7] هادشي كامل من غير لينتاج ديال لحوت ولموارد السمكية ديال لجيهة، حيتاش عندها بحر الطول ديالو واصل لـ667 كيلوميتر.[8] لإنتاج ديال لجيهة من تربية لأحياء ديال لبحر وصل لـ60% من لينتاج ديال لبلاد، بليمارة 50 مليون محارة و10 دلمليون ديال لميعة دوروپا تربّات فهاد لجيهة.[9]

الصيناعةعدل

فجيهة الداخلة وادي الذهب كاينة واحد لقاعيدة صيناعية متوسطة. لجيهة كاتخطط باش تصاوب منطقة صيناعية فلعاصيمة ديالها، واللي غاتكون تابعة للمخطط ديال لمرسى لاطلسي الجديد.[10]

لخدماتعدل

لقطاع ديال السياحة كايعطي قيمة كبيرة للناتج ديال لجيهة، اللي كاتوفر بزاف ديال لمقومات بحال لخيام وسط الرملة ديال الصحرا والرياضة ديال لبحر وحتى اليوݣا فالطبيعة. لجيهة ستاقبلات بزاف ديال التضاهورات بحال "كرانس مونتانا" و"مهرجان لموضة لافريقية".[11]

شوف حتىعدل

لمصادرعدل

  1. hcp.ma…
  2. le maroc compte desormais 12 regions (بلفرانساوية)
  3. 3.0 3.1 لجريدة الرسمية عدد 6354 بتاريخ 23 شهر 4، 2015 - الصفحة 3.
  4. "Klimatafel von Dakhla (Villa Cisneros) / Westsahara" (PDF). معدلات المناخ (1961-1990) من محطات جوية حول العالم (بلألمانية). Deutscher Wetterdienst. تطّالع عليه بتاريخ 6 November 2018.CS1 maint: unrecognized language (link)
  5. لجريدة الرسمية عدد 6677 (28 شهر 5، 2018 - الصفحة 23)
  6. لجريدة الرسمية عدد 6677 (28 شهر 5، 2018 - الصفحة 24)
  7. الفلاحة بجهة الداخلة-وادي الذهب.. عزيمة وجهود للتأهيل تتحدى قساوة الصحراء - ماپ إيكولوجي - 29.09.2017
  8. جهة الداخلة وادي الذهب: مؤهلات وإمكانات عديدة لصالح التنمية المستدامة - موقع sahara.gov.ma لحوكومي - 20.12.2019
  9. وزير الفلاحة: جهة الداخلة-وادي الذهب تستأثر بـ60 في المئة من الإنتاج الوطني في قطاع تربية الأحياء البحرية - هوية بريس - 13.11.2019
  10. والي جهة الداخلة وادي الذهب يدرس آخر مراحل تصميم المنطقة الصناعية لميناء الأطلسي بالداخلة - جرنان التحدي الإفريقي - 29.11.2019
  11. منتوجات سياحية مبتكرة ترفع من جاذبية جنوب المغرب في بورصة برلين الدولية للسياحة - دكالة تيڤي - 11.03.2019
  تقدر تزيد شوف بزاف د صور و معلومات ديال Dakhla-Oued Ed Dahab ف ويكيميديا كومنز.