تينمللأمازيغية ⵜⵉⵏⵎⴻⵍ ؤلا ⵜⵉⵏ ⵎⴰⵍ) قرية جبلية صغيرة ف لأطلس لكبير بعيدة ب 100 كيلوميطر علا مراكش، ف لمغريب. تينمل كانت هيّا لعاصيمة لّولة ديال لموحدين لّي كانو بداو منها لحملات لعسكرية ديالهم ضد لمورابطين.[1] جّامع ديال تينمل دخل ل لّيستة تّجريبية د ليونيسكو ديال تّرات لعالامي ف 1 يوليوز 1995.[2]

جّامع ديال تينمل من لداخل

السمية بدل

ف لأمازيغية كيما كيهضروها الناس دابا، "تينمل" كاتعني لمدراسة ؤلا السكويلة.[3] على حساب التوارخي لمغريبي أحمد التوفيق، سّمية د تينمل ف لأصل مركبة من تن ؤ أملل، ؤ كاتعني مولات لهبطة.[4] باحتين و كتّاب مغاربا خرين عطاو تأويلات خرة ل السمية د تينمل، بحال علي صدقي أزايكو، لي ڭال بلي النطقان الصحيح ديالها هوّ "تيمنلّال"، و كاتعني "لمزار" ؤلا "لحج"، ؤلا "لموضع لمحرّم". و تقدر تكون السمية ف لأصل كانت "تينملل"، "تامنللت"، "تينمال"، "تامللت"، "تنملل"، "تين ملل"، و يلا كانت مركّبة من "تين" و "إميلال"، تقدر تكون كاتعني "مولات الدروج"، لي تقدر تكون كاتشير ل لمناطق ديال الفلاحة لمدرجة على سفوح الجبال حدا لموضع ديال تينمل.[5]

عيون لكلام بدل

  1. ^ "لفن لإسلامي، جامع د تينمل" (ب نڭليزية). مأرشيڤي من لأصل ف 2023-10-03. تطّالع عليه ب تاريخ 2021-06-13.
  2. ^ "لّيستة تّجريبية، جامع تينمل" (ب نڭليزية). مأرشيڤي من لأصل ف 2023-10-01. تطّالع عليه ب تاريخ 2021-06-13.
  3. ^ "Tinml, school". مأرشيڤي من لأصل ف 2023-07-08. تطّالع عليه ب تاريخ 2023-07-07.
  4. ^ أحمد التوفيق (2019). في تاريخ المغرب (ب لعربية).
  5. ^ ناصري، عبد المالك (2020-11-17). "تينمل، مهد الدولة الموحدية". مجلة زمان. مأرشيڤي من لأصل ف 2023-07-08. تطّالع عليه ب تاريخ 2023-07-06.
  تقدر تزيد شوف بزاف د تّصاور و لمعلومات ديال Tinmel ف ويكيميديا كومنز.
 
هادي زريعة ديال مقالة خاصها تّوسع. تقدر تشارك ف لكتبة ديالها.