الرقم الدولي المعياري ديال الكتاب

الرقم الدولي لمعياري ديال لكتاب (ردمك) ؤلا نّمرة دّولية لمعيارية د لكتاب (بلونݣلي: International Standard Book Number (ISBN)) هو مُعَرِّف رقمي تجاري ديال لكتوبا مصمم باش يكون وحيد، يعني كل كتاب عندو رقم ديالو بوحدو.[م 1][م 2] الناشرين كيشريو الردمكات من شي فرع ديال لوكالة الدولية ديال الردمك.[1]

باركوض ديال الرقم الدولي المعياري ديال الكتاب

كل طبعة ولا طريقة نشر مختالفة ديال لكتوبا عندها ردمك ديالها لخاص (ما عدا يلا كان تنشر قبل وعاوتاني دابا رجع). مثلا طبعات كتاب إلكتروني، غلاف بالوراق، غلاف فني ديال نفس الكتاب كل وحدة غادي يكون عندها ردمك ديالها الخاص. الردمكات اللي قبل من 2007 كان فيهم عشرة د نّماري، ؤالردمكات اللي خرجو من بعد 1 يناير 2007 كلهم فيهم تلاتعش رقم. كيفاش كيتحطو الردمكات كتختالف من دولة لدولة ؤكل دولة عندها طريقتها، ؤغالبا هاد الطريقة كتكون مرتابطة بصناعة النشر فالدولة واش صغيرة ولا كبيرة.

الصيغة التعريفية اللولة ديال الردمك بانت ف1967، معتامدة على الترقيم المعياري ديال الكتاب (تمك) (Standard Book Numbering (SBN)) اللي كان فيه تسعوت نّماري وبان ف1966. صيغة 10-نماري ديال الردمك طوراتها المنظمة الدولية ديال لمعايير (آيزو) ؤنشراتها ف1970 على أساس معيار دولي "آيزو 2108". التمك ديال 9 نماري ممكن يتحول للردمك ديال 10 نماري يلا زدتي ليه '0' فاللول.

لكتوبا لي كيتنشرو بشكل شخصي بعض لمرات ما كيكونش عندهم الردمك. لوكالة الدولية ديال الردمك كتعطي الردمكات لبحال هاد لكتوبا ك مبادرة من عندها.

معرف آخر، هو الرقم الدولي المعياري التسلسلي (ردمت) كيكون عند لمنشورات الدورية بحال لمجلات والجورنالات. أما الرقم الدولي لمعياري ديال لموسيقا (ردمم) فا كيكون عند لقطاعي لموسيقية.[2]

ملحوظات بدل

  1. ^ فبعض لمناسبات، الناشرين كيعطيو واحد الردمك لشحال من كتاب ب لغلط؛ الطبعة اللولة ديال ذا أولتميت ألفابيت وذا أولتميت ألفابيت ووركبوك عندهم نفس الردمك، 0-8050-0076-3. ف لموقابيل، تقدر تلاقا(ي) واحد لكتاب بشحال من ردمك، مثلا طبعة ألمانية ب لغة ساهلة ديال كتاب إميل و لمحققين عندها الردمكات 87-23-90157-8 (الدنمارك)، 0-8219-1069-8 (لميريكان)، 91-21-15628-X (السويد)، 0-85048-548-7 (لمملكة لمتحدة) ؤ3-12-675495-3 (ألمانيا).
  2. ^ ف بعض لحالات، شي كتوبا كيتباعو غير كمجموعة مشاركين فعدد قليل ديال الردمكات، بحال طبعة ڤانس لمضمنة االي ستعملات غير جوجت الردمكات لـ44 كتاب.

عيون لكلام بدل

  1. ^ "The International ISBN Agency". مأرشيڤي من لأصل ف 2023-10-15. تطّالع عليه ب تاريخ 20 فبراير 2018.
  2. ^ Bradley، Philip (1992). "Book numbering: The importance of the ISBN" (PDF). The Indexer. 18 (1): 25–26. مأرشيڤي من لأصل (PDF [245KB]) ف 2021-10-07. تطّالع عليه ب تاريخ 2020-01-11.
  تقدر تزيد شوف بزاف د تّصاور و لمعلومات ديال ISBN ف ويكيميديا كومنز.