الصويرة

الصويرة (لوغات لأمازيغية: ⵜⴰⵚⵚⵓⵔⵜ، تاصّورت) مدينة مغريبية جات على جنب لمحيط لأطلسي ف جهة مراكش آسفي، ساكنين فيها 77.118 واحد، على حسب لإحصاء لعام 2014.

الصويرة
‫الصويرة‬ (ar) ⵎⵓⴳⴰⴹⵓⵔ (tzm)
قلعة الصويرة
لبلاصة
لبلاد	لمغريب
لإقليم	إقليم الصويرة
لإدارة
لعمدة	أسماء شعبي
السكان
شحال دالسكان	77,966 (2014)
شحال دلفاميلات	20,290 (2014)
لجغرافيا
لميساحة	90 كم²
لعلو	11 م
خط الطول بـ °	-9.7620821
خط لعرض بـ °	31.510947
معلومات خرا
السيت الرسمي	communeessaouira.ma…
الرمز لجغرافي	2549263
لخريطة

زنقة ف الصويرة

تّاريخ

لمدينة تأسسات ب أمر من السلطان لعلوي محمد التالت بن عبد الله، و بدات لخدمة عليها من عند لمعماريين طيوضور كورنوت و حمد النڭليزي، لي ف لبني ديالها خدّمو محابسيا فرانساويين، لي كانو تقبطو ف لبعتة د لعرايش ف 1765. الديزاين ديالها تدار باش يمشي معا لمتطلبات ديال التجار لأجانب، و من داك لوقت بقات لمدينة كاتوسع، و عرفات زديهار كبير. الصويرة كانت أهم مرسى تجاري، و لعاصيمة ديال الديپلوماسية ف لمغريب مابين اللخر د لقرن 18 و اللخر د لقرن 19.

لمدينة لقديمة د الصويرة هي لبلاصا لقديمة ݣاع ف الصويرة فيها و لي كانت تتسما موݣادور شحال هادي و دخلات ل الليستة د ليونيسكو د الترات لعالمي ف 2001.

لمناخ

الصويرة معروفة بالرياح لمجهدة، ومن هنا جا اللقب تاعها مدينة الرياح. هاد الرياح هي لي تاتجدب الناس باش يستمتعو برياضة ركوب لمّاج (السورف) ف لپلاجات تاعها.

ف التقسيم لإداري

الصويرة كاتّعتابر جماعة ترابية حضرية كاينة ف إقليم الصويرة، جهة مراكش آسفي، ساكنين فيها 77118 واحد، على حسب لإحصاء لعام 2014.

تعليم

• نسبة لأمية (نّاس لّي ما كايعرفوش يقراو ولا يكتبو) : 22,1%
• نسبة سّكان لّي قاريين فوق تّانوي (تانوي و جامعة): 24,4%

اقتصاد

لمرصا د صّويرة

• نسبة نّاس نّشيطين (لّي يقدرو يخدمو): 52,5%
• نسبة لبطالة (نّاس لّي ما خدامينش و تايقلبو على خدمة): 17,4%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 17,3%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو): 43,6%

تّقافة

كاين واحد لعدد كبير ديال لمعاليم د لمغريب ف لمدينة لقديمة د الصويرة و هادشي علاش دخلات ف الليستا د التراث العالمي د ليونيسكو ف 2001.

مهرجان ڭناوة و موسيقى لعالم

مهرجان ڭناوة هو واحد لمهرجان سنوي تايتنضم كلا عام ف مدينة الصويرة. بدا هاد المهرجان ف اللول ب كرناڤال شوارع لمدينة لقديمة، قدّمو فيه بزاف تاع لڭروبات لموسيقية بحال ڭناوة، عيساوا، و أحواش، أغاني تقليدية وسط لجمهور. كيفما تم تكريم عازف لپيانو رودي ويستون ولفنان لمغربي "لمعلم" أحمد العرايشي.

لمعالم لمهمة

• لمدينة لقديمة: لمدينة لعتيقة ولا لمدينة لقديمة د الصويرة ولا موڭادور. تزادت للقائمة تاع مواقع التراث لعالمي ف لمغرب سنة 2001، فاش تم التسجيل ديالها ف مواقع التراث لعالمي تاع منظمة ليونيسكو. وتاتعتابر مدينة الصويرة مثال تاع مدون د لقرن السبعطاش لمحصنة ف لمغرب و ف شمال إفريقيا على حساب لأسس لهندسية لعسكرية ديال داك العصر. و موضيل تاع التمازج د لهندسة لأوروپية و لإسلامية ف داك لعهد، و من نهار تأسات تعتابرات مرسا تجاري دولي تايربط لمغرب و الصحرا و أوروپا ولعالم الجديد و بقية لعالم.

شوف حتا

• لمدينة لقديمة د الصويرة

عيون لكلام

تقدر تزيد شوف بزاف د تّصاور و لمعلومات ديال Essaouira ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.