لمغارة د هرقول
لمغارة د هرقول
| ||
| ||
| معلومات عامة | ||
| نوع | كهف | |
| لبلاد | لمغريب | |
| لموضع | طانجا | |
| تصنيف تراتي | ترات تقافي ديال لمغريب | |
لمغارة د هرقول مجموعة د لكهوف لأركيولوجية لي جات حدا كاپ سپارطيل، 14 كيلوميطر ف لغرب ديال طانجا، ؤ ماشي بعيدة على لقصر لملكي د طانجا. لمغارة عندها جوج فتحات، وحدة كاتطل على لبحر، ؤ لوخرة على لبر، منين كيدخلو سّياح ف لعادة. لفتحة لبحرية كاتسمّا "لخريطة د إفريقيا"، حيت شّكل ديالها كيبان بحال يلا قلبتي لخريطة د قارة إفريقيا أفقياً.[1]
لكهوف طرف منها طبيعي، ؤ طرف أخور كبير حفروه سّكان لأمازيغ لأصليين ف أزمنة غابرة باش يستعملو لحجر ف لمصاوبة ديال أدوات مختالفة، بحال روايض، طاحونات ؤ غيرهوم. ف لقديم كانو نّاس كيعتاقدو بلي لمغارة د هرقول كاتبقا نازلة بلا حدود، ؤ بلي كاين شي ممر سري طولو 24 كيلوميطر كيربطها معا ؤروپا تحت من مضيق جبل طّر.
أساطير
بدللؤسطورة كاتڭول بلي رّب ليوناني هرقول، نعس ف هاد لمغارة قبل مايكمّل لعطاشة نمرة 11 من بين 12 كان كلّفهوم بيه لماليك ؤريسثييوس، ؤ لي كانت باش يجيب تّفاحات دّهبية من جّردة ديال لحوريات لغربيات، لي لموضع ديالها كان ف مدينة ليكسوس حدا لعرايش.[2] على حساب لمكتوبات د رّومان، كان واحد جّبل سميتو أطلس لي كان كيجمع شمال إفريقيا معا ؤروپا، ؤ فاش هرقول داز من تماك، بلاصت ما يتسلّق جّبل، هرقول خدّم لقوة لخارقة ديالو باش يهرّسو، ؤ بهادشي فصل لقارات بجوج على بعضياهوم، ؤ خلق مضيق جبل طّر. طرف من جبل أطلس لأسطوري هوّا جبل طّر، ؤ لاخور ف جّيهة لمقابلة هوّا إما جبل هاشو ؤلا جبل موسى. هاد جّبال من جوج جوايه كيتسمّاو لعمايد د هرقول.
تاريخ
بدلف لعصر نّيوليتي (جوايه 6000 قبل لميلاد) كان بنادم ساكن ف مغارة هرقول. ف لفترة لعصرية، عاودو تّكتاشفو هاد لكهوف ف 1878. ف 1920 سّلطات حلو لمغارة ل لعوموم، ؤ تصنّفات ترات تقافي وطني ف 1952.
ف 1986، ب موبادرة من صديقة ديال لفنان نّڭليزي براين ڭايسين، لي كان ساكن ف طانجا، تشتت رّماد ديال لبقايا ديالو ف لمغارة.[3]
ف 23 أكتوبر 1995، لڭروپ د رّوك لبريطاني ديف ليپارد، لعبو لموسيقا ف لمغارة د هرقول (بعدما دارو حفلة د لموسيقا ف ڤانكوڤر ف كانادا ؤ ف لندن) ؤ بهادشي دخلو ل موسوعة ڭينيس د رّوكورات، حيت دارو تلاتة د لحفلات موسيقية ف 3 د لقارات ف نفس نّهار.
ف 20 دجنبر 2003، تسدو لكهوف على عوموم نّاس بعدما طرا نهيار سبابو أشغال د لبني حدا لموضع، ؤ عاود تحلّات ف يناير 2004، بعد لمعاينة د لبلاصة. ف شتنبر 2015، تحلّات لمغارة ل لعوموم، بعدما كانت تسدّات عامين بسباب إصلاحات.
عيون لكلام
بدل- ^ "Grottes d'Hercules" (ب نڭليزية). مأرشيڤي من لأصل ف 4 مارس 2016.
- ^ "Caves of Hercules" (ب نڭليزية). مأرشيڤي من لأصل ف 2023-07-17. تطّالع عليه ب تاريخ 2022-07-13.
- ^ "Felicity Mason/Anne Cumming – A Brief Biography and Interview – Jennie Skerl". مأرشيڤي من لأصل ف 2023-04-01. تطّالع عليه ب تاريخ 2022-07-13.
 هادي زريعة ديال مقالة خاصها تّوسع. تقدر تشارك ف لكتبة ديالها. |