طرفاية

طرفاية
‫طرفاية‬ (ar) ⵟⴰⵔⴼⴰⵢⴰ (tzm)
مدينة طرفاية من الطيارة
لبلاصة
لبلاد	لمغريب
لإقليم	إقليم طرفاية
السكان
شحال دالسكان	4,506 (1994)
شحال دلفاميلات	2,092 (2014)
لجغرافيا
لعلو	7 م
خط الطول بـ °	-12.92635918
خط لعرض بـ °	27.93784879
معلومات خرا
توقيت ديال لمدينة	توقيت غرب أوروبا
كود د لبوصطة	70050
السيت الرسمي	tarfaya.info
الرمز لجغرافي	2529923
لخريطة

طرفاية مدينة مغريبية كاينة ف جهة لعيون ساقية لحمرا.

ف تّقسيم لإداري، كاتّعتابر طرفاية جماعة ترابية حضرية، ؤ هيّا لعاصيمة ديالت عمالة طرفاية. ساكنين فيها 7986 واحد، على حسب لإحصاء لعام 2014.

تاريخ

تاريخ طرفاية لمكتوب كيبدا مع دخول نݣليز ل لمدينة عام 1879، فاش فكر لمهنديس نݣليزي دونالد ماكنزي يصاوب محال تجاري فلبحورا د لمغريب لجنوبية، و ستاغل ضعف لمغريب حيت كان السلطان الحسن الأول بن محمد مشغول مع لأطماع لأوروپية، وداك المحال التجاري غادي يمسيه Victoria Center (ب لعربية دار البحر) ب لحسانية كسمار لجاية من سّپنيولية Casa del Mar.

طرفاية فالقرن كمنطقة كانت مسيطرة عليها قبيلة سميتها تڭنة، لي هي غادي تعقد تفاقية تجارية مع لمهنديس دونالد ماكنزي، و غادي تسمح ليه يبني دار البحر التجاري فطرفاية لي غادي تسالي سنة 1882م. وهادشي مكانش فراس السلطان الحسن الاول، شّي لي خلاه غاضب ومشا تكلم مع السفير ديال بريطانيا ف طانجا. لكن السفير ديال بريطانيا مداهاش فيه و قال ليه ديك لأرض ماشي ديالكم. هادشي خلا السلطان يعين الشيخ ماء العينين خليفة السلطان على الصحرا وعين حراس وقياد بموجب ظهير شريف على سواحل المنطقة كاملة.

بعد سنوات فاقو العمال ديال دار البحر على هجوم من سكان د المنطقة وهادشي كان راجع ل سياسة السلطان، وخربو لمركز وقتلو شي وحدين من نڭالزة، وغادي يتفاعل السفير ديال بريطانيا وغادي تدعم خطة د دونالد كثر من قبل، وبسباب ضغط د لمغريب قررات تنساحب بريطانيا من طرفاية، ولكن بشرط هو يعوض لمغريب نڭالزة فديك المنشأة ولي شراها السلطان ب 50,000 بعد مفاوضات كبيرة بين الطرفين وتم سّترجاع ديالها سنة 1895م.

لكن كتبقا فترة 1895-1912 فترة مبهمة مافيها والو. لي كنعرفو على هاد لفترة هيّا بلي طرفاية كانت مرسى مهمة ؤ مزيانة عند لمغريب خصوصًا لمُقاومة الصحراوية لمغريبية، بحال الشيخ ماء العينين لي كان خليفة السلطان لحسن لأوَّل. عام 1912 تسنات معاهدة فاس لي غادي ترد لمغريب تابع ل فرانسا، ولي غادي تولي عندها الصلاحية لكاملة تحكم ف إدارة لمغريب.

عام 1916 غادي تكون تفاقية بين سبليون ؤ فرانسا غادي تولي كاپ جوبي (طرفاية) منطقة سبليونية حتال لعام 1958. فعهد سبانيا، عرفات طرفاية قفزة كبيرة على مستوى التجارة ؤ لعمارة، لي غادي تعطيها طابع معماري ؤروپي، ؤ غادي تنفارد بيه على لمدون لوخرى.

سبانيا بنات بزاف ديال لبنايات لعسكرية بحال قصبة طرفاية، ؤ سور لحماية، ؤ برج عسكري حدا لبلدية (متحف طرفاية)، و حتى من دار لميا لي تبنات عام 1918 فشمال لمدينة حدا لبحر. ب لإضافة ل سينما طرفاية لي غادي تبنى فعشرينات لقرن لماضي لي بمتابة مركز رفاهية عند لعساكريا د سبليون لي كاين ورا لمتحف. كانت كنيسة سبليونية قديمة تحيدات و تبنى بلاصتها بلدية طرفاية ؤ مدرسة لفرعية، ولي كانت قدامها ديور ديال لموظفين ؤ لعسكر د سبليون.

سنة 1936 غادي تعرف مدينة طرفاية زيارة د مرييه ربه ولد الشيخ ماء العينين، ؤ ف لبدية ديالو غادي يبني زاوية طرفاية عام 1937 لي غادي يلعب دور مهم فمحاربة لجهل فلمنطقة، وبنى لمسجد لعتيق عام 1940، لي كيتعتابر من أقدم لمساجد فالصحرا. فخمسينات لقرن لماضي بدات لمقاومة بواسطة جيش التحرير لمغريبي لي غادي يحررها عام 1958، وغادي يزورها ولي لعهد لحسن بن محمد وغادي يدور فيها ويتعرف على تاريخها ؤ تقافتها.

تصاور د لمدينة

مسجد المسيرة الخضراء بطرفاية ثاني اكبر مسجد د لمدينة

معلمة دار البحر لبحر ديال طرفاية

تعليم

• نسبة لأمية (نّاس لّي ما كايعرفوش يقراو ولا يكتبو) : 24,3%
• نسبة سّكان لّي قاريين فوق تّانوي (تانوي و جامعة): 17,9%

اقتصاد

• نسبة نّاس نّشيطين (لّي يقدرو يخدمو)58,7%
• نسبة لبطالة (نّاس لّي ما خدامينش و تايقلبو على خدمة): 19,5%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 26,6%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):45,8%

عيون لكلام

تقدر تزيد شوف بزاف د تّصاور و لمعلومات ديال Tarfaya ف ويكيميديا كومنز.