لمغريب
لمغريب ؤلا لمملكة د لمغريب (ب لأمازيغية ⵜⵎⴳⵍⴷⵉⵜ ⵏ ⵎⵓⵔⴰⴽⵓⵛ- تاݣلديت ن لمغريب ؤلا ⴰⵎⵓⵔ ⵏ ⵡⴰⴽⵓⵛ أمور ن واكوش ؤ كاتعني بلاد الله) واحد لبلاد كاينة فالشمال لغربي د إفريقيا، لعاصيمة ديالها هيا رّباط ولمدينة لكبيرة ديالها هيا الداربيضا، ولي هي مدينة ديال الصّرف ؤ لخدمة. و لهضرة لمرسمة ديالها هي لعربية و تمازيغت و كاينة حتا هضرة مغريبية لي هي الداريجة و لي هي متأترة ب تمازيغت و لعربية و لفرانساوية و سپنيولية.
.svg)
لمدون لكبار لاخرين ولمعروفين هوما ، فاس، مراكش, سلا، مكناس، طنجة، أݣادير، آسفي، تطوان، وجدة، بركان، لعيون، الحسيمة، بني ملال، قنيطرة، وارزازات والداخلة. تايلاݣيها من الشمال لبحر دّخلاني والصبليون، من لغرب لمحيط لاطلاسي ، من الشرق الجزائر، ومن لجنوب موريتانيا . التيساع د لبلاد هوا 710.850 كم²، و كايسكنو فيه جوايه 36.5 مليون د نّاس على حساب التقديرات ديال 2019.[1] لمغريب بلاد داخل ف لأمم لمتحدة من عام 1956 و جّامْعة دلبلدان لعربية من 1958, وهو من بين لبلدان اللي صاوبات لتيحاد دلمغريب لكبير فعام 1989.[2]
لمغريب مديور فيه نضام ملكي من السلالة دلعلويين ؤ اللي فيه الملك محمد السادس هو اللي كايحكم لبلاد من عام 1999 مورا موت باه لحسن تاني، عندو دوستور توافقت عليه أغلبية كبيرة ف 2011 وعندو برلامان كايصوتو الناس على لعضاوي ديالو.
الرايس دلحكومة دلمغريب ليوما هو عزيز أخنوش لي كينتامي لحزب التجمع لوطني د لأحرار.
السمية ديال لبلاد
بدل
لأمازيغ ف لقرن لول قبل لميلاد دارو مملكة مقابلة لبحر دّخلاني، وسماوها مملكة موريطانية، لي سميتها جات من كلمة مور باش كانو كيتسماو الناس لي ساكنين ف غرب شمال إفريقيا، هاد لمملكة تقسمات عام 40 ميلادية لجوج أقاليم: موريطانية طنجية ف لمغريب و موريطانية لقيصرية ف دزاير.[3] دابا هد سّمية كاتعطا ليوما لبلاد موريتانيا.[4] من بعد ما دخل ليسلام لمغريب ولات كاتسمى هاد لارض لمغريب لاقصى.[5] لوغات دنصارى (بحال لفرانساوية و نݣليزية) خداو سمية المغريب من واحد لكلمة لاتينية (مرك)، وهي طريقة غالطة نطقو بيها هاد ناس كلمة مراكش لي كانت عاصيمة د لمورابيطين.[6] وكاينة سمية أمازيغية لي هي أمور ن أكوش و كاتعني بلاد الله. سميت لمغريب يمكن جات من لغرب، ؤ كانلقاو سميات قدام ديال لمغريب لّي عندهوم نفس لمعنى بحال موهاريم ب لفينيقية،[7] ؤ هيسپيريس ب ليونانية لقديمة. وفلغالب بلي لمشارقة فالفتح ديال لعرب لهاذ جيهة سماو ݣاع لبلدان لي ورا مصر بسميت المغريب. ويݣولو فرواية خرا بلي ناس بكري كان تايحساب ليها بلي الشمس كاطلع من جّاپون (بشينوية نيهون: لبلاصة لي كاطلع منها شمش)[8] وكاتلاح ف لمملكة د لمغريب (ب لعربية لفوصحى المغرب: البلاصة لي كاتلاح فيها شمش). ناس لي كانت كاتكتب تاريخ ديال لعرب كانت كتفرق لمغرب لكبير لتلاتة د لبلدان: لمغريب لقريب (ف تونس)، لمغريب لوسطاني (ف لجزائر) ولمغريب لبعيد (لي هو لمغريب). ناس من بعد عرفات لمغريب ب سميات خرا بحال سميات ديال لعواصيم ديالو كيبحال مملكة مراكش ومملكة فاس، حيتاش سلاطين ديك ساع كانو كايسينيو لتيفاقيات و لمعاهدات إما بـ سلطان فاس ولا سلطان مراكش.[9] صبليون خداو سمية ديال هاد لبلاد (Marruecos) من سمية مدينة مراكش، نفس لحاجة داروها لفرانصيص (Maroc) واخا بعض لمرات كيسميو لبلاد بلمملكة الشريفة (Le Royaume chérifien).
تاريخ
بدل
مقالة متعمقة: تاريخ د لمغريب
قبل تاريخ
بدللعصر لحجري لقديم
بدلالمنطقة اللي هي دابا المغريب كانت مسكونة من العصر الحجري القديم، ف شي وقت مابين 190.000 و 90.000 ق.م. كاينة دراسة جديدة اللي تقدر تبين بيلا المغريب كان مسكون قبل هاد التاريخ من بعد ما تكتاشفو مستحتات ديال الهومو ساپيينس حدا الضفة ديال المحيط الأطلسي ف جبل إيغود اللي التاريخ ديالهوم كيرجع ل قبل 315.000 ق.م. الشي اللي كيجعل هاد المستحتة هي أقدم مستحتة ديال الهومو ساپيينس ف العالم.[10] ف العصر الحجري القديم العلوي، المنطقة ديال المغرب كانت كاتشبه الساڤانا فعوض القحولة اللي المغريب ولا معروف بيها دابا. الحقبة العاترية (من هادي 40 حتال 20 ألف عام) جات من وراها التقافة الإيبيروموريسية (من هادي 21 ألف عام) اللي تتواجد بالأخص فمنطقة تافوغالت فإقليم بركان لي لقاو فيها آثار وهياكل وحمض جيني يرجع لذيك الحضارة لي سماوها على سميت "إنسان تافوغالت"[11] بلفرونسي ليسم لعيلمي ديالو L'Homme de Taforal. أما سميت ايبيروموريزية فهي غلط حسب الاركيولوجي بزوݣاغ [11] لأنهم فبدية لقرن لفايت عتاقدو بلي كاين التشابهات معا التقافات لأيبيرية و ليوم تأكدو بلي لاعلاقة.[12]
لعصر لحجري جديد
بدلف لعصر لحجري الجديد، جاو صيادا ورعاة وستاقرّو ف الساڤانا ديال المنطقة. التقافة ديالهوم زداهرات حتى بدات المنطقة كاتيبس من مور عام 5000 ق.م بسباب التغيرات د المناخ. المناطق الساحلية ديال المنطقة د المغريب ف البدو ديال العصر الحجري الجديد كانت كاتشتارك ف التقافة ديال الفخار مع المنطقة ديال البحر البيض المتوسط. الحفريات الأركيولوجية بينات بيلا التدجين د البقر والزراعة دالغلة بجوجهم وقعو ف داك العصر. ف العصر النحاسي، التقافة الجرسية كانت وصلات للشمال دالمغريب.
تاريخ لقديم
بدل
لفينيقيين
بدلالمجي ديال الفينيقيين للسواحل المغربية أدّى لقرون ديال الحكم الأجنبي ف الشمال د المغريب. التجار الفينيقيين ختارقو المنطقة الغربية ديال البحر البيض المتوسط قبل القرن 8 ق.م و من وراها ب شوية بناو مستودعات ديال الملحة ف السواحل و الوديان د المغريب. من بين أهم المستوطنات اللولة ديال الفينيقيين كانت كاينة ف شالة، ليكسوس و موݣادور.[13]
لقرطاجيين
بدل.png)
جات الحضارة القرطاجية قبل القرن 5 ق.م و وسّعت السيطرة ديالها ف شمال إفريقيا. قرطاج زادت كبرات لعلاقات التجارية مع القبايل الأمازيغية، و خلصات ليهم خلصة سنوية باش تحافض على التعاون ديالهوم ف الستغلال د المواد الأولية.
موريطانيا
بدلمن القرن 3 ق.م، موريطانيا كانت مملكة قبَلية أمازيغية على الضفة المتوسطية ديال المغريب، أقدم ملك معروف ديال موريطانيا كان هو باݣا، اللي حكم فالقرن التالت قبل ميلاد المسيح و من بعد منو كان بوكوس لول لي حكم بين 100 ق.م و 80 ق.م. الملوك الأمازيغيين ما كانوش كيسيطرو بزاف على السواحل، الشي اللي سهّل الدخلة ديال الرومان. ف اللول، موريطانيا كانت كليّان ديال لإمبراطورية رومانية ف عام 33 ق.م، و من بعد ولات إقليم تابع للرومان ب شكل مكمول ملي الإمبراطور كاليݣولا عدم پطوليمايوس، لملك اللخراني ديال موريطانية، ف عام 40 ميلادية.
.jpg)
روما سيطرات على الأراضي الموريطانية، اللي ما كانتش محددة مزيان، ب تفاقيات و معاهدات مع القبايل الأصلية فعوض ما يكون غزو عسكري و وسّعات النفود ديالها غير ل دوك المناطق اللي كانت كاتعتبرهوم مفيدين للإقتصاد ديالها و اللي ما كانوش كيتطلبو بزاف د الناس للحماية. هاد المنطقة ولات جزء من الإمبراطورية الرومانية و ولات سميتها موريطانية طنجية و خدات طنجيس (طانجا دابا) ك عاصمة ليها. ف الوقت ديال الحكم د الإمبراطور الروماني كلاوديوس، الحكام ديال موريطانية طنجية كانو كيحكمو حتى المناطق ف الجنوب ديال ڤولوبيليس (وليلي دابا)، بلحاق الحكم الحقيقي ديال الرومان كان حد سالا كولونيا (شالة دابا). شي المؤرخين كيآمنو بيلا الإمبراطورية الرومانية وصلات حتى لآنفا (الدار بيضا دابا).
لبيزانطيين
بدلفلعام 285 خرجات لمبراطورية الرومانية من لمغريب وجاو لوندال وهوما قبايل من الشرق ديال جرمانيا (لاليمان د ليوم)، ومن موراها لݣوط لغربيين ومن موراها لبيزنطيين.[14][15] فهاد لوقيتة كانوا الناس فالجبولة مامستعمرهوم حد، إنما كان كيحكمهوم ملوك وقياد أمازيغ منهوم. جات الناس لي كتروج لمسيحية لمغريب فلقرن جوج ميلادية، والناس لي ساكنين لفيلاجات ولعبيد وبعض لفلاحة قبلوا هاد الدين الجديد هادا لي جابو ليهوم.
تاريخ لمتوسط
بدل
لأمويين
بدللغزو لإسلامي ديال منطقة المغرب الأقصى، اللي بدا ف الوسط ديال القرن 7 ميلادية، نجح ف البديا ديال القرن 8. هاد الغزو جاب الإسلام ولُّغة لعربية للمغريب. لمغريب ف هاد الوقت كان كيتعتابر طرف من لمقاطعة ديال إفريقية اللي كانت تابعة للدولة الأموية، و لحكام ديال كل بلاصة كانو كيتختارو من عند لحاكم لكبير ف قيروان.[16] للقبايل الأمازيغية عتانقو الإسلام، بلحاق حتافضو بلقوانين لعرفية ديالهوم، و خلصو الضريبة للإدارة ليسلامية لجديدة. كانو جاو ناس عرب و سكنات لمغريب و حكماتو وصاوبو مماليك دياولهوم، بحال صالح بن منصور لي أسس إمارة نّكور ونشر ليسلام بين لي ساكنين فلمملكة ديالو، غالبا من مورا ما كانت كتطرا حرب فبزاف ديال لوقات.[17]
ف 750م، القبايل الأمازيغية ناضو ضد لخيلافة الأموية. التورة بدات من عند القبايل اللي كاينين ف الغرب د لمغريب ونتاشرت دغيا فلمنطقة كاملة. واخا التورة ضعافت ف 742م قبل ما توصل لقيروان، لا الحكام الأموين و لا الخلفاء ديالهوم العباسيين قدرو يعاودو يسيطرو على الغرب ديال إفريقية. المغريب تهنى من الحكم ديال الأمويين بلحاق ولا مقسوم على بزاف ديال لدول أمازيغية صغيرة مستقلة بحال برغواطة، سيجلماسة، ونكور، وزيد عليهوم تلمسان وتاهرت اللي دابا كينتميو لـدزاير.[18]
لأدارسة
بدل
ف عام 789م، تبنات دولة لإدريسية للي حكمات جزء كبير من لمغريب على يد ادريس بن عبد الله[19][20]، ولي كان هرب من موقعة فخ عام 786م، وجا لمدينة وليلي وستقبلاتو لقبيلة لأمازيغية ديال أوربة لي بايعاتو فنس لمدينة باش يتكلف بلأمور دينية والسياسية ديالهم، بعد هاد لمبايعة، بايعوه قبايل أخرين بحال زناتة وغيرها، لي عطاه بزاف ديال لقوة باش يدير التوسوعات ديالو حتى وصلات الدولة ديالو لتامسنا، فازاز وتلمسان، و أسسات بزاف ديال لمدون من غير فاس، بحال لبصرة ؤ تامدولت، و تبعو ليهم بزاف ديال لقبايل بحال مكناسة ؤ غمارة ؤ مصمودة، لكن واخا هكاك فشلوا لأدارسة فتوحيد ديال لمغريب، حيت فلعهد ديالهم كان لمغرب مقسم لبزاف ديال لإمارات، بحال إمارة نكور فشمال، و سجلماسة فشرق، و بروغواطة فلغرب. كايتقال بلي هارون الرشيد صافط لي يقتل ادريس بن عبد الله بسم، من موراها شد ولدو ادريس التاني لحكم وهو باقي صغير عاد عندو 12 لعام. هاد دري ولا راجل وكبر لحكم ديالو، ؤ بنا مدينة فاس عام 808 م، و مهد للمرحلة دلقوة ديال هاد دولة، لي تبنا فيها جامع لقاراويين عام 859م، لي هو من أهم لمعالم تاريخية فلمغريب، و أقدم جامعة فلعالم. بعد لمرحلة ديال لقوة، جات لمرحلة ديال ضعف لي طاحت فيها دولة عام791 م على يد يحيى رابع. من أهم الأثار لي خلاوها الأدارسة هي مدينة فاس لي بناها دريس تاني و قسمها لعدوة ديال الأندلس و عدوة ديال لقرويين، و بنا فيها بزاف ديال لمعالم بحال جامع الأشياخ فلعدوة ديال لأندلس، ؤ جامع شرفاء فلعدوة ديال لقرويين، ؤ دور سوار على لمدينة، و دار ليها لبيبان. فلوقت ديال لأدارسة، كانت لمدينة ديال فاس عندها شهرة كبيرة فلعالم، حيت كانت من لمدون لقلال لي متحضرين، بحكم كانو فيها زناقي مبلطين بلحجر و تاينقيوهم بشكل دوري، و كانت لخزينة ديال دولة مرفحة حيت تادخل بزاف ديال ضرائب على تجارة لي تشهرات بيها هاد لمدينة، كيف ما دارو الأدارسة عملة خاصة بيهوم من لفضة. أهم لحوايج لي ميزات الحكم ديال الأدارسة عاود، هو جامع القرويين، لي تايتعتابر أقدم جامعة مزال محلولة لحدود ليوم، هاد جامع لي بناتو فاطمة لفهرية عام 895 م، بلفلوس لي ورتاتهم على باها لي كان تاجر كبير جا لفاس من لقيراوان، لي خلى هاد جامع يتشهر قد هكا هو لعلوم لي تطورات ديك لوقت بلفضل ديالو، حيت كان بحال مدرسة ولا جامعة تايجيو ليها طلبة لعلم من كل بلاصة باش يتعلمو لعلوم ديال دين و ديال لعقل، بحال طب ولمنطق وتفسير و غيرها، و كان هاد جامع تايوفر امكانية لناس باش يتعلمو نظريا و تطبيقيا.[21]
جات من مورا هاد السلالة بزاف ديال لمماليك خرا بحال لموحدين ولمرينيين ولوطاسيين والسعديين وحدا تابعة ختها[22]، كياخدوا شي مدون كيديروهوم عواصم لدول كبيرة بزاف. هاد لمدون كتسمى ليوما بلمدون لمبراطورية دلمغريب. ومن مورا لقرن 11م[23]، زداهرات هاد الدول وكانت قوى كبرى فلغرب ديال إفريقيا، من مورا ما كانت كاتحكم ديك لبلايص، وزيد عليهوم حتى لأندالوس. بزاف ديال لمسلمين وليهود هربو من لحرب لي نوضاتها لمماليك لمسيحية عليهم فلأندالوس، ولي ناس عرفاتها من بعد بحروب الاسترداد.[24]
لمرابطين
بدل
من ورا ما طاح لحوكم ديال لأدارسة، ومن عام 1060، بداو سلالات أمازيغية تايحكمو لمغريب، أول وحدة كانت هي دولة ديال لمرابطين للي لأصل ديالها من قبيلة لمتونة من صنهاجة. دولة دلمرابطين نجحات توحد لمغريب، ؤ توسعات فلأندلوس ؤ لمغريب حاليا، ؤ توسعات تا على شي بلايص من موريطانيا ومالي ولجزاير دابا، كيف ما كانت حاكمة طرقان ولمدون ديال تجارة ديك لوقت. تأسسات دولة دلمرابطين بعد 119 عام بعد ما طاحت دولة دلأدارسة، بضبط عام 1036 م على يد عبد الله بن ياسين، و دارت مراكش عاصمة ديالها، ونجحات تسيطر على بورغواطة، هاد دولة عرفات أحسن وقت ليها على يد يوسف بن تاشفين، و ماطاحتش تا لعام 1143 م على يد لموحدين. يوسف بن تاشفين، سميتو كاملة هي أبو يعقوب يوسف بن تاشفين بن إبراهيم اللمتوني الصنهاجي، تزاد عام 1009 و خدا لحكم عام 1065، و مات عام 1106 فمراكش و تدفن فيها، هو واحد من لحكام ديال دولة لمرابطية من أصل أمازيغي، (قبيلة لمثونة)، تلقب بأمير المؤمنين وناصر الدين، مراتو هي زينب نفزاوية، ؤ ولادو هوما علي بن يوسف بن تاشفين وتميمة بنت يوسف بن تاشفين.[21]
لموحدين
بدل
دولة ديال لموحدين توسعات على لأندلوس وشمال دلمغريب وتونس ولجزاير دابا. كيف ما حكمو طرقان ولمدون ديال تجارة لمومهيمة ديك ساعة. دول لموحدية دخلات فحرب معا لمرابطين، بعد ما دارو دولة ديالهم عام 1120 م على يد محمد بن تومرت، و حكمو لعاصمة دلمغريب ديك ساعة لي هي مراكش، لي خلاوها عاصمة لدولة ديالهم، من بين سلاطين لي حاكموا يامات لعز ديال لموحدين كاين يعقوب لمنصور لي تزعم الكومبة ديال لأرك ضد لمملكة ديال قشتالة. دولة ديال لموحدين طاحت عام 1270 فاش مات سلطان أبي دبوس.[21]
لي أسس دولة ديال لموحدين هو محمد بن تومرت بن عبد الله بن يا مصال، من منطقة هرغة فسوس، تزاد عام 1077 ؤ مات عام 1130 فمنطقة تينمل و تدفن فيها فلمسجد لأعظم، هو قايد عسكري مسلم، ؤ كاتب ؤ سياسي، تشهر بلهتمام ديالو بلإسلام، ؤ قراو على يديه بزاف ديال ناس بحال عبد المؤمن بن علي، أهم كومبة دارها هي لكومبة ديال لبحيرة ضد لمرابطين لي تغلب فيها، ؤ أهم كتاب عندو هو كتاب "أعز ما يطلب".[21]
.jpg)
فلعهد ديال دولة دلموحدين، بانو بزاف ديال لعلماء، أشهر واحد فيهم هو بن رشد، لي تشهر بلعلوم لي كان تايبحث فيها بحال طب، لعلوم طبيعية ولفلسفة، ولأخلاق وسياسة ولفقه وللغة. كيف ما خلاو لموحدين بزاف ديال لأثار لي كاتعبر على لحضارة ديال هاد دولة، بحال صمعة دلكتبية فمراكش، وصمعة دحسان فرباط، وباب أڭناو فمراكش، وصومعة لخير اَلدا فإشبيلية.[21]
تاريخ جديد
بدل
فالتاريخ الجديد ستمرو سّعديين ف لحوكم تال عام 1659. من موراها بانت سلالة لعلويين لي كانت حاكمة مملكة تافيلالت من 1635. هاد السلالة عاودات وحدات لمغرب فعام 1666. فعام 1684 رجع مولاي سماعيل بن شريف طنجة من نجليز وبدا كيجمع لمداين دلمغريب فواحد الدولة مجموعة، واخا شي قبايل مابغاوش ليه.[25] كان لمغريب أول دولة لي عتارفات بستيقلال ديال ميريكان ف 1787م.[26][27] وفلبدية ديال التورة ديال ميريكان كانت لباريخات لميريكانية ديمن كتجيها لهجمات ديال لقراصينة لأمازيغ، من بعد قرر محمد تالت أن كاع سفن ديال ميريكان غادي تكون مصوفية من لهجومات ديال لقراصينة. تدارت فعام 1777 المعاهدة ديال الصداقة لميريكانية لمغريبية، وكتعتابر ليوما من لمعاهدات لقديمة ديال ميريكان لي مازالا خداما تالين لهاد النهار.[28][29]
من لبدية تاع القرن 18م وقف لمغريب أنكاپابل قدام واحد تورة كبيرة بداتها أوروبا فقضية التورة الصناعية، وحاول لمخزن يدير بزاف ديال لإصلاحات باش يساير لوضع الجديد لي قدامو، وما بين هاد لإصلاحات:
- بدا لمغريب كيصيفت قياد على لمراسي وليپور وفرض عليهوم لمخزن إبداو إشددو لحضية باش متبقاش الرشوة والشفرة، ومنعات التهريب ديال لفلوس دلبلاد لبرا.
- بنات الدولة مدرسة جديدة فسلا باش إتقراو فيها لعلوم لعصرية، وبدات كتطهلا فالطلبة بلميناح، وصيفطات بيعتات لخاريج.
- من دوك لبيعتات لي صيفطات الدولة، شي وحدين مشاو دارو التكوين عند لعسكر ديال أوروبا لغربية، وشرا لمخزن سلاح جديد وبنا أوزين ديال سلاح فمدينة فاس.
لمخزن والسياسة
بدل
واخا نيضام ديال لبيعة كانو فيه لقاوانين الدينية هي لي كانت كاتفورصا، إنما فلقناتي لخرين لقاوانين لوضعية هي لي كانت كتسير لبلاد وكاتنضم لعلاقات مابين الشعب لا من ناحية لقتيصاد ولا لمحاكيم ولا لبوليس فلبلايص لي كان فيها واحد النوع ديال لحوكم الداتي[30][31]، هاد لتيفاقيات كانت كاتقيد فلمدارس (بلأمازيغية: ⵜⵉⵏⵎⵍ تينمل) وكتختالف من بلاصة لوخرا[32]، هاد التنضيم واخا كان لمخزن ضعيف، كان كيعوض السلطة ديالو وكايجي لحوكم متوازن، وكيبان الدور ديالو بزاف فاش كاتنوض روينة على شكون غايحكم ديك لبلاصة.[33]
من ناحية المؤسسات، كيعاود لينا لمقيم لعام لفرنسي فلمغريب جنرال ليوطي فوحدة من لكيتابات ديالو: «فاش دخلنا لمغريب لقينا قدامنا واحد لمبراطورية قديمة فالتاريخ ومامتحكم فيها حتى شي براني، كانت شادة فراسها قدام أي حاجة درناها باش تولي ديالنا، وحتى دابا فهاد لعوام لاخرين كتبان لينا منضمة بزاف لا من جيهة لإدارات فالداخل ولا لي كايمتلوها على برا»[34] لمؤريخ لبريطاني اللبناني فأصلو ألبيرت حوراني (1915-1993)، لي كان أستاد فجامعة أكسفورد، أكد فلكتاب ديالو تاريخ الشعوب العربية أن لمغريب كانو عندو مؤسسات حوكومية و وحدين خرين متعلقين بلقضاء، وكيݣول: «من مورا لحودود ديال لمبراطورية لعتمانية، كاينا دولة من نوع آخر كاينا من هادي شحال: ديك دولة سميتها لمبراطورية لمغريبية»، وعندها ݣاع لبودرات ديال دولة جديدة: لمحاكيم ولويزارات ولعسكر، واخا فشي وقات كانت كتجي لفوضى ولحوكم لي ممݣادش.[34]
لعسكر
بدل- مقالات متعمقة: التاريخ د المغرب• التاريخ دلعسكر فلمغريب
السياسة لي كان خدام بيها لمغريب فلقرن 16 و17 هي سياسة كانت كتجيب توازون الدولي، وهادشي باش إيحافض لمغريب على ستيقلال ديالو ويبعد عليه الطمع ديال لبلدان لبرانية.[35] بدات الدولة دلمغريب كادير لتيصالات مع الدولة لعتمانية من مورا ماولاو هادو صحاح ومتحكمين، والجهد ديالهوم زاد بزاف فاش داو تلمسان ف1517 ووداو مدينة الجزائر ف1516. من مورا ما خداو تلمسان، هرب السلطان[36] ديالها وطلب اللجوء فمدينة فاس.[37] العتمانيين كانو منوضين حرب فشمال إفريقيا زعما راه كيدابزو مع الصبليون النصارا، ديك لوقيتا نيت كانو سّعديين محاربين مع برطقيز وجراو عليهم من لجانوب دلبلاد، وبضبط من مدينة أكادير ف1514، ومن موراها دارو سّعديين توحيد لبلاد من مورا ما خداو لحوكم من الوطاسيين.[38]
لقتيصاد
بدل
فلقرن 18 بداو لمصاليح ديال ؤروپا كيكبرو نهار مورا خوه ف لبحر لبيض لمتوسط، هاد لمصاليح خلات الدول ديال ؤروپا يحضيو التجارة ديالهوم باش إيوقفو لجيهاد لبحري لي كانت كاديرو لباريخات دلمغريب هاداك لوقت. بسباب هادشي بزاف ديال الدول دأوروبا سنات معاهادات أولا جدداتها مع لمغريب، و هادشي فالنص التاني ديال لقرن 18. متلا فلعهد ديال محمد تالت (لي حكم مابين 1757 و1790) جات 7 ديال الدول لأوروبية وسينات معاهادات ديال الصحبة والتيجارة، بلحق كانت كولها تقريبان كتشابه فلبنود اللي فيها، بحال لحضية ديال لباريخات ويتعطاو متيازات لتجار دياولهوم ويتعطاو ليهوم لخدامات فلمراسي دلمغريب.[39]
تاريخ لقريب
بدل- مقالات متعمقة: التاريخ د المغرب• لمغريب ف لقرن 20
فلبدية ديال لقرن 20 ومورا ما كانش انتفاع من ليصلاحات لي دار لمخزن باش تجدد الدولة[40]، ومن مورا ماكانو بزاف ديال لمشاكيل فلقتيصاد وأزمات فالداخل وعلى برا، سيفطات فرنسا لعسكر ديالها لدارالبيضا فشهر 8 ديال 1907، وكان بزز على السلطان عبد الحفيظ إسيني معاهدة فاس ف1912 خلات لأراضي ديالو تكون تحت حماية من طرف فرنسا والصبليون على حساب ما تافقو عليه فمؤتمر لجزيرة لخضرا ف7 شهر 4 عام 1906، من موراها ولات عند الصبليون نفود فالشمال (الريف) ولجانوب (سيدي إفني وطرفاية ولأقاليم لجانوبية).[41] داكشي لي بقا من لمغريب خداتو فرانسا وف1923 تعلنات مدينة طنجة على أساس غاتولي منطقة دولية من مورا ما تسينا بروتوكول طنجة.
سلطة وسياسة ولمؤسسات
بدل- مقالة متعمقة: دستور المغرب 2011
لقوام ديال دولة
بدل
لمغريب بحال أي دولة عندو حدود برية وبحرية وجوية لي كاتحدد لأرض ديالها، هاد الأرض مقسمة ل 12 لجيهة، منها 9 دلجيهات بحرية، ؤ 3 دلجيهات داخلة. أما شعب لمغربي، معروف بتنوع ديالو من ناحية الأصول، حيت كاينين لأمازيغ لي هوما سكان لأصليين ديال لبلاد، و كاينين لعرب، كيف ما كاين توازن بين رجال و لعيالات، عكس لفئات ديال لأعمار لي مرتافعة شوي فلفئة ديال شباب، كيف ما كاين تنوع بين ناس ديال لمدون ؤ ناس ديال لبادية، هاد ناس منهم لفلاحة ؤ لموظفين ؤ صناع ؤ لعمال ؤ غيرهم. نظام دلحوكم فلمغريب ملكية دستورية ديموقراطية برلمانية واجتماعية، لماليك فيها هو رئيس ديال دولة، ؤ لممثل لول ديالها.[42] على حساب ما تايݣول الدستور د2011، لماليك عندو سلطة محدودة.[43] ؤ لحوكومة كاتسمح يكونو أحزاب دلمعارضة، بزاف من هاد لأحزاب تدارت غير فسنين للخرة.[44] رئيس لحوكومة (قبل 2011 كان كيتسما لوزير لول) هو رئيس ديال لحوكومة لي فيها بزاف ديال لأحزاب.
سّلط ديال دّولة
بدل
سلطة فلمغريب مكونة من 3 ديال لحوايج:
- سلطة تشريعية هي سلطة لي كاتشرع ؤ تايمتلها لبرلمان (مجلس نواب ولمستشارين)، لي كايتكون على حساب نتائج ديال لإنتيخابات، ولموهيمة ديالو هي يشرع لقوانين معا لحوكومة،[42]
- سلطة تنفيدية هي سلطة لي كاتنفد، تاتمتلها لحكومة لي تايعينها لماليك، و شغلها هو تنفد و تنزل لقاوانين
- سلطة لقضائية، تايمتلوها لمحاكم، خدمتها هي تفك لمشاكيل،[21] و دوستور د لمغريب كيوصي على أن لقضاء ماكايتخلطش مع سلطة لخرين.
رّموز ديال دّولة
بدل- لمغريب عندو بزاف ديال رموز، بحال:
- رّاية لحمرا لي فيها نجمة خضرا
- لعوملا لي هي دّرهم لمغريبي
- تّنابر لي فيهم لماليك ولا لمعالم و ثروات دلبلاد
- تصويرة د لماليك
- شّعار ديال لمملكة د لمغريب
- نّشيد لوطني
أو
لماليك
بدلعلى حساب ماتايݣول الدستور ديال لبلاد فلفصل 19: «الملك هو لمير لمومنين وهو لپاطرون لكبير ديال الدولة قدام دوال لاخرين، والرمز لي كايجمعها وهو لي ضامن الدوام ديالها، هو لي كيطاكي لدين ولي كياخود لوقار ديال الدستور، وعندو الحق باش يصاوب لحقوقا ديال لمواطنات ولمواطنين ولجماعات ولهيئات وهو لي كايضمن ليستيقلال دلبلاد ولحوز ديال لمملكة داخل لحق ديالها.»[45] لمليك كيترأس لمجليس ديال لويزارا، وهو لي كايحط رئيس لويزارا فبلاصتو من مورا ماكادوز لنتيخابات التشريعية، ومن مورا ماكايطلبو الرايس كيعين لمليك لويزارا لاخرين.[46] واخا الدستور عاطي لحق لمليك باش إيجري على لويزارا من هديك لخدمة لي شادينها، أولا يتفك واحد من لمجاليس دلبرلمان أولا بجوجهوم من مورا مايتشاور مع الرايس ديالو والرايس ديال لمجليس الدوستوري، ويدير خطاب للشعب[46][47]، فهادشي ماطرا إلا مرة وحدا ف1965.
الدستور و لمؤسسات
بدل دستور المغرب 2011 هو الدستور السات ديال المغرب من نهار خدا الاستقلال. هو أعلى قانون كاين فلبلاد وهو اللي تاينضم السلطات والعلاقات اللي بينها فالمغرب: الملك، الحكومة، البرلمان والسلطة القضائية. فيه 180 فصل وبدات الخدمة بيه رسميا ف 30 يوليوز 2011.[48]
لبرلمان لمغريبي فيه جوج دلمجاليس: مجلس النواب ومجلس لمستشارين. الناس ديال مجلس النواب، لي هوما 325، كيصوت عليها الشعب ديريكت، وكاتسالي لعضوية ديالهم فلبدية ديال الدورة دشهر 10 فلعام لخامس من مورا ماكايختارهوم الشعب. لمجلس ديال لمستشارين فيه 270 ديال الناس كيتختارو لتسعود دالسنين. 3 من كل 5 منهم من كل جيهة فلمغريب كتستيهوم هيئة ناخبة فيها ممتلين دلجماعات لمحلية، ودوك جوج خماس لي بقاو كتصوت عليهم هيئات ناخبة فيها منتخبون فلغرف لمهنية وهيئة ناخبة فيها ممثلي المأجورين.[49]
رّاية ؤ نّشيد لوطني
بدل- مقالات متعمقة: نشيد لوطني لمغريبي• علم المغريب• شعار المغريب
علم المغريب هو علم فيه توب حمر وسط منو نجمة مخمسة خضرا. شعار المغريب هو ترس حمري فيه نصف ديال الشمش طالعا ب15 خط ديال الشعة فوق واحد الساحة فيها جبولة ديال الأطلس، وفجناب جوج سبوعة من سباع ديال الأطلس، السبع لي على ليسر مجانب ولي على ليمن راسو أفاص، وفالترس واحد الصمطة دهبية مكتوب فيها لآية ديال لقرآن": ﴿إن تنصروا الله ينصركم﴾.
أول نشيد مغريبي كان هو نشيد جمهورية الريف المغربي لي تأسسات ف 1921، ومشات بسباب هجوم فرنصي صبليوني عام 1926، كتبو الشاعر ديال فلسطين إبراهيم طوقان بلألحان ديال اللبناني محمد فليفل، وكيشبه بزاف للنشيد لوطني ديال لبنان.[50]
النشيد لوطني ليوما هو النشيد الشريف (تيليشارجيه) كتبو علي الصقلي الحسيني ولحنو ليو مورݣان. النشيد بقا بلا كلمات من مورا لستيقلال حتى ل1970 ملي تأهل لمنتخاب لكاس لعالام ديال لمكسيك لي كان أكبر بلاصة كتحتافل فيه الدول بلأناشيد لوطنية، ملي خدا الحسن التاني كلمات ديال الشاعر علي الصقلي الحسيني مع نفس لحن باش إغنيوه لكوايرية د لمنتخاب.
التقسيم لإداري
بدللجيهات
بدل- مقالات متعمقة: جيهات المغريب• تّقسيم تّرابي د لمغريب
من مورا لخطاب ديال لمليك محمد السادس ف2010، دارت لحوكومة برنامج غيعطي لحوكم الداتي لكل جهة من لجيهات دلمغريب، ودارت واحد اللجنة سميتها اللجنة الاستشارية للجهوية، هي تابعة للحوكومة تكلفات باش تصاوب نمودج ديال لأقاليم اللي عندها حوكم داتي. اللجنة دارت تقرير سماتو "أطلس التقطيع الجهوي المقترح" واللي فيه 12 جيهة.
وفإطار اللامركزية ولجهوية اللي اعتمدتها لمملكة لمغربية، التقسيم لإداري من 2015 داير هاكا:
 |
لمدون لكبار
بدل| ترتيب | لمدينة | لجهة | شحال ديال ناس | ||||||
|---|---|---|---|---|---|---|---|---|---|
| 1 | الدارلبيضا | جيهت ضاربيضا -سطات | 3,359,818 | ||||||
| 2 | فاس | جهيت فاس مكناس | 1,112,072 | ||||||
| 3 | طنجة | جيهت طانجا تيطوان لحوسيما | 947,952 | ||||||
| 4 | مراكش | جهة مراكش آسفي | 928,850 | ||||||
| 5 | سلا | جهة الرباط سلا القنيطرة | 890,403 | ||||||
| 6 | مكناس | جهة فاس مكناس | 632,079 | ||||||
| 7 | الرباط | جهة الرباط سلا القنيطرة | 577,827 | ||||||
| 8 | وجدة | جهة الشرق | 494,252 | ||||||
| 9 | لقنيطرة | جهة الرباط سلا القنيطرة | 431,282 | ||||||
| 10 | أݣادير | جهة سوس ماسة | 421,844 | ||||||
| لإحصاء لعام 2014 ف لمغريب | |||||||||
.jpg)
.jpg)
لجغرافيا
بدل- مقالة متعمقة: جغرافيا د لمغريب
لموقيع
بدل
لمغرِيب جَا هُو تَّالي فشَّمَال لغْربي ديال لقارة دإفريقيا، ؤ هو تَّالي فلجَنوب لغْربي ديال لبحر لبيضْ لمتوسط، ؤ فشرق ديال لمحيط لأطلسي. المغرب كاين فشَّمال ديال دّْوِيرَة دلإستواء، و فْلغربْ ديال لخط ديال ݣرينيتش، و تايدوز فلجانوب ديالو دّْوِيرَة ديال سَرطان. لمغريب عاود كاين بين لخطوط ديال طول 1 درجة، و17 درجة، فلغرب ديال خط ݣرينيتش، وبين دّْوِيرَات ديال لعرض 21 درجة و36 درجة فشمال ديال دّْوِيرَة دلاسْتواء.[21]
لمغريب عندو حدود طبيعية، حيت تانلقاوه تايطل على لبحر لبيض لمتوسط فشَّمال، بخط دساحل تايوصل ل450 كلم. وتايطل من لغرب على لمحيط لأطلنتي بخط دساحل تايوصل ل 3050 كلم، و فلمجموع تانلقاو 3500 كلم من لخط ديال ساحل. أما لحدود سياسية ديال لمغريب فتالقاو الدولة ديال لجزاير فشرق، و فلجانوب و لجانوب شرقي، كاينة دولة ديال موريطانيا.[21]
لمغريب هو بين دول لي كاينة فلجانوب ديال لبحر لبيض لمتوسط، و هو لْخْرْ فشمال لغربي ديال مْجموعة دُول دلمغريب لكبير و إفريقية، كيف ما كاين فلجانوب ديال لقارة د أوروبا و هو لي قريب ليها من إفريقيا، حيت تايفصلو على صبليون غير لمضيق ديال جبل طارق. هاد لموقع ديال لمغريب هو موقع ستراتيجي لإفريقيا ولدول ديال لمغريب لكبير، حيت قريب من أوروپا، و حيت محلول على جوج دجوايه ديال لبحر، (لبحر لبيض لمتوسط ولمحيط لأطلسي)، و كايتعتابر طرف مهم فلمضيق ديال جبل طارق، لي هو واحد من لممرات لمهمة فتيجارة فلعالم. لموقع ديال لمغريب ستراتيجي حتى بنسبة للاتحاد ديال أوروبا، حيت لقرب ديالو ليها تايخليه بحال شي باب كاتنفاتح منو أوروبا على إفريقيا من ناحية الإقتصاد.[21]
تضاريس
بدلالتلتاين ديال لمغرب الشمالي فيه غير الجبولة، وكيوصل لعلو ديال بعضها لكتر من 4000 ميترو فوق لبحر. جبل توبقال هو لعالي فيهوم ݣاع وكيوصل لعلو ديالو لـ 4167 ميترو. لمغريب هو لبلاد لوحيدة فشمال افريقيا و الشرق الاوسط لي فيها سلسلة ديال جبولة كاملة، ولي هي السلاسل ديال جبال لأطلس، بطروفة ديالو بتلاتة: لأطلس لكبير ولأطلس لمتوسط ولأطلس الصغير. وزيد على هاد شي سلسلة جبال الريف لي الراس لعالي فيها هو جبل تدغين بلعلو ديال 2456 ميتور.
السهول فلمغريب كبيرة وشادة من جبال الريف حتالين لأطلس لمتوسط. لحوض ديال واد سبو فيه سهول لعلو ديالهوم صغير، فيه ويدان وهضبات كتزرع فيها بعض لمحاصيل. فسهل لغرب غاتلقا الشمندر، قصب السكار، الروز والطابا. فهاد السهل كاينا غابة لمعمورة لي فيها كيحطبو العرعار والكاليبتوس. كنلقاو سهول خرى بحال دياول هضاب لفوسفاط وهضاب الشاوية، كنلقاو سهل دكالة، وفالشرق كاين سهل تادلة. فالجانوب كاين سهل لحوز فمنطاقة مراكش، وسهل سوس لي داير على شكل متلات فلخاريطة حيتاش تيحدوه جبال لأطلس لكبير ولأطلس صغير ولمحيط لأطلسي، وكاينين سهول خرين بحال اللوكوس، نكور، تريفة، وادي ورغة، سهل بهت، سهل إناون.
فلجانوب عاوتاني كاينا حتى الصحرا، لي فيها عروݣ بحال عرݣ الشابي فلحودود مابين لمغريب ودزاير، ولي هو أكبر عرݣ فيه لحجر والرملة. بعض الرمال يقدو يوصلو لعلو ديال 200 ميترو.
لمناخ
بدل |
 |
المناخ ديال لمغريب كايڤاري على حساب البلايص، متوسطي فالشمال، محيطي فلغرب وصحراوي فلجانوب. لبلايص لي فيها لبحر فيها واحد لمناخ معتادل. النص ديال الشمال كيدوزو فيه جوج ديال لفصول: فصل ناشف كيجي مابين شهر 5 وشهر 9، وفصل كتكون فيه الشتا كيجي مابين شهر 10 و4. أما لجانوب كيسيطر عليه لمناخ الصحراوي لي ناشف وسخون بزاف. كيتأتر لمناخ ديال لمغريب بواحد الضاهرة جوية لي هي تدبدب ديال شمال لأطلسي. هاد الضاهرة كتحكم فشتا والتلج لي كيجيو للمغريب من جيهة لمحيط لأطلسي.
حيات لبر
بدللحياوانات
بدل- مقالة متعمقة: لحياة لبرية فلمغريب
تروة ديال لمغريب لحياوانية كبيرة وبزاف، حيتاش لموقع ولجغرافيا ديالو كيلعبو دور كبير باش تعيش حياوانات كتيرة من إفريقيا وأوروبا. الحياوانات لي كتيرة بزاف فلمغريب هي الطير[51]، لي واصل لعدد ديال النواع ديالهوم ل454 نوع، 5 دخلها بنادم لبلاد و156 نوع نادر.[52] من أشهر التديات لي كاينا فلبلاد هي أسد لأطلس، هو واحد لكائن منقارض فالطبيعة وكانو الرومان كيجيبوه لحلبات ديال لمصارعة باش يدابز مع لمصارعين.
ربيع و الشجار
بدل
الجبال ديال لمغريب كاينوض فيهم لعرعار و لبلوط و لأرز و ربيع جبلي آخور. السهول كينوض فيهوم الزيتون والمصطكا وأرݣان لي كاين فبلايص كتار ديال جبال لأطلس وكاين غير فلمغريب. فلمناطق ديال الداخل كينوض لحلفة و الشيبة، أما النخل كاين فلواحات ديال لجانوب.
لمغريب عندو موشكيل كبير مع التصحور، حيت كاتدي ليه كل عام 31 هيكتار من لغابات ديالو فلعام. هاد لموشكيل مكاينش غير فلجانوب ولكن حتى الشمال حيتاش من 1920 لدابا مشات النص من غابة لمعمورة. أما لجانوب يادلي فراه الرملة جاتليه على 280.000 هيكتار ووصلات لواحات ديال درعة و زيز و ولات 1500 نوع من الربيع مهددة بلنقيراض، تقريبا كولها من لأنواع لي كاينا غير فلمغريب.[53] ومن لأسباب لي خلات هاد الضاهرة تزيد هي الجفاف و التراب لي كايزيد يولي مالح و لحطيب لعشوائي ديال لغابات.[54]
لمجتمع
بدللّوغات
بدل
لأمازيغية و لعربية هوما اللوغات الرسمية ف لبلاد. تقريبان ݣاع لمغاربة كيدويو ب الدارجة مزيان. تقريبان شي 13.5 مليون مغريبي من أصل 32 مليون (ماكاينينش حسابات رسمية) كيدويو بوحدة من اللوغات ديال عائلة اللوغات لأمازيغية (إما اللوغة ديال تشلحيت، اللوغة ديال تاريفيت ،اللوغة ديال تايزناسنيت أولا اللوغة ديال تمازيغت لأطلس لمتوسط)، وكايهضرو بيها إما بوحدها أولا معا لّوغة الدارجة. كاينين ناس خرين كيدويو اللهجة لعربية لحسانية واللهجة لعربية الصحراوية. لفرونسي كانت لغة رسمية شحال هادي بسباب ليستيعمار، دابا ولات لّوغة البرانية لّولة لي كتستعمل ف لجاميعات و لإعلام. 2 مليون مغريبي كيهضرو ب صبليونية، وبزاف ف الشمال. نّݣليزية هيا لوغة ممنتاشراش بزاف إلا ما بين لفيئة لمتقافة ديال الشباب.[مصدر؟]
الناس
بدل
أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 11.598.070 لي ساكنين ف لبلاد، سوا مغاربا ؤلا أجانب. ؤ نقاسمو ل 3.403.798 ف لمدون (29,3%) ؤ 8.194.272 ف لمناطق لقروية (70,7%).[55] عدد سكان لمغريب ليوما هو 36.5 مليون دبنادم، بواحد زيادة ديال 1.26% كل عام. كتر من 100.000 براني ساكنين فلمغريب، غلبيتهم إما صبلبون أولا فرانصيص شادين التقاعود أولا من الناس لي خدامين فالشركات ميلتيناسيونال. هاد النسبة ديال الزيادة نقصات على لفترة ما بين 1971 و1982، لي وصلات فيها ل2.8%.
الدراسات الجديدة بينات بلي غالبية لعرب ولأمازيغ الي كنفرقوهم باللوغة ديالهوم ماكايختالفوش على بعضياتهم من ناحية التركيبة لويراتية ديالهوم بزاف. هاد لأبحات بينات بلي عملية التعريب لي طرات فلمغريب ما هي إلا استيعاب تقافي. لهابلوݣروپ-Y هو واحد لكروموزوم كيمشي من لواليد لولدو بلا حتى تغيير جيل من مورا جيل. الدراسات لي دارت على لمغاربة بينات بلي 81.7% منهوم كينتاميو لهابلوݣروپ E[56] (وهو لي كيميز الساكينة لأمازيغية) ومابينهوم 72.6% كينتاميو لواحد الشعبة ديال هاد لهابلوݣروپ وهي E1b1b[57] سواء فلبلايص لي كاتهضر فيها الناس بلعربية ولا لأمازيغية.[58][59] واحد لأقلية من الساكنة 13.3%[60] كتنتامي للهابلوݣروپ J (وهو لي كايميز الساكنة الشرق-أوسطية بحال لعرب وليهود).
لأديان
بدل- مقالة متعمقة: لأديان فلمغريب
أغلبية الناس فلمغريب كتآمن بالدين لإسلامي، ولي هو دين الدولة، وحتى دستور د 2011 زاد أكد على هادشي، وأكد على أن الدولة كتضمن حرية التعبد لݣاع الشعب.[61] فلحسابات ديال الدولة 99% من الشعب مسلمين، وافتيراضان كلهم من السنة[62]، مع واحد لأقلية مسيحية وأقلية يهودية. الدراسات ولإحصاءات لي ماشي رسمية لقات بلي 80-95% ديال الشعب لمغريبي بلقليلة متدين.[63][64] حسابات دارو على آلاف ديال لمغاربة لقات بلي مابين 3-14% من لي تجاوبو ݣالو بلي هوما ماشي متدينين[63][64]، و1% ݣالو بلي راهم ملحيدين. دراسة ديال 2020 ݣالت بلي أعداد اللادينيين فلمغريب تضرب 4 دلمرات وبلي أغلبيتهوم شباب، وباللي النسبة لميئوية ديالهوم وصلات 15% من لمغاربة.[65]
لقتيصاد
بدل- مقالات متعمقة: التجارة فلمغريب• قتيصاد لمغريب
لمغريب من الدول لي نامية ولي عندها قتصاد حر و كونطرات ديال التبادل الحر مع بزاف ديال البلدان بحال ميريكان و لبلدان لؤروپية و تركيا و لأردن و تونس و لإمارات. هاد الكونطرات مع الموقع الإستراتيجي ديال البلاد تيعاونها باش يكون عندها ستثمارات كبار و كتار. الناتج الداخلي الخام ديال المغرب كان داز 61 مليار دولار فعام 2006 لي تيعني 2000 دولار للواحد فالعام. كان عند لمغرب ف 2007 مبادلات بزاف مع أوروپا مبعدها أسيا و مبعدها ميريكان و عاد إفريقيا.[66] من 1993 ولحوكومة خدامة باش دير خوصصة لبعض ليسيكتور بريڤي باش تحيد عليها شوية من التقل لي كانت هازاه.[67]
لخدمات
بدل- مقالة متعمقة: السياحة ف لمغريب
السياحة هي لي كاتجي اللولة مابين لخدمات، حيت جابت لبلاد كتر من 77 مليار درهم ف2018[68] وجاء لمغريب 11.3 مليون سائح[69] ف2018. كتعتابر مراكش هي لمدينة السياحية لولا فلمغريب و كاتبعها مدينة أݣادير، و عاد باش لمدون ديال طنجة، كازا، فاس، ورزازات، الرباط، تطوان، مكناس، و الصويرة.[70] المغرب عضو فلمجليس التنفيدي ديال منطمة السياحة العالمية وهادشي من 2007.
أحسن مواقع السياحة فلمغريب: جبال الأطلس، مغارة هرقل، قصبة بن حدو، وليلي.[71]
صناعة
بدل
قطاع الصناعة فالمغرب عندو 28% ديال الناتج الداخلي الخام. الصناعات لي تيتميز بها هي لي صناعات الغذائية والكيماوية لي المغرب تيتعبر اهم مصنع فإفريقيا مبعد جنوب إفريقيا. كاينا أيضا الصناعة الصيدلية لي تتغطي 90% من الطلب المحلي. لمغريب عندو مصفاة المحمدية لي هي من لأكبر فإفريقيا الشي لي تيعطيه صناعة بتروكيمياوية مزيانة. صناعة النسيج معروفة فالمغرب لي هو أول مصدر للإتحاد الأوروبي. مؤخرا بدا لمغرب فصناعة السيارات مبعد مادار اتفاقيات مع شركات عالمية بحال رونو نيسان، وكاتݣول التوقعات بلي لمغريب غايصدر مليون سيارة ف2023.[72]
فلاحة
بدل- مقالات متعمقة: لفلاحة فلمغريب• لما فلمغريب
عن لمغرب بزاف ديال التيساع باش ايدير الفلاحة تقريبا 3 مرات مساحة ديال بلجيكا. هاد الفلاحة تتنتج خصوصا القمح والشعير والذرة والقطنيات والجلبانا والعدس واللوبيا. كاينا حتا الفلاحة ديال الفواكه والزيتون وحتا تربية الماشية. لمساحة لمسقية فلمغريب وصلات 16000 كيلوميتر مربع. لمغريب هو التاني فلعالام من ناحية التصدير تاع لحوامض[73] والسابع فإنتاج زيت الزيتون.[74] لمغريب من أكبر الدول لي كاتنتج لحوت فلعالام، بلمقدار ديال 1.34 مليون طن ف2016 بوحدها، صدر منها 644 ألف طن.[75]
لمعادن
بدل
كاين بزاف ديال المعادن فالمغرب بحال الحديد والكوبالت والنحاس والزنك والفضة والأنتيمون والمنغانيز والرصاص والفليور ولكن لموهيم فيهوم هو الفوسفاط لي لمغريب هو ثالث فلعالم من ناحية لينتاج منبعد ميريكان والشينوا[76] واللول فالعالام من جيهت لمخزون. وف2003 تكتاشفات شي كميات ديال الدهب حدا أكادير.
طاقة
بدل
لمغرب ما تاينتجش بزاف ديال الطاقة غير شي 5% من داكشي لي تايحتاج وتيستورد الباقي. لمغريب ما عندوش إنتاج كبير ديال لأنتراسيت ولغاز، وخا تكتاشفات كميات من لݣاز الطبيعي. بدا لمغرب تيستتمر فالطاقة المتجددة بحال الطاقة الشمسية وديال الريح باش إطيح النسبة ديال داكشي لي كيستاورد. لمغريب عندو محطات ديال الطاقة الشمسية قريب تولي تنتج ليه 2 جيݣاوات ديال الضو ف2020.
التقافة
بدللأعياد لوطنية
بدلهاد الطابلو فيه ليستة ديال لأعياد لوطنية والدينية فلمغريب.[77]
| التاريخ | الاسم الرسمي | الاسم المحلي | الوصف |
| 1 محرم | رأس السنة الهجرية | فاتح محرم | أول نهار فلعام ديال التقويم لهجري (أعياد دينية) |
| 12 ربيع اللول | مولد النبي محمد | عيد لمولد ؤلا سيد لميلود | عيد لمولد النبوي (أعياد دينية) |
| 1 شوال | عيد الفطر | لعيد الصغير | عيد الفطر (أعياد دينية) |
| 10 ذو الحجة | عيد الأضحى | لعيد لكبير | عيد الأضحى (أعياد دينية) |
| 1 شهر 1 | رأس السنة الميلادية | راس لعام | أول نهار فلعام ديال التقويم الميلادي (أعياد عالمية) |
| 11 شهر 1 | تقديم وثيقة الاستقلال | تقديم وثيقة ليستقلال | ذكرى ديال النهار اللي قدم فيه لملك محمد الخامس طلب ديال ليستيقلال دلمغريب على لستيعمار ف1944م (أعياد وطنية) |
| 1 شهر 5 | عيد العمال | عيد الشغل | نهار لعيد عند الشغيلة لمغريبية (أعياد عالمية) |
| 30 شهر 7 | عيد لعرش | عيد العرش | نهار طلع لملك محمد السادس للحوكم ف1999م. (أعياد وطنية) |
| 14 شهر 8 | استرجاع إقليم وادي الذهب | استرجاع إقليم وادي الذهب | دكرى ديال النهار لي رجع فيه إقليم وادي الذهب ف1979م ف لعهد ديال الحسن الثاني (أعياد وطنية) |
| 20 شهر 8 | ثورة الملك والشعب | ثورة الملك والشعب | دكرى ديال النهار لي تنفى فيه لملك محمد الخامس وناضت روينة على لمستعمير ف1953م. (أعياد وطنية) |
| 21 شهر 8 | ميلاد صاحب الجلالة | عيد لميلاد ديال لمليك | دكرى ديال ميلاد ملك لمغريب محمد السادس ف1963م (أعياد وطنية) |
| 6 شهر 11 | ذكرى المسيرة الخضراء | عيد لمسيرة لخضرا | ذكرى لمسيرة لشعبية باش الناس مشات تحرر الصحراء لغربية الصبليونية ف1975م (أعياد وطنية) |
| 18 شهر 11 | عيد الاستقلال | عيد ليستيقلال | ذكرى ديال إعلان ليستيقلال دلمغريب من لمستعمير ف1956م (أعياد وطنية) |
بلايص اليونيسكو د ترات لعالامي
بدل- مقالة متعمقة: ليستا د معاليم الترات لعالمي ف لمغريب
لمغريب فيه 9 ديال لبلايص اللي معترف بيها عند منظمة ليونيسكو ديال تراث العالامي فلكلاصمون ثقافي. اللول كان فعام 1981 و لخر كان عام 2012. لمواقع مرتبة بحال هكدا:[78]
- لمدينا لقديمة ديال فاس (1981)
- لمدينا لقديمة ديال مراكش (1985)
- قصر آيت بن حدو (1987)
- لمدينا لقديمة ديال مكناس (1996)
- لمدينا لقديمة ديال تطوان (تطًاون - 1997)
- لموقع لأثري ديال وليلي (1997)
- لمدينا لقديما ديال اصويرة (اللي كانت معروفا بموكادور( (2001)
- لمدينا لبرطكيزيا ديال مزاكان (الجديدة) (2004)
- لمدينا ديال رباط (2012)
كاين مواقع اخرى اللي حطها لمغريب فلائحة رمزية اللي كترشحها تكون معترف بها من اليونيسكو و اللي هي:
- مولاي دريس زرهون (1995)
- امدينت تازا و جامع لكبير (1995)
- جامع ديال تينمل (1995)
- امدينت ليكسوس (1995)
- لكور (1995)
- مغارة تافوغالت (1995)
- لمنتزه الطبيعي ديال طلاسمطان (1995)
- بلاصت اجكال (1998)
- ضايت خنيفس (1998)
- لمنتزه الوطني ديال الداخلة (1998)
- واحة فيكيك (2011)
- اضاربيضا (2013)
- طاشما ديال واحات تيغمرت, لبلاصت صحرا ديال واد نون (2016)
عيون لكلام
بدل- ^ "تقديرات د السكان د لمغريب ف 2019". مأرشيڤي من لأصل ف 23 نونبر 2022.
- ^ https://web.archive.org/web/20230313211659/https://www.chambredesrepresentants.ma/ar/%D8%AF%D8%B3%D8%AA%D9%88%D8%B1-2011. مأرشيڤي من لأصل ف 2023-03-13. تطّالع عليه ب تاريخ 2020-10-06. Missing or empty
|title=(معاونة) - ^ Richard J.A. Talberts, Barrington Atlas of the Greek and Roman World - p. 457
- ^ شوف وقرى دوستور ديال موريطانيا فويكي مصدر دلعربية لفوصحى
- ^ Yahya, Dahiru (1981). Morocco in the Sixteenth Century. Longman. صفحة 18.
- ^ "Regions of Morocco". Archived from the original on 2020-07-31. تطّالع عليه ب تاريخ 2020-08-09.CS1 maint: unfit url (link)
- ^ ݣابرييل كامپ (2007). Les Berbères (ب فرانساوية). Babel.CS1 maint: unrecognized language (link)
- ^ Nussbaum, Louis Frédéric et al. (2005). "Nihon" in Japan encyclopedia, p. 707.، صفحة. 707, ف ڭووڭل بوكس; n.b., Louis-Frédéric is pseudonym of Louis-Frédéric Nussbaum, see Deutsche Nationalbibliothek Authority File.
- ^ "حفريات من أجل كشف أصل تسمية المغرب". Archived from the original on 2020-08-11. تطّالع عليه ب تاريخ 2020-08-09.CS1 maint: unfit url (link)
- ^ Smith TM, Tafforeau P, Reid DJ, etal, Earliest evidence of modern human life history in North African early Homo sapiens, journal of Proceedings of the National Academy of Sciences of the United States of America, volume:104, issue:15, pages:6128–33, date:April 2007, pmid:17372199, pmc:1828706 |doi:10.1073/pnas.0700747104, bibcode:2007PNAS..104.6128S }}
- ^ a b كتاب بنو يزناسن القصة الكاملة، عبدالله لحسايني، الطبعة الثانية
- ^ "سيت ديال لحوكومة دلمغريب". مأرشيڤي من لأصل ف 2006-04-21. تطّالع عليه ب تاريخ 2020-08-09.
- ^ "C. Michael Hogan, Mogador: Promontory Fort, The Megalithic Portal, ed. Andy Burnham". Archived from the original on 2020-08-05. تطّالع عليه ب تاريخ 2020-08-09.CS1 maint: unfit url (link)
- ^ "LexicOrient". مأرشيڤي من لأصل ف 2020-01-12. تطّالع عليه ب تاريخ 2020-08-09.
- ^ B. Lugan, Histoire du Maroc p19
- ^ Abun-Nasr 1987, p.33
- ^ "Umayyad Caliphate of Islam (Caliphate)". Archived from the original on 2021-07-30. تطّالع عليه ب تاريخ 2020-08-09.CS1 maint: unfit url (link)
- ^ Georges Duby, Atlas Historique Mondial, Larousse Ed. (2000), pp.220 & 224 (ردمك [[خاص:مصادر كتاب/2702828655 |2702828655]])
- ^ "Idrissid Kingdom of Maghrib al Aqsa (Maghrib al Aqsa)، Kingdom of the Far West, Morocco". Archived from the original on 2021-01-25. تطّالع عليه ب تاريخ 2020-08-09.CS1 maint: unfit url (link)
- ^ A History of the Maghrib in the Islamic Period, Jamil M. Abun-Nasr, 1987, p. 52
- ^ a b c d e f g h i أحمد معطلا (2004). فضاء الاجتماعيات. مطبعة المعارف الجديدة.
- ^ "هسبريس - أستاذ التاريخ المعاصر لإفريقيا بجامعة ليون الثالثة Bernard Lugan". Archived from the original on 2020-08-10. تطّالع عليه ب تاريخ 2020-08-09.CS1 maint: unfit url (link)
- ^ [The Maghrib under the Almoravids and the Almohads, Encyclopædia Britannica. مؤرشف 2015-03-14 فموقع وايباك ماشين [http://www.britannica.com/EBchecked/topic/418538/North-Africa/46490/The-Maghrib-under-the-Almoravids-and-the-Almohads The Maghrib under the Almoravids and the Almohads], Encyclopædia Britannica. [https://web.archive.org/web/20150314013819/http://www.britannica.com/EBchecked/topic/418538/North-Africa/46490/The-Maghrib-under-the-Almoravids-and-the-Almohads مؤرشف] 2015-03-14 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ ["Morocco - History". Encyclopædia Britannica. مؤرشف 2015-05-04 فموقع وايباك ماشين "[http://www.britannica.com/EBchecked/topic/392604/Morocco Morocco - History]". Encyclopædia Britannica. [https://web.archive.org/web/20150504202114/http://www.britannica.com/EBchecked/topic/392604/Morocco مؤرشف] 2015-05-04 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ https://web.archive.org/web/20091030183303/http://encarta.msn.com/encyclopedia_761572952_8/Morocco.html. مأرشيڤي من لأصل ف 2009-10-30. تطّالع عليه ب تاريخ 2020-08-09. Missing or empty
|title=(معاونة) - ^ "Cohen Renews U.S.-Morocco Ties 2009-03-12، U.S. Department of Defense". Archived from the original on 2009-11-30. تطّالع عليه ب تاريخ 2020-08-09.CS1 maint: unfit url (link)
- ^ "Milestones of American Diplomacy, Interesting Historical Notes, and Department of State History، تاريخ الوصول:2007-12-17، عمل:U.S. Department of State". Archived from the original on 2019-03-27. تطّالع عليه ب تاريخ 2020-08-09.CS1 maint: unfit url (link)
- ^ Roberts, Priscilla H. and Richard S. Roberts, Thomas Barclay (1728-1793: Consul in France, Diplomat in Barbary, Lehigh University Press, 2008, pp. 206-223.
- ^ وزارة الخارجية الأمريكية: بيان وزارة الخارجية الأميركية حول تصريحات كلينتون ووزير الخارجية المغربي مؤرشف 2009-11-30 فموقع وايباك ماشين
- ^ حول القضاء العرفي الأمازيغي "أزرف"%5d %5bhttps://web.archive.org/web/20120309102754/http://www.cafes.ma/ar/Papiers_Identificat/Pqpier_amazigh.pdf مؤرشف%5d 2012-03-09 فموقع %5b%5bوايباك ماشين|وايباك ماشين%5d%5d "www.cafes.ma" Check
|url=value (معاونة). - ^ ورقة حول القضاء العرفي الأمازيغي "أزرف" نسخة HTML مؤرشف [Date missing] في Google Cache
- ^ "وثيقة حول بنود أعراف قبيلة أيت مزال". Archived from the original on 2020-02-04. تطّالع عليه ب تاريخ 2020-08-10.CS1 maint: unfit url (link)
- ^ [الزوايا، المجتمع والسلطة بالمغرب (مقاربة سوسيو - أنثروبولوجية)- محمد جحاح[ليان مهرس ديما] [http://www.anfasse.org/portail/index.php?option=com_content&task=view&id=3171&Itemid=315 الزوايا، المجتمع والسلطة بالمغرب (مقاربة سوسيو - أنثروبولوجية)- محمد جحاح][[تصنيف:جميع لمقالات ب ليانات مهرسين]][[تصنيف:مقالات ب ليانات مهرسين من November 2023]][[تصنيف:أرتيكلات ب قيمة غالطة ف لپاراميطر د التاريخ ف موضيل]][[تصنيف:مقالات ب ليانات مهرسين ديما]][[[ويكيپيديا:تهراس الليانات|ليان مهرس ديما]]]] Check
|url=value (معاونة). Missing or empty|title=(معاونة); URL–wikilink conflict (معاونة)[ليان مهرس ديما] - ^ a b جريدة التجديد: تقرير المركز الأوروبي للاستخبارات الإستراتيجية والأمن - الحلقة الثانية[ليان مهرس ديما]
- ^ إبراهيم شحاتة حسن، أطوار العلاقات المغربية العثمانية: قراءة في تاريخ المغرب عبر خمسة قرون (1510-1947)، منشأة المعارف، الإسكندرية، 1981، صص. 244-245، 414-422.
- ^ "Abdalwadid Kingdom of Tlemcen (Tlemcen)، Zayyanid Kingdom". Archived from the original on 2021-07-30. تطّالع عليه ب تاريخ 2020-08-10.CS1 maint: unfit url (link)
- ^ "The town of Tenes fell into the hands of the brothers, with an immense booty, and then Uruj marched on Tlemcen. The Sultan of Tlemcen, the last of the royal race of the Beni-Zian, did not await the coming of the corsair." in Sea-Wolves of the Mediterranean by E. Hamilton Currey p.72ff مؤرشف [Date missing] في books.google.com [Error: unknown archive URL]
- ^ A history of the Maghrib in the Islamic period by Jamil M. Abun-Nasr p.155ff مؤرشف [Date missing] في books.google.com [Error: unknown archive URL]
- ^ عبد الرحمن بن زيدان، إتحاف أعلام الناس بجمال أخبار حاضرة مكناس، المطبعة الوطنية، الرباط، ج 3، ص. 277-281.
- ^ "محاولات الإصلاح في المغرب: مجالات الإصلاح ومحدوديتها". مأرشيڤي من لأصل ف 2021-05-13. تطّالع عليه ب تاريخ 2020-08-10.
- ^ , Charles W. Furlong ,1911 ,September , The French Conquest Of Morocco: The Real Meaning Of The International Trouble, World's Work |The World's Work: A History of Our Time, المجلد XXII, صفحات=14988–14999, تاريخ الوصول: 2009-07-10 مؤرشف [Date missing] في books.google.com [Error: unknown archive URL]
- ^ a b "الدستور المغربي: القانون الأسمى للأمة". Archived from the original on 2023-06-29. تطّالع عليه ب تاريخ 2020-08-10.CS1 maint: unfit url (link)
- ^ König will Teil seiner Macht abgeben Der Standard, 18 June 2011 مؤرشف [Date missing] في apps.derstandard.at [Error: unknown archive URL]
- ^ "إسلام أونلاين، نص دستور المغرب، الفصل الثالث". Archived from the original on 2007-11-04. تطّالع عليه ب تاريخ 2020-08-10.CS1 maint: unfit url (link)
- ^ "إسلام أونلاين، نص دستور المغرب، الباب الثاني، الملكية، الفصل التاسع عشر". Archived from the original on 2007-11-04. تطّالع عليه ب تاريخ 2020-08-10.CS1 maint: unfit url (link)
- ^ a b "إسلام أونلاين، نص دستور المغرب، الباب الثاني، الملكية، الفصل الرابع والعشرون والخامس والعشرون". Archived from the original on 2007-11-04. تطّالع عليه ب تاريخ 2020-08-10.CS1 maint: unfit url (link)
- ^ "إسلام أونلاين، نص دستور المغرب، الباب الثاني، الملكية، الفصل الحادي والسبعون". Archived from the original on 2007-11-04. تطّالع عليه ب تاريخ 2020-08-10.CS1 maint: unfit url (link)
- ^ "دستور المغرب 2011- السيت د الأمانة العامة د الحكومة" (PDF). مأرشيڤي (PDF) من لأصل ف 2023-09-25. تطّالع عليه ب تاريخ 2020-08-10.
- ^ "إسلام أونلاين، نص دستور المغرب، الفصل السابع والثلاثون والفصل الثامن والثلاثون". Archived from the original on 2007-11-04. تطّالع عليه ب تاريخ 2020-08-10.CS1 maint: unfit url (link)
- ^ فن ونجوم: شكوك حول سرقة النشيد الوطني اللبناني من المغرب، تاريخ التحرير: الثلاثاء 12 إبريل 2011م مؤرشف [Date missing] في mbc.net [Error: unknown archive URL]
- ^ "Profile on Morocco , African Conservation Foundation". مأرشيڤي من لأصل ف 2007-09-28. تطّالع عليه ب تاريخ 2020-08-10.
- ^ [Bergier, P., & Thévenot, M. (2006). Liste des oiseaux du Maroc / The List of the Birds of Morocco. Go-South Bull. 3: 51-83. كاين فلانتيرنيت. مؤرشف 2022-12-08 فموقع وايباك ماشين Bergier, P., & Thévenot, M. (2006). Liste des oiseaux du Maroc / The List of the Birds of Morocco. Go-South Bull. 3: 51-83. كاين [http://go-south.org/lists/birds.htm فلانتيرنيت]. [https://web.archive.org/web/20221208165004/https://www.go-south.org/lists/birds.htm مؤرشف] 2022-12-08 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ "محمد الرجدالي". Archived from the original on 2023-04-25. تطّالع عليه ب تاريخ 2020-08-10.CS1 maint: unfit url (link)
- ^ مختار البزيوي، برنامج الأمم المتحدة للماء بأفريقيا: التقرير الوطني للموراد المائية بالمغرب لسنة 2004، نوفمبر 2004، ص.72 مؤرشف 2013-12-01 فموقع وايباك ماشين
- ^ "LE MAROC COMPTE 11 598 070 HABITANTS (y compris las étrangers)" (ب لفرانساوية). 19 شتنبر 1960. مأرشيڤي من لأصل ف 30 يونيو 2023.
- ^ [لمتوسط لحسابي (75.5+72.7+85.9+87.3+87.5)/5=81.78), Ornella Semino et al 2004 الصفحة السادسة مؤرشف 2012-04-14 فموقع وايباك ماشين لمتوسط لحسابي (75.5+72.7+85.9+87.3+87.5)/5=81.78), [http://hpgl.stanford.edu/publications/AJHG_2004_v74_p1023-1034.pdf Ornella Semino et al 2004] الصفحة السادسة [https://web.archive.org/web/20120414212524/http://hpgl.stanford.edu/publications/AJHG_2004_v74_p1023-1034.pdf مؤرشف] 2012-04-14 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ [لمتوسط لحسابي ((42.9+32.6)+(11.4+52.3)+(10.9+68.7)+(1.6+65.1)+(12.5+65.0)/5=72.6), Ornella Semino et al 2004 الصفحة السادسة، لاحظ أن فروع E1b1b هي: M78 وM81 مؤرشف 2012-04-14 فموقع وايباك ماشين لمتوسط لحسابي ((42.9+32.6)+(11.4+52.3)+(10.9+68.7)+(1.6+65.1)+(12.5+65.0)/5=72.6), [http://hpgl.stanford.edu/publications/AJHG_2004_v74_p1023-1034.pdf Ornella Semino et al 2004] الصفحة السادسة، لاحظ أن فروع E1b1b هي: M78 وM81 [https://web.archive.org/web/20120414212524/http://hpgl.stanford.edu/publications/AJHG_2004_v74_p1023-1034.pdf مؤرشف] 2012-04-14 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ [Ornella Semino et al 2004, Origin, Diffusion, and Differentiation of Y-Chromosome Haplogroups E and J: Inferences on the Neolithization of Europe and Later Migratory Events in the Mediterranean Area. مؤرشف 2012-04-14 فموقع وايباك ماشين Ornella Semino et al 2004, [http://hpgl.stanford.edu/publications/AJHG_2004_v74_p1023-1034.pdf Origin, Diffusion, and Differentiation of Y-Chromosome Haplogroups E and J: Inferences on the Neolithization of Europe and Later Migratory Events in the Mediterranean Area.] [https://web.archive.org/web/20120414212524/http://hpgl.stanford.edu/publications/AJHG_2004_v74_p1023-1034.pdf مؤرشف] 2012-04-14 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ [[:en:Y-DNA haplogroups by populations of Near East and North Africa |Y-DNA haplogroups by populations of Near East and North Africa]]
- ^ [لمتوسط لحسابي (20.4 + 15.9 + 6.3 + 10.7) / 4=13.32500), Ornella Semino et al 2004 الصفحة السابعة مؤرشف 2012-04-14 فموقع وايباك ماشين لمتوسط لحسابي (20.4 + 15.9 + 6.3 + 10.7) / 4=13.32500), [http://hpgl.stanford.edu/publications/AJHG_2004_v74_p1023-1034.pdf Ornella Semino et al 2004] الصفحة السابعة [https://web.archive.org/web/20120414212524/http://hpgl.stanford.edu/publications/AJHG_2004_v74_p1023-1034.pdf مؤرشف] 2012-04-14 فموقع [[وايباك ماشين|وايباك ماشين]]] Check
|url=value (معاونة). Missing or empty|title=(معاونة); URL–wikilink conflict (معاونة) - ^ "Morocco's Constitution of 2011" (PDF). Archived from the original on 2020-08-05. تطّالع عليه ب تاريخ 2020-08-11.CS1 maint: unfit url (link)
- ^ "Africa :: Morocco — The World Factbook - Central Intelligence Agency,3 January 2019". مأرشيڤي من لأصل ف 3 يناير 2021. تطّالع عليه ب تاريخ 11 غشت 2020.
- ^ a b "Arab Barometer V Morocco Country Report" (PDF). مأرشيڤي (PDF) من لأصل ف 2022-12-11. تطّالع عليه ب تاريخ 2020-08-11.
- ^ a b Losing Our Religion? Two Thirds of People Still Claim to Be Religious
- ^ "مـن المغاربـة لا دينيـون - جريدة الصباح".[ليان مهرس ديما]
- ^ https://web.archive.org/web/20110727223130/http://ar.marocinfo.net/index.php/CaaUNE-CaAqEOCIi/CNEYCU-OCINCE-CaaUNE-EaOEE5-N7-Yi-CaaCAE-IaCa-iaCiN-CaaCOi-assEE-CaONY.html. مأرشيڤي من لأصل ف 2011-07-27. تطّالع عليه ب تاريخ 2020-08-11. Missing or empty
|title=(معاونة) - ^ Leonard Thomas M. ; Encyclopedia of the Developing World, Taylor & Francis, 0-4159-7663-4, صفحة 1085
- ^ "عائدات السياحة بالمغرب تبلغ حوالي 77 مليار درهم - فبراير.كوم". مأرشيڤي من لأصل ف 2023-06-29. تطّالع عليه ب تاريخ 2020-08-11.
- ^ "عدد السياح الوافدين على المغرب ارتفع ب8.5 في المائة نهاية نونبر الماضي - 2M.ma". مأرشيڤي من لأصل ف 2023-06-29. تطّالع عليه ب تاريخ 2020-08-11.
- ^ Evolution annuelle de la capacité d'hébergement classée مؤرشف 2012-08-05 في Archive.today
- ^ "أحسن الوجهات". مأرشيڤي من لأصل ف 2023-10-15. تطّالع عليه ب تاريخ 2023-10-15.
- ^ "صناعة السيارات، الاقتصاد المغربي على طريق العالمية". مأرشيڤي من لأصل ف 2023-07-08. تطّالع عليه ب تاريخ 2020-08-11.
- ^ "جريدة الأحداث المغربية: الحمضيات المغربية تتحرر تدريجيا من الارتهان للسوق الأوروبية". Archived from the original on 2008-12-18. تطّالع عليه ب تاريخ 2020-08-11.CS1 maint: unfit url (link)
- ^ "international olive oil council" (PDF). Archived from the original on 2009-09-05. تطّالع عليه ب تاريخ 2020-08-11.CS1 maint: unfit url (link)
- ^ "الثروة السمكية تمنح المغرب المرتبة الـ13 عالميا". مأرشيڤي من لأصل ف 2020-10-19. تطّالع عليه ب تاريخ 2020-08-11.
- ^ Scientific American magazine, June 2009, "Phosphorous: A Looming Crisis"
- ^ لائحة أيام الأعياد المؤداة عنها الأجور وزارة التشغيل والتكوين المهني
- ^ "لائحة لمواقع داليونيسكو فالمغرب". مأرشيڤي من لأصل ف 2023-06-29. تطّالع عليه ب تاريخ 2020-04-14.
شوف تا
بدل
|
تقدر تزيد شوف بزاف د تّصاور و لمعلومات ديال Morocco ف ويكيميديا كومنز. |