لوغات أمازيغية شمالية

أسرة ديال اللوغات كاتنتامي لفاميلة اللوغات لأمازيغية

اللوغات لأمازيغية الشمالية هي سنسلة ديال اللهجات واللوغات كاينة فشمال إفريقيا، وهي فرع من لفروع لكبار ديال اللوغات لأمازيغية. تهرسات ليستمرارية لجغرافية ديال هات اللوغات واللهجات بلينتيشار ديال لعربية، وبتأتير صغير تاع اللوغات الزناتية، اللي عندها ميزات ماكاينينش فلوغات خرين ضايرين بيها بحال الترقاق ديال لكاف اللي كايولّي شين، ولغياب ديال -a (أَ-) فبعض لكلمات، ميتال ديال لكلمة د"يد": afus (أَفوس) ⇐ fus (فوس).

لوغات أمازيغية شمالية
النوع أسرة لغات و language subfamily
ليستيعمال
كايتهضر بيها ف لمغريب، لجزاير، تونس و ليبيا
لخصائيص
لكتبة تيفيناغ، لكتابة لأمازيغية باللاتينية و أبجدية عربية
لفاميلة داللوغات
لوغة د بنادم
لغات أفريقية آسيوية
لغات لأمازيغية
لخاريطة
Berber-map-2e.png
لأكواد اللي كايعرّفو اللوغة
Glottolog kaby1244

اللوغات لأمازيغية دالشمال اللي كايهضر بيها كتر من مليون واحد هي: تاشلحيت، تمازيغت وسط لمغريب، تاريفيت، تاشاويت وتاقبايليت. كاينين تلاتة ديال لݣروپات فهاد لمجموعة داللوغات:[1][2]

لحدود الشرقية تاع هاد اللوغات دالشمال مامحدّدش. شي لوغويين كايدخلو تانفوست وتاغديمسيت، ؤوحدين خرين ماكايدخلوهومش بآخر ماخرج فالديراسات.[2] لأغلبية كايݣولو تاغديمسيت ماشي لوغة دالشمال، ولاكين إتنولوݣ كايدخّلها معاهوم.

ماكاينش شي جواب موتوق باللي اللوغات لأمازيغية دالشمال راها لوغات أولّا لهجات. شي أكاديميين كايݣولو باللي ماشي غير اللوغات لأمازيغية الشمالية بوحدها ولاكين ݣاع اللوغات لأمازيغية هي لهجات ديال لوغة، وأكاديميين وحدين خرين كايݣولو باللي لأعداد كبيرة بزّاف. فݣاع لحالات، لمفاهمة مابين اللي كايهضرو بهاد اللوغات تقد تكون طالعة شوية (تادجربيت معا أمازيغية مطماطة)، أولّا متوسطة (تاريفيت معا تاشاويت)، أولّا طايحة/منعادمة ݣاع (تاشلحيت معا تيديكلت).

لمصاديرعدل

  1. 1.0 1.1 W. Cline, Berber Dialects and Berber Script, dans: Southwestern Journal of Anthropology, Vol. 9, No. 3 (1953), pp: 268-276
  2. 2.0 2.1 M. Kossmann, Berber subclassification (preliminary version), unpublished, pp: 1-6
  3. Hammarström, Harald; Forkel, Robert; Haspelmath, Martin, eds. (2017). "Kabyle – Atlas Berber". Glottolog 3.0. Jena, Germany: Max Planck Institute for the Science of Human History.
  4. مارتين كوصمان، The Arabic Influence on Northern Berber, Brill (2013), pp.21-24