تاغديمسيت
تاغديمسيت (معروفة حتى بلسان غدامس أولا غديمس هي وحدة من اللوغات لأمازيغية الشرقية اللي الناس كاتهضر بيها فواحة غدامس فمنطقة نالوت اللي كاينة فليبيا.
تاغديمسيت
| ||
| النوع | لوغة و لغة حية | |
| تخدام | ||
| اللي كبرو بيها | 13,100 (2006) | |
| كايتهضر بيها ف | ليبيا | |
| أصلية ف | شعبية نالوت | |
| لخصائيص | ||
| لكتبة | تيفيناغ و ألفبائية لاتينية | |
| النّيڤو دالضعف | (2) متأترة | |
| لوضعية داللوغة | 6b مهددة | |
| لفاميلة داللوغات | ||
| لوغة د بنادم لغات إفريقية آسيوية لوغات أمازيغية لوغات أمازيغية شرقية | ||
| لكواض لي كايعرّفو اللوغة | ||
| إيزو 639-3 | gha | |
| ڭلوطولوڭ | ghad1239 | |
| إيطنولوڭ | gha | |
| يونيسكو | 1290 | |
| لوغات مهددة | 291 | |
لأبحات بدل
لأعمال ولأبحات اللي كاينين على لوغة غدامس تجمعات من طرف جوج ديال اللوغويين. لماتارييل اللول جاي من أدولف ديكاسالانطي موطيلينسكي فلعوام ديال 1903[1] و1904.[2] مصادر أوتق على هاد اللوغة جات من عند جاك لانفري اللي عاش فغدامس من 1944 حتال 1945 ونشر لأعمال ديالو ف1968[3] و1973.[4] من ديك لوقت مابقاش تدارو أبحات على هاد اللوغة. مارتين كوصمان ف2013[5] نشر كتاب جديد ديال لقواعيد دتاغديمسيت معتامد على لأعمال ديال لانفري.
شحال كايهضر بيها بدل
لانفري ݣال باللي تقريبا ربعالاف ديال الناس كايهضرو بهاد اللوغة.[6] الرقم لحقيقي لشحال كانو كاينطقو هاد اللوغة مامعروفش. "إتنولوݣ" كايقدّر عدد الناطقين بلسان غدامس ب10 آلاف ف2006، زيادة على 2000 خرين ساكنين برّا لمنطاقة لأصلية ديال هاد اللوغة. الرقم ديال 10 آلاف كايعكس شحال ساكنين فلمدينة كاملة، واللي ماشي كولهوم كايهضرو بيها. زيادة على هادشي، لعدد ديال 2000 مهاجر جاي من مصدر قديم بزاف.[7] "إتنولوݣ" كايكلاصي اللوغة على أنها 6b (مهددة).
اللوغة بدل
تاغديمسيت وحدة من اللوغات لأمازيغية اللي حافضات على بزاف ديال لخصائيص ديال الهضرة والشكل، ولقاموس ديال هاد اللوغة فيه تأتر قليل بزاف نسبيا بلعربية. ماكاينش إجماع على كيفاش غاتصنّف هاد اللوغة. شي كايݣول باللي راها من اللوغات لأمازيغية الشرقية -أيخينڤالد وميليتاريڤ (1984)-، وكوصمان (1999) كايجمعها مع تاويلانت. "إتنولوݣ" كايصنف هاد اللوغة مع اللوغات الزناتية الشرقية.
لهضرة بدل
الصوايت بدل
تقريبا غالبية اللوغات لأمازيغية فيها غير تلاتة ديال الصوايت. تاغديمسيت فيها سبعة ديال الصوايت، بحال تماشق.
| قدامي | وسطاني | لوراني | |
|---|---|---|---|
| مسدود | i | u | |
| موسّط-مسدود | e | o | |
| موسّط | ə | ||
| شبه محلول | ɐ | ||
| محلول | a |
لحروف بدل
بحال اللوغات لأمازيغية لخرة ولعربية، تاغديمسيت فيها التحلقين ديال لحروف وشي حروف اللي هوما سناينية باينة (ديريكت). كاين حتى التشديد ديال لحروف. لحروف اللي كاينة بين جوج دلقواس كاتستعمل نادرا بزّاف.
| شفايهي |
شفايهي- سنايني |
سنايني |
سنايني محلقن |
غاري |
طبقي |
لهايوي |
حلقي |
قرجوتي | |
|---|---|---|---|---|---|---|---|---|---|
| نيايفي | m | n̪ | |||||||
| مفجر |
(p) b |
t̪ d̪ |
t̪ˤ dˤ |
ɟ |
k ɡ |
q |
|||
| حكّاك |
β |
f |
s̪ z̪ |
s̪ˤ z̪ˤ |
ʃ ʒ |
x ɣ |
ħ ʕ |
h | |
| موقوف حكّاك | (tʃ) | ||||||||
| حرف شبه ساكت | w | l̪ | l̪ˤ | j | |||||
| حرف مكرر | r̪ | r̪ˤ |
عيون لكلام بدل
- ^ Calassanti Motylinski, A. de (1903). "Note sur la mission dans le Souf pour y étudier le dialecte berbère de R'adamès". Journal Asiatique. 1903, II: 157–162.
- ^ *Calassanti Motylinski, A. de (1904). Le dialecte berbere de R’edamès. Paris: Leroux. مأرشيڤي من لأصل ف 2022-03-11. تطّالع عليه ب تاريخ 2021-02-16.
- ^ Lanfry, J. (1968). Ghadamès: Etude linguistique et ethnographique. I, Textes, notes philologiques et ethnographiques. Fort-National: Fichier de documentation berbère.
- ^ Lanfry, J. (1973). Ghadamès: Etude linguistique et ethnographique. II, Glossaire (parler des Ayt Waziten). [Fort-National]: Le fichier périodique.
- ^ Kossmann, M. (2013). A Grammatical Sketch of Ghadames Berber (Libya). Köln: Köppe. ردمك 978-3-89645-940-4.
- ^ Lanfry (1973:iv).
- ^ Encyclopaedia of Islam, 2nd edition, article Ghadāmis (1952): 2,000 persons with a background in Ghadames living in Tunis; quoted by Lanfry (1973:iv).