ألفبائية لاتينية

لألفبائية لّاتينية هيّا لمجموع د لحروف لي كانو مخدّمين ف لّاتينية لي كانت لوغة د لإمبراطورية رّومانية، ؤ لحروف لي تزادو من بعد ف لوغات منحادرين منها ؤلا لي تأتّرو بيها.

تّوزيع ديال لحروف لّاتينية. لبلدان لي ب خضر غامق كيخدّمو غير لوغة/لوغات رسمية ؤلا وطنية لي كاتّكتب ب حروف لاتينية. ب لخضر لفاتح بلدان لي وحدة ؤلا بعض لّوغات رّسمية ؤلا لوطنية ديالهوم كاتّكتب ب حروف د لّاتينية

لحروف لّاتينية تطورو من لحروف د لإتروسكية (لوغة طاليانية قديمة لي ماعندها تا علاقة معا لّاتينية ؤلا لّوغات لي كانعرفو دابا)، لي تاهيّا تطورات من لحروف ليونانية. هاد لحروف تاهوما تطورو من سّيستيم لفينيقي د لكتابة لي تطورات بدورها من لكتابة لمصرية لقديمة. لحروف لّاتينية نتاشرو ف ؤروپا بسباب لهيمانة ديال لإمبراطورية رّومانية، ؤ تّأتير تّقافي ديالهوم لي وصل حتا ل بلايص لي ماعمّرهوم حتلّوهوم. من بعد، ف لفترة لإمپريالية، ؤروپا صدّرات هاد لحروف ل لعالم كامل تقريبا، ؤ ولّات لأبجدية لّاتينية أكتر وحدة مستعملة ف لعالم.

تّطور

لّاتينية د لبدية كانو فيها 21 حرف لي نيت باقين تال دابا، ؤ تزادو عليهوم منبعد حروف خرين بحال J، U، W، ؤ Y.

طّالياكية لقديمة

لألفبائية طّالياكية

ف طّالياكية لقديمة (Old Italic)	𐌀	𐌁	𐌂	𐌃	𐌄	𐌅	𐌆	𐌇	𐌉	𐌊	𐌋	𐌌	𐌍	𐌏	𐌐	𐌒	𐌓	𐌔	𐌕	𐌖	𐌗
ف لّاتينية	A	B	C	D	E	F	Z	H	I	K	L	M	N	O	P	Q	R	S	T	V	X

لّاتينية لقديمة

ف لألفبائية لّاتينية لقديمة (لقرن 3 قبل لميلاد)، لحرف G، خدا بلاصت Z، لي ماغاديش يبقا يتّستعمل تال جوج قرون موراها ؤ غادي يتزاد عليه لحرف Y. هاد جّوج حروف تستعملو ف لبدية سيرتو باش يتكتبو لكلمات لي أصلها يوناني. داكشي علاش نيت Y كاتسما í graeca ؤلا "i ليونانية".

ألفبائية لاتينية قديمة

حروف	A	B	C	D	E	F	G	H	I	K	L	M	N	O	P	Q	R	S	T	V	X

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.