أمازيغية مطماطة
أمازيغية مطماطة هي لوغة من لفرع الزناتي الشرقي ديال اللوغات لأمازيغية دالشمال. كايهضرو بيها الناس فلڤيلاج ديال مطماطة فلجانوب نتاع تونس ولڤيلاجات ديال تاوجّوت، تامزرت وزراوة. بحساب الديكسيونير ديال بنمامو[1]، الناس اللي كاتهضر بيها كاتسمّيها تْمازيغت أولّا أدّْوي نّغْ (هضرتنا)، وكاتسمى بالدارجة التونسية الشلحة أولّا الجبالي. آخر تقدير تدار لشحال دالناس كايهضرو بيها كان ف1975 اللي تحسب فيها 3726 دلبشري.[2]
أمازيغية مطماطة
| ||
| النوع | لهجة | |
| تخدام | ||
| كايتهضر بيها ف | تونس | |
| أصلية ف | مطماطة | |
| لفاميلة داللوغات | ||
| لوغة د بنادم لغات إفريقية آسيوية لوغات أمازيغية لوغات أمازيغية دالشمال لوغات زناتية لوغات زناتية شرقية | ||
| لكواض لي كايعرّفو اللوغة | ||
| ڭلوطولوڭ | jbal1238 | |
التوتيق ديال هاد اللوغة قليل بزاف. مجموعة ديال لخرايف ولقصاص كان جمعها ونشرها هانز ستوم Stumme ف1900.[3] أندري باسيت ف1950[4] عطى خرايط على لأمازيغية فتونس كاتبيّن ختيلافات فلكلمات، ودخّل فيها هاد لمينطاقة. توماس پينشوين Penchoen ف1968[5] دار مناقشة على اللوغات لأمازيغية فتونس والتأتير ديال إلا تقرّات فلمدارس. رضوان كولينز ف1981[6] ناقش الطريقة ديال الصرف والتحويل دلأفعال وقارنها مع أمازيغيات خرين فلبلاد. لعربي بن مامو هو بوحدو اللي دار كتاب خفيف دلقواعد ولمعجم داللوغة فالسيت اللي صاوب. هاد السيد كايهضر بهاد اللوغة.[1]
إتنولوݣ كايتعامل معا هاد اللوغة على أنها لهجة ديال تانفوسيت اللي كاينة فالشمال لغربي ديال ليبيا، غير هو على حساب مارتين كوصمان (1999) هاد الجوج داللوغات كاينتاميو لفروع مختالفين (تانفوسيت كاتنتامي للوغات لأمازيغية الشرقية، أمازيغية مطماطة كاتنتامي للوغات لأمازيغية دالشمال).[7]
عيون لكلام بدل
- ^ a b "Tamezret (Tunisie) et son dialecte berbère". مأرشيڤي من لأصل ف 2022-05-07. تطّالع عليه ب تاريخ 2021-03-05.
- ^ Sadok Sahli, 1983, "La population berbère devant les problèmes modernes en Tunisie", Démographie et destin des sous-populations: colloque de Liège, 21-23 septembre 1981 no. 1, Association internationale des démographes de langue française, INED, p. 373
- ^ Hans Stumme, 1900, Märchen der Berbern von Tamzratt im Süd-Tünisien, Leipzig: J.C. Hinrichs Buchhandlung.
- ^ André Basset, 1950, "Les parlers berbères". Initiation à la Tunisie. Paris: Adrien-Maisonneuve, pp. 220-226.
- ^ Thomas Penchoen, 1968, "La langue berbère en Tunisie et la scolarisation des enfants berbérophones", Revue Tunisienne des Sciences Sociales, pp. 173-186.
- ^ Ridwan Collins, 1981, " Un microcosme berbère. Système verbal et satellites dans trois parlers tunisiens ". Institut des Belles Lettres Arabes nos. 148, 149, pp. 287-303, pp. 113-129.
- ^ كود ديال اللوغة مختالف ف إتنولوݣ 13, [duh], تحيّد وتعطى للوغة بهيلية فلهند.
 هادي زريعة ديال مقالة خاصها تّوسع. تقدر تشارك ف لكتبة ديالها. |