ويكيپيديا ب الداريجة
ويكيپيديا لمغريبية ولا ويكيپيديا ب دّاريجة، هيا ڤيرسيون ديال لموسوعة ويكيپيديا ب داريجة لمغريبية، تدارت ف 20 يوليوز 2020.[1][2] و وصل عدد لمقالات ديالها نهار 28 نونبر 2024 ل 10,342 مقالة، و ف لمجموع 74,709 صفحة، ب 380,401 تبديل. كاينين فيها 14,581 خدايمي مقيّد و 58 خدايمي مداوم (لي دارو تبديل ف شّهر لّخر) ، ب لإضافة ل 6 ديال ليمغارن (إداريين).
ف يونيو 2023، ويكيپيديا ب دّاريجة تشافت كتر من 640.000 مرة، لي مامحسوبينش فيهوم شّوفات ديال بوتات ؤلا پروݣرامات ؤطوماتيكية. ؤ ف لمجموع تّقراو لمقالات د ويكيپيديا لمغريبية كتر من 11 د لمليون مرة من نهار بدات ف يوليوز 2020.[3]
خلفية
بدلهاذ المشروع جا من بعد ما رتافعت العديد من الأصوات لي كتنادي بالكتابة بالدارجة باش الناس كاملة تفهم و المعلومة توصل بطريقة مباشرة و قريبة للمتلقي، الشي لي خلا فعلا الشركات ف المغرب يلتجؤو للاشهارات بالدارجة، نفس الشي بالنسبة للنشرات الاخبارية الطارئة و لي خاص يفهمها ڭاع الناس فجميع المستويات و الأعمار (حملة التحسيس ضد كورونا كمثال).[مصدر؟]
لكن و ف غياب قواعد للكتابة بالدارجة، مضبوطة مزيان، رجع كل واخد يكتب بطريقة فشكل، شي مرات تلقى مقالات كاتغلب عليها لفرنساوية، و الكلمات لي أصلها عربي بقاو كيكتبوها بطريقة متصبش فعملية النطق ديالها الصحيح، بحال كلمة (مغريب) نقدرو نكتبوها مغرب و نطقولها مغريب حسب اللهجة نتاعنا. مجهودات كبيرة باقين يقدرو يتدارو فهاد المجال حيت حتى الدارجة تطورات و رجعات فيها بزاف المستويات و طرق ديال الهدرة، السياسي لي يتكلم بيها ماشي بنفس الطريقة غيهدر بيها العامل البسيط ولّا الفلاح ولّا شي واحد تزاد ف 2005.[مصدر؟]
و كتبقى اللغة العربية هي اللغة الأكثر تأثيرا على الدارجة وخا كتحتاوي على بزاف ديال الكلمات عبرية و أمازيغية و من لوغات ؤروپية.
تاريخ
بدلف 2008، كانت ويكيپيديا ب دّاريجة بدات، بحال بزاف د لويكيپيديات لوخرين، ف لانكوباتور (ب لعربية الحاضنة)، لي هوّا سيت خاص تابع ل مؤسسة ويكيميديا كيتدارو فيه لمشاريع د ويكيميديا لي باقين ف لمرحلة تّجريبية.[4] بزاف لي خدمو عليها ف لبدية كانو تابعين ل مشروع كتب داريجة، ؤ كانت لكتابة فيها ب لأساس ب لحروف لّاتينية، وخا بقات نوع د لفوضا ف لكتابة بشكل عام.[5] لمشروع ماتنضّم مزيان تال 2019، فاش بدات لخدمة عليه بشكل جدي، و تڤاليدا الطلب ديال لخروج الرسمي ديالها، و تنفّد ف 20 يوليوز 2020. الناس لي كيكتبو ف ويكيپيديا ب الداريجة فيهوم مغاربا ديال الداخل و ديال لخاريج.[4]
ف ماي 2021، كان لمجموع د شّوفات د ويكيپيديا ب دّاريجة وصل ل 900.000 من نهار بدات.[6]
ف 2023، مابين 25 أبريل و 10 يونيو، ويكيميديا لمغريب نضّمات مسابقة ديال لكتابة ف ويكيپيديا ب اللوغات د لمغريب (لعربية، لأمازيغية و الداريجة) لي يقدر يشارك فيها أي واحد، و لهدف ديالها إغناء لمحتوى لمغريبي ف لأنتيرنيت.[7]
جوج د لأبحات لي صدرو ف 2022[8] و 2023، و قارنو مابين ويكيپيديا ب الداريجة و ويكيپيديا ب لعربية و ويكيپيديا ب لمصرية، بيّنو بلي النسخة ديال الداريجة صغيرة ف عدد لمقالات ديالها (جوايه 5000 تال 6500 فاش تدارو الدراسات بجوج)، ولاكين لمحتوى ديالها "كيمتّل التقافة و التعبير ديال الناطقين ب اللوغة لأم"، ف لوقت لي النسخة لمصرية كبيرة ف حجمها، ولاكين لمحتوى ديالها سطحي، حيت مولّد ف أغلبيتو بشكل ؤطوماتيكي. النسخة لعربية هيّ لوحيدة من بين التلاتة لي كاتجمع مابين لحجم لكبير و التمتيلية لمزيانة ديال اللوغة لي مكتوبة بيها، و هادشي كيخليها مناسبة ل تطبيقات ديال لپروصيصاج د اللوغة الطبيعية NLP.[9]
كرونولوجيا
بدل- 20 يوليوز 2020: لبدية د السيت بشكل رسمي.[10]
- 1 غشت 2020: ويكيپيديا ب الداريجة وصلات 1194 مقال (أول إحصاء ديال عدد لمقالات ديالها ف ميطاويكي).[11]
- 7 غشت 2020: ويكيپيديا ب الداريجة فاتت 10000 تبديل.[11]
- 23 غشت 2020: ويكيپيديا ب الداريجة فاتت 2000 مقال.[11]
- 24 أكتوبر 2020: ويكيپيديا ب الداريجة فاتت 1000 خدايمي مقيّد.[12]
- 31 غشت 2021: ويكيپيديا ب الداريجة فاتت 100 ألف تبديل.[13]
- 2 مارس 2022: ويكيپيديا ب الداريجة فاتت 5000 مقال.[14]
- دابا: ويكيپيديا ب الداريجة فيها 10,342 مقال.
مؤسسين
بدللكتاتبيا لي خرّجو ويكيپيديا ب دّاريجة من لانكوباتور:
- أناس السدراتي
- رضا بنخضرة
- رشيد أورقية
- عبد الرحمان آيت علي
- أمين تيفراتين
إحصائيات عامة
بدلويكيپيديا ب دّاريجة:
- فيها كتر من 67000 صفحة (منهوم مقالات، تصنيفات، موضيلات، صفحات د شّرح ؤ لمعاونة...)
- تكتبو ف لمقالات ديالها ل حد سّاعة كتر من مليون و 880 ألف كلمة
- تشافو صّفحات ديالها كتر من 11 د لمليون مرة من نهار بدات
أبحات عتامدو على ويكيپيديا ب الداريجة
بدلعيون لكلام
بدل- ^ Yousra Jaa (10 يونيو 2021). "La darija fait son entrée dans Wikipédia". medias24.com (ب لفرانساوية).
- ^ "Create Moroccan Arabic Wikipedia" (ب نڭليزية). مأرشيڤي من لأصل ف 2023-08-15. تطّالع عليه ب تاريخ 2021-09-26.
- ^ "إحصائيات د ويكيپيديا ب دّاريجة مابين يوليوز 2020 ؤ يناير 2024" Check
|url=value (معاونة). - ^ a b "Wikipédia se décline en darija, le dialecte marocain". 2021-06-13. تطّالع عليه ب تاريخ 2024-01-11.
- ^ مداكرة:الصفحة اللولا
- ^ "How can editing contests support smaller Wikipedias? (Arctic Knot Conference 2021)". 22 يونيو 2021. مأرشيڤي من لأصل ف 16 نونبر 2022.
- ^ "عربيةٌ وأمازيغية ودارجة.. مسابقة تطور محتوى "ويكيبيديا" حول التجربة المغربية". 2023-04-24. مأرشيڤي من لأصل ف 13 غشت 2023. تطّالع عليه ب تاريخ 2023-08-05.
- ^ الشهراني، سعيد؛ والي، عصمة؛ ماثيوز، جينا (8 دجنبر 2022). "Learning From Arabic Corpora But Not Always From Arabic Speakers: A Case Study of the Arabic Wikipedia Editions". Proceedings of the The Seventh Arabic Natural Language Processing Workshop. doi:10.18653/v1/2022.wanlp-1.34. تطّالع عليه ب تاريخ 2024-01-11.
- ^ الشهراني، سعيد؛ الشهراني، نورة؛ ديي، سوميابراتا؛ ماثيوز، جينا (7 دجنبر 2023). "Performance Implications of Using Unrepresentative Corpora in Arabic Natural Language Processing" (PDF). Proceedings of the The First Arabic Natural Language Processing Conference. نيويورك: Department of Computer Science, Clarkson University: 218–231. تطّالع عليه ب تاريخ 2024-01-11.
- ^ Empty citation (معاونة)
- ^ a b c Empty citation (معاونة)
- ^ Empty citation (معاونة)
- ^ Empty citation (معاونة)
- ^ Empty citation (معاونة)
|
تقدر تزيد شوف بزاف د تّصاور و لمعلومات ديال Moroccan Arabic Wikipedia ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |