ويكيپيديا:إمغارن

لّوݣو ديال إمغارن

إمغارن ؤلا لإداريين ؤ لمعروفين عاوتاني ب سمية "لأدمنز" هوما محررين ف ويكيپيديا تمنحات ليهوم لقدرة تّقنية باش يديرو شي إجراءات خاصة ف ويكيپيديا ب دّاريجة. كتشمل لقدرة علا لبلوك ؤ رفع لبلوك علا لكونطات د لخدايميا، منع عناوين ؤ نطاقات لآيپي من تّعديل، تّعديل ديال صّفحات لمحمية ب لكامل، لحماية ؤ رفع لحماية على الصفحات، تحياد ؤ ترجاع صّفحات لمحدوفة، إعادة تسمية لپاجات بلا قيود، و ستيخدام بعض صّفحات لوخرة.

إمغارن كيضطالعو بهاد لمسؤوليات كا متطوعين من بعد إجراء عملية مراجعة/تقييم من قيبال لمجتمع. ؤ هوما ما كيخدموش كا موظفين ف مؤسسة ويكيميديا. مامطالبينش ب ستيخدام لأدوات ديالهم وما خاصهمش يستخدموهم باش يكسبو ميزة ف شي نزاع كانو متورطين فيه. ما خاصناش نخلطو ما بين إمغارن ف ويكيپيديا ب دّاريجة ؤ لمديرين ديال مؤسسة ويكيميديا.

ويكيپيدبا ب دّاريجة فيها دابا 6 أمغار ؤ تامغارت (شوف لّيستة لكاملة د لكونطات لي عندها لمتيازات ديال أمغار).

لقدرات ديال إمغارن

إمغارن عندهم لقدرة تّقنية باش يديرو لعمليات لي مبينين هنا: إمغارن.

كيفاش تولي أمغار

ويكيپيديا ب دّاريجة ما عندهاش متطلبات رسمية باش تولي أمغار. أي خدايمي مسجل يمكن ليه يقدم طلب ل لمجتمع باش يولي أمغار، بغض نّضر علا تجربتو ف ويكيپيديا. واخا هاكدا، من لمتوقع من إمغارن بلي يكتاسبو تّيقة د لمجتمع، هادشي علاش طّلبات من لخدايميا لي ما عندهمش خبرة محترمة كيترفضو عادة. أي محرر مسجل يمكن ليه يعلق علا شي طلب، ؤ كل محرر كيقيم تّرشحات ب طريقتو لخاصة.

قبل طلب ؤلا قبول شي ترشيح، لمترشحين خاصهم عموما يكونو نشيطين، مساهمين ف ويكيپيديا بشكل منتاضم ؤ لواحد لوقت طويل، يكونو مولفين لإجراءات ؤ لممارسات ديال ويكيپيديا، يحتارمو ؤ يفهمو سياساتها، ؤ يكتاسبو تّيقة لعامة ديال لمجتمع. لمترشحين ملزمين عاوتاني ب لكشف على إلا سبق ليهم حررو ؤلا عدلو علا قبل لفلوس. لأسئلة لي بحال هادا راه مسموح ليهم باش يتسولو من قبل أي محرر ف لمجتمع طوال عملية طلب ترشيح ليمغارن.

كتجري مناقشة ل مدة سبع يام علا قبل واش لمترشح خاصو يولي أمغار ؤلا لا. لمجتمع حط واحد لحد ل لأسئلة: أي محرر ما خاصوش يطرح أكتر من جوجت لأسئلة ل كل مترشح. نفس لشي؛ ممنوع طرح لأسئلة لمتعددة لأجزاء لي كتكون على شكل سؤال واحد، حيت هي ف لواقع عبارة على بزافت لأسئلة شي لي كيخلينا نتجاوزو لحد لأقصى لمسموح بيه.

عملية طلب صلاحيات د تامغاريت، كتخلي لمحررين لاخرين يتعرفو علا لمترشح و يستاكشفو مشاركتو ؤ خلفيتو كا محرر، يشاركو ف نقاشات ؤ يݣولو واش كيأيدو ؤلا كيعارضو طّلب مع توضيح أسبابهم و نطيباعاتهم علا لمترشح. من بعد واحد لبيروقراطي (يلا ماكانش؛ شي أمغار، يلا حتا هو ماكانش؛ أي واحد) ما مرتابطش مع لمترشح كيقرر واش كاين شي توافق ف لآراء علا لطلب. هاد لقرار ما كيرتابطش حصرا ب نّيسبة لمئوية د لمؤيدين، ولاكين ف معضم لحالات؛ طّلبات لي كتجاوز نسبة تأييد فيها 75% كيدوزو. لمجتمع تافق علا أنه عموما؛ الطلبات لي كتراوح نسبة التأييد فيها ما بين 65% و 75% كيكونو موضع تقدير من قبل البيروقراطيين. (بالتالي ومنطقيا، كنتلاقاو تقريبا كامل طّلبات لي فيهم نسبة تأييد قل من 65% كتفشل.)

ف طلبات لحصول على صلاحية أمغار، كتكون لردود ؤ لمراجعات ديال لمحررين لي عندهم لخبرة مهمة بزاف مقارنة معا محررين جداد و ما عندهمش خبرة. لمقدمين ديال طّلبات لي ما نجحوش ولاكين تاخدو خطوات ل معالجة د نّقاطي لي تشار ليهم ف لنقاش غالبا كيقدرو ينجحو ف طلب لاحق من بعد شي شهور.

غير كونط واحد ديال شي شخص لي ممكن ليه يكون متوفر علا دّوزان د تامغاريت. لستيتناء لوحيد لي كاين هو ليمغارن لي عندهم بوتات كيديرو خدامي معاودين ؤ مملين كيخصهم فيها يخدّمو صلاحيات أمغار.

تحياد صلاحيات أمغار

إمغارن لي ما كيستخدموش صلاحياتهم ب شكل صحيح، لي كيحاولو يخربو لموسوعة، لي كيستخدمو صلاحياتهم باش ينتاقمو من لمحررين لوخرين، ؤلا كيستخدمو صلاحياتهم باش يكسبو شي نقاش؛ كيتم إزالة صلاحية أمغار من لكونط ديالهم.

لحالة لوخرة فين ممكن تّحيد صلاحية أمغار هيا فاش لخدايمي ما كيكونش نشيط ل مدة 12 شهر ولا ما كيستعملش لأدوات لإدارية ڭاع ف هاد لمدة.

إمغارن خاص يكونو دايرين حماية قصوى ل لكونطات ديالهم باش يتفاداو لختيراق، ؤ من لأحسن كل أمغار يكون عندو إيميل مرتابط ب لكونط ديالو باش يسهال عليه ستيرجاع لمودپاص يلا ضاعت ليه ؤلا تم تغييرو من قيبال لهاكر.

تحياد تطوعي

يقدرو إمغارن يقدمو طلب باش تّحيد صلاحية أمغار من لكونط ديالهوم.