محمد المدلاوي المنبهي
محمد المدلاوي المنبهي (مزيود ف 1949 ف إيݣودار منابهة ف سوس)[1] هوّا لانݣويست ؤ كاتب مغريبي، ؤ ؤستاد باحيت ديال لّانݣويستيك ف جاميعة محمد لخاميس ف رّباط. عندو عاداد كبير د لكتوبا ؤ لأبحات علا لّوغات ؤ تّقافة لمغريبية بشكالها ؤ مؤتيراتها (عربية، أمازيغية، يهودية، أندالوسية).[2]
محمد المدلاوي المنبهي
| ||
| ||
| معلومات عامة | ||
| زيادة | 1949 (74/75 عام) إيڭودار منابهة | |
| لجنسية | لمغريب | |
| لحرفة | لانڭويست، باحت، ؤستاد جاميعي و كاتب | |
| لّوغات لي كيعرف | الداريجة لمغريبية، عربية، لوغات أمازيغية، نڭليزية، لعبرية و لفرانساوية | |
| لجوايز |
| |
   
| ||
حياة ؤ كاريير بدل
كان ؤستاد ديال مادة د جّتيماعيات، ؤ موراها ؤستاد د لعربية ف ليسي لالة أسماء ف وجدة. كان ؤستاد جاميعي ؤ باحيت ف جاميعة محمد لّول ف وجدة من 1978 تال 2003. تماك قرّا مجموعة د لمواد منها لعربية، فيقه لّوغة، لّانݣويستيك ؤ لعبرية، ؤ كان نايب ديال عاميد لكلية من 1995 تال 1999. ف 1999، مشا ف مهمة ل لمركز لوطني ل لبحت لعيلمي ف پاري. ف 2002 نضم ل لمعهد لملكي د تّقافة لأمازيغية.[3]
ف 2012، كان خدا جايزة أحسن بحت منشور ف جاميعة محمد لخامس سّويسي، ؤ جايزة لمغريب د لكتاب علا كتابو "رفع الحجاب عن مغمور الثقافة والآداب".[3][4]
أعمالو بدل
محمد المدلاوي عندو 9 د لكتوبا نشرهوم بشكل فردي، ؤ 8 معا كتّاب ؤ باحيتين خرين، ؤ عاداد كبير د لأبحات منشورين ب لعربية ؤ لفرانساوية ؤ نّݣليزية.[3] من بينهوم:
- من الأدب العبري الحديث؛ نماذج قصصية مترجمة (ب لعربية). وجدة: مطبعة س.ن.إ.پ. 1994.
- Aspects des représentations phonologiques dans certaines langues chamito-sémitiques [مضاهر ديال تمتيلات فونولوجية ف شي لوغات أفروأسيوية] (ب لفرانساوية). رّباط: كلية لأداب ؤ لعولوم لإنسانية. 1995.
- مقامات في اللغات والعقليات : الهوية والتحديث ما بين التذكير والتأنيث (ب لعربية). 2010. ص. 161.
- رفع الحجاب عن مغمور الثقافة والأداب - مع صياغة لعروضي الأمازيغي والملحون (ب لعربية). 2012. ص. 539. ردمك 978-995-453-808-1.
- پول ف. ديل؛ محمد المدلاوي المنبهي (2012). Syllables In Tashlhiyt Berber And In Moroccan Arabic (ب نڭليزية). ص. 385. ردمك 9789401002790.
- عن كتاب "بذل المجهود في إفحام اليهود" للسموأل بن يحيى بن عباس المغربي : تقديم الكتاب (ب لعربية).
- العربية الدارجة (ب دّاريجة ولعربية). 2019.[1]
- رواية بيوݣرافية: يوميات موحْماد. 2021.[5]
عيون لكلام بدل
- ^ a b "العربية الدارجة".
- ^ "محمد المدلاوي المنبهي" (ب لعربية). مأرشيڤي من لأصل ف 2023-02-04. تطّالع عليه ب تاريخ 2021-12-13.
- ^ a b c "جامعة محمد الأول بوجدة، تتذكر أعلامها الحلقة الثامنة (8) الدكتور : محمد المدلاوي المنبهي" (ب لعربية). 6 فبراير 2014. مأرشيڤي من لأصل ف 2022-08-13. تطّالع عليه ب تاريخ 2021-12-14.
- ^ "ويزارة د تّقافة، جايزة لمغريب د لكتاب 2012". مأرشيڤي من لأصل ف 2021-12-14. تطّالع عليه ب تاريخ 2021-12-14.
- ^ ""يوميات موحْماد" تتوغل في سيرة محمد المدلاوي" (ب لعربية). 13 يوليوز 2021. مأرشيڤي من لأصل ف 2021-12-13. تطّالع عليه ب تاريخ 2021-12-13.
لمزاود بدل
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |