ماصطانيصوسوس
ماصطانيصوسوس
| ||
| ||
| لفاميلة | ||
| لواليد | بوكوس لول | |
| خوت | ڤولوكس | |
| لولاد | بوكوس تّاني بوݣود | |
ماصطانيصوسوس ؤلا صوسوس ؤلا سوس (ب لأمازيغية ⵎⴰⵙⵟⴰⵏⴻⵚⵓⵙⵓⵙ، ب لّاتينية Mastanesosus) هوّا ماليك موري أمازيغي كان حكم مملكة موريطانية ف لقرن لّول قبل لميلاد، ؤ كان ف لغالب ولد لماليك بوكوس لّول ؤ بّات لملوك بوݣود ؤ بوكوس تّاني، ؤ حكم ما بين جوايه 80 ؤ 49 قبل لميلاد.[1]
تّوريخية ديالو
بدللأدلة علا لوجود ديال لماليك ماصطانيصوسوس قليلة، ؤ كاترتاكز سيرتو علا شقفات د لفلوس من لعهد ديال ولدو بوكوس تّاني لي مكتوب فيهوم ب لّاتينية لماليك بوكوس ولد صوسوس REX BOCCHVS SOSI F، ب لإضافة ل واحد تّسافيرة كان دارها سياسي روماني سميتو پوبليوس واتينيوس ف شمال إفريقيا، ؤ كتب عليها لكاتيب رّوماني لمعروف كيكيرو ف كتابو ئن واتينوم In Vatinum. واتينيوس يقدر يكون تلاقا شخصيا معا لماليك ماصطانيصوسوس ف 62 قبل لميلاد.[1][2][3][4]
ف 2020، واحد لحجرة د جباد كاترجع لقرن لّول ق.م تّلقات مكتوب فوق منّها هاد لعيبارة ب لّاتينية REX SOS، شّي لي زاد أكّد لوجود ديال لماليك سوس. هاد لحجرة تقدر تكون جات من دّوزان د شي معركة حاربات فيها أرمي تابعة ليه.
بعض لمؤرخين بحال صطيفان ݣزيل كانو خلطو مابين ماصطانيصوسوس ؤ لماليك ماسينيسا تّاني ديال نوميديا، ولاكين لأدلة لأركيولوجية ؤ تّفاصيل ديال تّسافيرة د واتينيوس كيخليو مجال قليل د شّك بلي كان ماليك سميتو صوسوس حكم موريطانية مورا بوكوس لّول ؤ قبل من بوكوس تّاني ؤ بوݣود. لفرضية د لوجود د ماليك سميتو ماصطانيصوسوس كان قتارحها لأركيولوجي لميريكاني دوين رولر سيرتو ف كتابو لعالم د يوبا التاني و كليوپاطرا سيليني لي خرج ف 2003.
لفترة ديالو
بدللعوام لّخرة ديال لحكم د لماليك بوكوس لّول عرفات ضطيرابات سياسية حيت لماليك كان شرف ؤ ضعافت سّلطة ديالو. هادشي كيتجلّا ف ستيقلال طانجا تحت حكم عائلة أميرية قايدها يفتاس ؤ موراها ولدو أسكاليس. جّينيرال رّوماني سولا Sulla صيفط جيش باش يدعم أسكاليس، ولاكين لجنرال رّوماني كوينتوس سيرطوريوس ف خيلال حملة عسكارية ديالو عاون ف تحياد لأمير أسكاليس من لحوكم ديال طانجا ف جوايه 81 ؤلا 80 ق.م. ف هاد لحملة علا حساب لمؤرخ ليوناني پلوطارخوس، زار سيرطوريوس لبلاصة لي كانو لمور كيآمنو بلي مدفون فيها رّب لمعبود ديال لأمازيغ عنتي، لي علا حساب لأساطير ليونانية لقديمة كان تقاتل معا هرقل، ؤ هاد لموضع كان ف لغالب ف لكرومليك ديال مزورا.[5][6]
تّوارخي رّوماني سالوستيوس كيعاود بلي ف جوايه 77 تال 74 ق.م كان شي ماليك موري أخور سميتو ليپطاسطا. هادشي كيحط علامات ستيفهام على لوقت ؤ لكيفية باش ماصطانيصوسوس ولّا ماليك على موريطانية، ؤ شحال د سّلطة على مملكة موريطانية كانت عندو فعليّا. من غير هاد لفراتت د لخبارات لي وصلونا من عند رّومانيين، ماكانعرفو والو على مملكة موريطانية ف 30 عام لي تلات لموت د لماليك بوكوس لّول.[7]
عيون لكلام
بدل- ^ a b لإنسايكلوپيديا لأمازيغية، بوكوس (ب لفرانساوية). مأرشيڤي من لأصل ف 30 ماي 2023. تطّالع عليه ب تاريخ 19 أبريل 2020.
- ^ "Coin of Bocchus II". مأرشيڤي من لأصل ف 2023-01-27. تطّالع عليه ب تاريخ 19 أبريل 2020.
REX BOCCHVS SOSI F
- ^ Duane W. Roller. The World of Juba II and Kleopatra Selene: Royal Scholarship on Rome's African Frontier (Routledge Classical Monographs). ص. 56.
- ^ Cicero, In P. Vatinium testem interrogatio, 5, 12.
- ^ Encyclopédie Berbère - Ascalis. مأرشيڤي من لأصل ف 27 فبراير 2022. تطّالع عليه ب تاريخ 19 أبريل 2020.
- ^ Plutarch. Life of Sertorius, 9. تطّالع عليه ب تاريخ 19 أبريل 2020.
- ^ "Roma Numinastics Limited, King Sosus PB Sling Bullet". مأرشيڤي من لأصل ف 2022-10-21. تطّالع عليه ب تاريخ 2022-10-21.
 هادي زريعة ديال مقالة خاصها تّوسع. تقدر تشارك ف لكتبة ديالها. |