سالوستيوس
ݣايوس سالوستيوس كريسپوس ؤلا سالوست (مزيود ف 86 ق.م ف أميطيرنوم، مات ف 35 ق.م ف روما) هوّا توارخي ؤ سياسي روماني من فاميلة طاليانية شعبية (ماشي من نّخبة رّومانية لي كانت عندها فلوس ؤ سلطة). كان حياتو كلها ضد لأريسطوقراطية رّومانية، ؤ من لموساندين ديال يوليوس قيصر. سالوستيوس هوّا أقدم توارخي روماني كتب ب لّاتينية لي ماضاعوش لأعمال ديالو كاملين، ؤ لي منهوم كتاب حروب كاطيلينا على لحرب لأهلية لي بداها لوكيوس سيرݣيوس كاطيلينا، ؤ حروب يوݣارتن على لحرب د لماليك يوݣارتن د نوميديا، ؤ كتاب تأريخات لي بقاو منو غير ݣزوات قلال. سالوستيوس تأتر ب لمؤرخ ليوناني ثوسيديديس، ؤ ولّا مرفّح بزاف (بشكل ماشي قانوني) ب ستيغلال سّلطة ديالو فاش كان حاكم ديال إقليم أفريكا نووا (تونس ؤ شرق دزاير دابا).[1]
سالوستيوس
| ||
.jpg)
| ||
| معلومات عامة | ||
| زيادة | 1 أكتوبر 86 قبل لميلاد Amiternum | |
| لموت | 13 ماي 35 قبل لميلاد (50 عام) روما | |
| لجنسية | روما القديمة | |
| لحرفة | Ancient Roman historian، كاتب، شاعير، Ancient Roman politician و ancient Roman military personnel | |
| لّوغات لي كيعرف | اللاتينية | |
| لفاميلة | ||
| خوت | Sallustia | |
| شريك | Terentia | |
| لولاد | Gaius Sallustius Crispus | |
| معلومات خرى | ||
| لحيزب | ببيولاريس | |
 
| ||
ف 52 قبل لميلاد، سالوستيوس ولّا عضو ف مجلس شّيوخ رّوماني، ولاكين عاماين مورا داكشي جرّاو عليه منو ب تهمة ديال "مومارسات لاأخلاقية". غادي يعاود ياخد لمنصب ديالو ب دعم من يوليوس قيصر، ؤ غادي يحارب ب جنبو فاش ناضت لحرب لأهلية ف 49 قبل لميلاد. ف 46 قبل لميلاد، غادي ينتاصر يوليوس قيصر ؤ لحلف ديالو (معا لماليك بوكوس تّاني)، ضد لحلف د پومپيوس ؤ لماليك يوبا لّول د نوميديا. سالوستيوس ولّا پريطور ؤ تّعطات لو لحكامة ديال إقليم أفريكا نووا (إفريقيا جّديدة) لي جمعات أراضي ديال أفريكا ويتوس (إفريقيا لقديمة) معا مناطق لي خداوها رّومان من مملكة نوميديا. لحماية ديال يوليوس قيصر عطاتو مناعة ضد تّيهامات ب لفساد. فاش مات قيصر مقتول ف 44 قبل لميلاد، سالوستيوس عتازل سّياسة ؤ تفرّغ ل لكتابة د تّاريخ. لكتوبا ديالو على لمؤامرة د كاطيلينا ؤ لحروب د يوݣارتن وصلونا مكمولين، ولاكين كتابو "تّأريخات" لي كيهضر على تّاريخ د لحضارة رّومانية مورا سولا (من 78 قبل لميلاد) بقاو منو ݣزوات مفرّقين. سالوستيوس كيتّعتابر من أشهر تّوارخيا ف لفترة لقديمة ؤ حتا من بعد.[1]
عيون لكلام
بدل- ^ a b وودمان، أ. ج. (2007). حروب كاطيلينا، حروب يوݣارتن، تأريخات (ب نڭليزية). لوندريس: پينݣوين. ص. xxvii. ردمك 978-0140449488.
 هادي زريعة ديال مقالة خاصها تّوسع. تقدر تشارك ف لكتبة ديالها. |