ضربة غلط

ضربة غلط (بلعربية: ضربة حرة، بالنݣليزية: Free kick) هي طريقة ديال لمعاودة د اللعب ف كورة. كاتّعطى للفرقة فاش لفرقة لوخرة كاتدير غلط.

ضربة غلط نيشان تاع لفرقة اللي فلبيض ولحمر.

ضربة غلط نيشان ومانيشانشعدل

ضربة لغلط تقدر لكون نيشان أولّا مانيشانش، لفرق بيناتهوم هو:

  • ضربة غلط نيشان فلهوجوم يقدر يتماركا منها بيت، ولاكين مايمكنش يتماركا من ضربة غلط مانيشانش.
  • كايتّعطاو ضربات لغلط النيشان فلغلاط لكبار (كروة مقيوسة بليد وبزاف دلغلاط لخرين، شوف لتحت).
  • ماكاتّعطاش ضربة غلط نيشان فلمينطاقة د پيلانتيات ديال لفرقة اللي دارت غلط: إلا لفرقة دارت غلط تمّا، كايتعاقبو بپيلانتي. ضربة غلط مانيشانش كاتّعطى فغلط اللي طرى فأي بلاصة خرة.

كيفاش كاتنفّدعدل

 
غاليبا بزاف ديال لكوايرية (فهاد لحالة لحمرين) غايتستّفو على ضربة لغلط باش يضرّݣو لخطة ديالهوم على لفرقة لمدافعة (الزرقة هنايا).

النتيع د لحكمعدل

لحكم كاينتع لضربة غلط مانيشانش فاش كايهز دراعو للفوق، ولضربة غلط نيشان فاش كايجبّد دراعو للقدّام.[1] طريقة معروفة باش يبان لفرق هي أنه فلحالة ديال ضربة غلط مانيشانش لحكم كايهزّ دراعو فوق راسو وكايصاوب حرف الليف "ا".[2]

لبلاصةعدل

ضربة غلط كاتدار من لبلاصة اللي تدار فيها لغلط، من غير هاد لحالات:

  • إلا طرا لغلط حدا لݣول ديال لفرقة مولات لكورة، ضربة لغلط كاتدار من أي بلاصة فلمينطاقة د لݣول.
  • إلا ضربة غلط مانيشانش تعطات على غلط ديال لفرقة اللي دارتو فلمينطاقة د لݣول ديالها، كتدار ضربة لغلط من أقرب نقطة على لخط دلمينطاقة د لݣول اللي كايكون موازي معا لخط ديال لݣول اللي على برّا التيران.
  • إلا لغلط طرا برّا التيران، كاتدار ضربة لغلط على أقرب خط توش أولّا خط ݣول لفين طرا لغلط.
  • فبعض لغلاط التقنية (بحال إلا دخل كوايري شونجمو بلا خبار لحكم؛ أولّا الدخول ديال شي كوايري أولّا مسؤول ديال لفرقة كيفمّا كان للتيران بلا مشاورة معا لحكم، وبلا مايقطع اللعب)، كايبدا اللعب بضربة غلط مانيشانش فلبلاصة اللي كانت فيها لكورة فاش اللعب وقف.

التيرعدل

لبالون خاص يكون واقف ماكايتململش وفوق الضس. لكوايرية ديال لفرقة لوخرة خصهوم يكونو بعاد على لكورة بشي 9.15 ميترو حتال لبدية د اللعب، من غير إلا كانو فوق خط لݣول ديالهوم اللي مابين الرجلين د لݣول. إلا كانت ضربة لغلط مديورة من لمينطاقة د پيلانتيات ديالهوم، الناس دلفرقة لوخرة خاصهوم يكونو برّا دهاد لمينطاقة.

إلا لفرقة لمدافعة دايرين حيط من تلاتة أولّا كتر ديال لكوايرية، ݣاع لكوايرية لمهاجمين خاصّهوم يكونو بعاد ميترو واحد من لحيط حتى تكون لكورة ملعوبة.

لكورة كاتوّلي ملعوبة فاش كايتشيّر بيها وكاتبان مزيان كاتحرّك.[3] لكورة ضروري خاصها تتّيرا (لحارس ماخصّوش يهزّها). ممكين للكوايرية يتلّفو اللعابة د لفرقة لوخرة ف ضربة غلط. (هادشي كايفرقة ضربة لغلط على پيلانتي فين التلف ممنوع من الدقّة فاش كايكون كولشي واجد).[4]

يقدر لكوايري يتعاقب على تسلّول من ضربة غلط. هادشي كايميّز ضربة لغلط على الطرق لخرين ديال لمعاودة د اللعب، اللي مايمكنش فيهوم للعّاب يطيح فالتسلول.

التسجيل د بيت من ضربة غلطعدل

نفتارضو باللي لفرقة 1 هي اللي معطي ليها ضربة غلط.

لكورة كاتمشي
نيشان ل
النوع ديال ضربة لغلط
نيشان مانيشانش
لݣول دلفرقة 2 بيت صحيح ضربة مرمى للفرقة 2
لݣول دلفرقة 1 ركنية للفرقة 1[5]

لغلاط فالتنفيد ولعقوبةعدل

 
ولّات لكشكوشة لمختافية (بالنݣليزية: Vanishing spray) كاتخدّم فلعوام اللخرين باش تبيّن لمسافة لمينيموم ديال ضربات لغلط.

كاتعاود ضربة لغلط فالتنفيد إلا كانت لكورة كاتحّرك أولّا ماكانتش فلبلاصة الصحيحة. كايتعاقب لكوايري اللي كايدير لغلط بلعاني باش تعاود ليه الضربة أولّا كايتعطل بزاف فالتنفيد.

إلا كان لكوايري من لفرقة لخرة واقف قل من 9.15 ميترو بعيد على لبلاصة دلكورة فاش غاتدار الضربة، كاتعاود هاد الضربة من جديد، من غير إلا لفرقة مولات الضربة بغات تدير "ضربة حرة بالزربة" قبل مايرجعو اللعابة ديال لفرقة لمدافعة للمسافة لمحدّدة. يقدر شي كوايري ياخد كارطة صفرة إلا ماقدرش يرجع ل9.15 ميترو[5] أولّا بلعاني ماكايخلّيش الضربة د لغلط تنفّد.

إلا لكوايري قاس لكورة جوج مرّات متابعين بلا ماتقيس كوايري آخور من مورا ضربة لغلط، كاتعطى ضربة غلط مانيشانش للفرقة لوخرة، من غير إلا تقاست لكورة بشكل ماشي قانوني (بحال بليد). تمّا كاتعطى للفرقة لوخرة إما ضربة غلط نيشان أولّا پيلانتي.

إلا كوايري من لفرقة لمهاجمة وقف فمسافة قلّ من ميترو على لحيط ديال 3 أولّا كتر ديال اللعّابة لمدافعين، كاتعطى ضربة غلط مانيشانش للفرقة لمدافعة.[3]

لغلاط اللي كاتعطى فيهومعدل

هادو هوما لغلاط اللي كايتعاقب عليهوم بضربة غلط فلقواعد د اللعبة. تقدر تعطى ضربة غلط غير فاش لكورة كاتكون ملعوبة أولا فلمعاودة د لقصارة.[6] إلا لغلط تدار فأي حالة خرة، لكوايري اللي دار لغلط كايتعاقب، ولاكين اللعب كايتعاود بنفس الطريقة كون ماطراش لغلط.[6]

ضربة غلط نيشان / پيلانتيعدل

  • كورة مقيوسة بليد (من غير لحارس وف لمينطاقة د پيلانتي ديالو)[7]
  • لكوايري اللي دار هاد لفعال ضد لعّاب من لفرقة لوخرة وعتابرهوم لحكم مهوّرين، معيّقين أولّا مجهدين:[7]
    • النقيز على
    • الركيل أولّا لمحاولات د الركيل
    • الدفيع
    • الضريب أوّلا لمحاولات د الضريب
    • التعكال
    • لغفيل أولّا لمحاولات د لغفيل
  • الشدّان ديال كوايري آخور[8]
  • لحبيس ديال كوايري آخور بلقيوس[8]
  • لعضّان أولّا الدفيل على واحد آخور[8]
  • لملاوحة ديال شي حاجة على لكورة أولا لكوايرية أولّا لحكم ديال لماطش، أولا لقيسان ديال لكورة بشي حاجة فليد[8]
  • أي تعدّو ولكورة ملعوبة على كوايري من لفرقة، كوايري بديل داخل أوّلا خارج، كوايري مترّي عليه، مسؤول ديال لفرقة أولّا حكم ديال لماطش[9]
  • كوايري اللي خاصو ليدن ديال لحكم باش يعاود يدخل للتيران، أولا كوايري بديل داخل أوّلا خارج، كوايري مترّي عليه، مسؤول ديال لفرقة أولّا حكم ديال لفرقة دار وحدة من هادو:
    • يدخل للتيران بلا ليدن د لحكم، ويقطع اللعب[10]
    • داخل للتيران بلا ليدن د لحكم، ولفرقة ديال داك اللي دخل ماركاو بيت (لبيت كايتحيّد)[11]
    • كايشيّر شي حاجة للتيران، وديك لحاجة كاتقطع اللعب، كوايري من لفرقة لخرة أولّا حكم.[12]

ضربة غلط مانيشانشعدل

  • تسلول[13]
  • حارس شد كورة فلمينطاقة د پيلانتيات بطريقة ماتابعاش لقواعد[14]
  • لحبيس ديال حارس باش مايطلقش كورة من يدّيه[14]
  • الركيل (أولّا لمحاولات د الركيل) تاع كورة ولحارس عاد غايطلقها[14]
  • اللعب بطريقة خطيرة (بلا غلط خايب)[14]
  • لحبيس ديال كوايري آخور بلا مايتقاس[14]
  • مناݣرة على شي قرار[14]
  • هضرة أولا مشايرات وحركات خايبين[14]
  • أي تعدّو آخور باللسان[14]
  • إلا كان لكوايري ديجا معاقب على غلط خايب، سلوك معادي أولا غلط محدّر منّو جوج مرّات، وزايد فيه كايتحدا كوايري آخور ولحكم عاطي للاخور "لأولوية فلقصارة" (من غير إلا تدار غلط خايب قبل)[15]
  • غلط برّا التيران ديال كوايري على كوايري ، كوايري بديل داخل أوّلا خارج، كوايري مترّي عليه أولّا مسؤول من نفس لفرقة[9]
  • كوايري لاعب بدية بالصفارة، ضربة غلط، پيلانتي، توش، ضربة مرمى أولّا ركنية وقاس لكورة مرّة تانية قبل مايقيسها كوايري آخور (من غير إلا تقاست لمرّة التانية بليدين تمّا كاتعطى ضربة غلط نيشان / پيلانتي)[16]
  • إلا كاتطرى ضربة حرّة، ولعّاب مهاجيم مادايرش مسافة ديال ميترو على حيط دايرينو تلاتة أوّلا كتر ديال لكوايرية لمدافعين[17]
  • پيلانتي تّيرات بلعكس[18]
  • لكوايري مول پيلانتي كايدير لقوالب من مورا ما كولشي واجد[19]
  • لعّاب من نفس لفرقة هو اللي تيرا پيلانتي[18]
  • فپيلانتي، فاش لكوايري مولاها ولحارس كايديرو غلط بجوج فنفس لوقت، وتماركا بيت، (لبيت كايتلغا وضربة غلط مانيشانش كاتعطى للفرقة لمدافعة)[19]
  • فپيلانتي، فاش كوايري مهاجم كايتعدى لخط ولبيت ماتماركاش[18]
  • فتوش، كوايري آخور كايتعاكس أولّا كايحبس اللعاب مول التوش، أولّا قريب جوج ميترو على لبلاصة فين غايتقصّر التوش، واللعب وقف فاش تنفّدات التوش[20]
  • لكوايري اللي خاصو ليدن من لحكم باش يدخل، وكايدخل بلا بيه وماكايقطعش اللعب، ولحكم كايوقّف اللعب باش يتعامل معا لغلط[10]
  • آي غلط آخور اللي فيه لحكم كايقف اللعب باش يعطي كارطة صفرة أولّا يصيفت شي كوايري بحمرة.[14]

عيون لكلامعدل

  1. ^ "Laws of the Game 2019/20" (PDF). ص. 70.
  2. ^ "Introduction to Youth Soccer" (PDF). kickit. تطّالع عليه ب تاريخ 6 يوليوز 2020.
  3. ^ a b "Laws of the Game 2019/20" (PDF). ص. 88.
  4. ^ "Laws of the Game 2019/20" (PDF). ص. 123.
  5. ^ a b LAW 13 – FREE KICKS – The direct free kick -FIFA.com
  6. ^ a b Laws of the Game 2019/20, passim; see esp. p. 103
  7. ^ a b Laws of the Game 2019/20, p. 103
  8. ^ a b c d Laws of the Game 2019/20, p. 104
  9. ^ a b Laws of the Game 2019/20, p. 114
  10. ^ a b Laws of the Game 2019/20, p. 53
  11. ^ Laws of the Game 2019/20, p. 54
  12. ^ Laws of the Game 2019/20, p. 115
  13. ^ Laws of the Game 2019/20, p. 101
  14. ^ a b c d e f g h i Laws of the Game 2019/20, p. 105
  15. ^ Laws of the Game 2019/20, p. 108
  16. ^ Laws of the Game 2019/20, pp. 88, 119, 123, 128, 131, 135
  17. ^ Laws of the Game 2019/20, p. 119
  18. ^ a b c Laws of the Game 2019/20, p. 122
  19. ^ a b Laws of the Game 2019/20, p. 123
  20. ^ Laws of the Game 2019/20, p. 128
  تقدر تزيد شوف بزاف د صور و معلومات ديال Free kick ف ويكيميديا كومنز.
  تقدر تزيد شوف بزاف د صور و معلومات ديال Free kick ف ويكيميديا كومنز.