حكم (كورة)

لحكم أولّا لاربيط (بالنݣليزية: Referee) فالرياضة ديال كورة هو اللي كايتحكّم وكايفرض لقواعد د اللعبة فلماطش. لحكم هو اللي عندو لكلمة اللخرة فأي قرار متعلّق بلماطش، وهو اللي عندو لحق يبدا ويوقّف لماطش ويعاقب لكوايرية ولمدرّيبين.

حكمة فوسط ماطش ديال كورة

فلمنافسات لكبار (بوطولات وكيسان) لحكم كايكونو معاه جوج حكام معاونين اللي كاينصحوه فقرارات متعلقين بإلا خرجات لكورة من خطوط التوش ولݣول وأي غلط فلقواعد د اللعبة تدار وماشافوش. لقرار اللخر كايكون ديال لحكم، واللي عندو لحق يفوت عليه النصيحة ديال لحكم لمعاون. فلميطشان لكبار كايكون حتى لحكم الرابع اللي كايعس على لمناطق التقنية ديال لفراقي وكايعاون لحكم فلمهام دلإدارة، أولّا فلميطشان ولبوطولات اللي عاليين بزاف كايكونو حكام زايدين و/أولّا حكّام معاونين بلڤيديو. لحكم ولحكّام لخرين كاترخص ليهوم وكاتدرّبهوم لجاميعة لوطنية ديالهوم.

السلطة ولواجيباتعدل

 
لحكم كايهز معاه جوج كارطات: الصفرة باش يحدّر لكوايري من لغلط اللي دار ولحمرة باش يجري عليه إلا عاود دار شي غلط.

السلطة اللي عند لحكم ولواجبات اللي خاصّو يدير كاينين فلقانون 5 ديال لقواعد د اللعبة.

السلطةعدل

  • يوقّف، يحبس أولّا يكمّل لماطش إلا كان أي خرق فلقواعد د اللعبة؛
  • يوقّف لماطش إلا بان ليه باللي شي كوايري واكل الدق مزيان وخاصّو يخرج من التيران. لكوايري ماعندو لحق يرجع للتيران حتى تعاود لبدية داللعب؛
  • يخلّي لكورة تّلعب حتى تخرج باللي لكوايري اللي طايح ماكلاش شي دقّة نيت؛
  • يخلي اللعب يكمل إلا بانت ليه فيها لمزيان للفرقة اللي طرا عليها غلط من لفرقة لوخرة، ويعطي عقوبة على لغلط إلا هاد "لأولوية فلقصارة" ماقضاتش لغرض؛
  • يّاخد قرارات دالتربية اللي فيها صفرة أولّا حمرة. ماشي مفروض على لحكم يعطيها فديك الساع، ولاكين خاص يعطيها فوقاش مّاخرجات لكورة؛
  • ياخد قرارات د التربية على لمدريبين ولمسؤولين دلفراقي إلا ماتحكّموش فراسهوم، أولّا منين يشوف لحالة مناسبة يترّي عليهوم من التيران وبرّا ديال الصطاد ݣاع.

لواجيباتعدل

 
حكم فماطش ديال كاس لعالم
  • يفرض لقواعد د اللعبة؛
  • يتحكّم فلماطش معا لحكّام لمعاونين و، إلا كان مومكين، معا لحكم الرابع ولحكّام لوخرين؛
  • يتأكد باللي لبالون اللي كايتقصّر بيه جايّة معا لحكام د لقانون 2؛
  • يتأكد باللي لكيطمة اللي لابسين اللعّابة جايّة معا لحكام د لقانون 4؛
  • يشد لوقت ديال لماطش ويقيّد اللي طرا فيه؛
  • يتأكد باللي أي كوايري مجروح وفيه الدم يخرج من التيران. لكوايري يقدر يرجع إلا خدا ليشارة من عند لحكم، واللي خاصو يتأكد باللي الدم مابقاش كايسيل؛
  • يعاقب على لغلط لخايب إلا شي كوايري دار بزاف دلغلاط دقّة وحدة؛
  • يتحرّك على النصيحة ديال لحكّام لمعاونين على لحوايج اللي ماشافهومش؛
  • يضمن باللي حتى شي واحد ماعندوش ليدن يدخل للتيران؛
  • ينتع للمعاودة د اللعب من مورا ماكان واقف؛
  • يعطي التقرير للمنضّمات اللي كاتسيّر لماطش، واللي فيه أي قرار دالتربية خداه فحق أي كوايري، مسؤول د لفرقة، كوايري بديل، أولا أي حاجة طرات قبل، فلقصارة ومورا لماطش.

التنضيمعدل

لحكّام ولحكّام لمعاونين كايتسيّر الشغل ديالهوم فلمستوى د لبلاد. لفيفا كاتفرض على لجامعات دلبلاد د كورة يكون عندها لجنة ديال التحكيم فيها حكّام قدام، واللي كاتكون عندها سلطة على التحكيم د كورة فلبلاد.[1] لفيفا كاتفرض على لحكّام يدوزو متيحانات باش يبينو جهد كافي عندهوم، ويبيّنو باللي عارفين لقواعد د اللعبة، ويدوزو على راسهوم عند الطبيب لختيصاصي كولّا عام.[1] لحكّام خاص تكون عندهوم تجريبة كبيرة باش يحكمو فلميطشان لكبار (بحال لقسام اللولين ديال لبوطولات). الليستة ديال لفيفا تاع لحكّام الدولين ماكايدخل ليها غير لحكّام لواعرين، اللي كايولّي عندهوم لحق يحكمو فلميطشان الدوليين.

لكيطمةعدل

عيون لكلامعدل

  1. ^ a b "Regulations on the organisation of refereeing in FIFA Member Associations, section 10" (PDF). تطّالع عليه ب تاريخ 19 ماي 2021.
  تقدر تزيد شوف بزاف د صور و معلومات ديال Association football referees ف ويكيميديا كومنز.
  تقدر تزيد شوف بزاف د صور و معلومات ديال Association football referees ف ويكيميديا كومنز.