بدية بالصفارة (كورة)

لبدية بالصفارة هي طريقة ديال لبدية و فبعض لحالات، لمعاودة داللعب فماطش فالرياضة د كورة. لقانون 8 اللي كاين فلقواعد د اللعبة كايتحكّم فلبدية بالصفارة.^[1]

لمن كاتعطى بدل

كوايرية من نفس لفرقة كايوجّدو للبدية بالصفارة.

كايبدا كولا شوط فلماطش بالصفارة ديال لحكم، وفكولا بدية ديال لميطات الزايدين إلا كانو. لفرقة اللي جات فيها لقرعة بالريالة كاتختار إما:

يبداو لماطش (لفرقة لوخرة كاتختار نص التيران ديالها فالشوط اللول)؛ أولّا
يختارو نص التيران اللي عاجبهوم (لفرقة لوخرة هوما اللي كايبداو لماطش).

لفرقة اللي ماجاتش فيها لقرعة بالريالة هوما اللي كايبداو اللعب فالشوط التاني. إلا داز لماطش للميطات الزايدين، كاتدار قرعة خرة فلبدية.

كاتخدّم لبدية بالصفارة حتى من مورا فاش كايتماركا بيت. لفرقة اللي تماركا عليها داك لبيت هي اللي كاتعاود اللعب.

الطريقة بدل

لبالون خاص يكون واقف فالنوقطة د وسط التيران. ݣاع لكوايرية من غير داك اللي غايتيريه خاص يكونو واقفين فنص التيران ديالهوم، وݣاع لكوايرية ديال لفرقة لوخرة خاص يوقفو بعاد ب 9.15 ميترو على لكورة (لمسافة ف التيران محددّاها الدويرة د نص التيران)، هادشي كامل حتى تولّي لكورة ملعوبة.

غير يصفر لحكم، لكوايري يقدر يشير لكورة فين ما بغا. كاتكون لكورة ملعوبة فاش كاتكون تّيرات وكاتبان كاتحرّك. لكوايري اللي تيرا لكورة ماعندوش لحق يقيس لكورة حتى يقيسها شي كوايري آخور.

يقدر لكوايري يماركي بيت على لفرقة لخرة من لبدية بالصفارة.^[2] مايمكنش يطرى بيت على نفس لفرقة، إلا شي كوايري ماركا على راسو من لبدية بالصفارة، كاتعطى ركنية للفرقة لوخرة.

لغلاط بدل

كاتعاود لبدية بالصفارة إلا تدارت بكورة كاتحرّك أولّا من بلاصة ماشي هي هاديك. كاتعاود هاد لبدية إلا كوايري آخور من غير داك اللي غايتيري كاين فنص تيران لفرقة لوخرة، أولّا كوايري من لفرقة لوخرة ماحتارمش لبعد على النوقطة د وسط التيران. أي كوايري كايعطّل اللعب كاتعطاه صفرة.^[3]

إلا لكوايري اللي تيرا لكورة قاسها مرّة خرة قبل مايقيسها شي كوايري آخور، كاتعطى للفرقة لوخرة ضربة غلط مانيشانش من لبلاصة اللي طرا منها لغلط، من غير إلا لمرة التانية كانت قيسة بليد، ديك الساعات لغلط كايتعطى عليه ضربة غلط نيشان للفرقة لوخرة.

عيون لكلام بدل

^ IFAB (1 يونيو 2018). "Laws of the Game 2018/19 - Law 8 - The Start and Restart of Play - 1. Kick-off". theifab.com. Zurich: International Football Association Board. مأرشيڤي من لأصل ف 2021-03-02. تطّالع عليه ب تاريخ 10 أكتوبر 2018.
^ "The IFAB Laws of the Game, Law 8". مأرشيڤي من لأصل ف 2023-10-10. تطّالع عليه ب تاريخ 2021-09-03.
^ "Laws of the Game 2019/20" (PDF). ص. 110. مأرشيڤي (PDF) من لأصل ف 2022-11-13. تطّالع عليه ب تاريخ 2020-02-09.

تقدر تزيد شوف بزاف د تّصاور و لمعلومات ديال Kick-off (association football) ف ويكيميديا كومنز.

[law-kick-off-1] IFAB (1 يونيو 2018). "Laws of the Game 2018/19 - Law 8 - The Start and Restart of Play - 1. Kick-off". theifab.com. Zurich: International Football Association Board. مأرشيڤي من لأصل ف 2021-03-02. تطّالع عليه ب تاريخ 10 أكتوبر 2018.

[2] "The IFAB Laws of the Game, Law 8". مأرشيڤي من لأصل ف 2023-10-10. تطّالع عليه ب تاريخ 2021-09-03.

[3] "Laws of the Game 2019/20" (PDF). ص. 110. مأرشيڤي (PDF) من لأصل ف 2022-11-13. تطّالع عليه ب تاريخ 2020-02-09.

[1]

[2]

[3]