ويكيپيديا:كناش لكلمات الجداد

هادي صفحة ديال لْحكام د لموسوعة. هاد صّفحة محمية و مايمكنش يبدل فيها غير مستخدم أمغار. يلا بغيتي تقتارح شي كلمة جديدة، حلّ شي حلقة د نّيقاش ف ميزان لكلام ولا حلّ شي حلقة ف صّفحة د إمغارن. حاول تقرا مزيان لّحكام د لّوغة ف لموسوعة قبل ما تقتارح شي موضوع ل نّيقاش.

تعليمات ل إمغارن لّي كايوتّقو زّيادات ف هاد صّفحة:

• كل كلمة خاصّها تّسجل على حساب آخر صيغة سالات بيها لحلقة ف ميزان لكلام.
• لكلمات خاصذهوم يكونو منضّمين، على قدر لإمكان، و على حساب لعدد ديالهوم ف فقرات موضوعاتية (على حساب تّصنيف لفوقاني، يلا كانو قلال، ويلا بداو يكترو، يتفرّقو على تّصنيفات لفرعية).
• كل كلمة خاصّ تكون عندها دخلة على حساب لحقول د لجدول:
  • لكلمة: ب شّكل لمفرد ديالها بلا تعريف، ب لّيان ديالها يلا كانت لمقالة ديالها كاينة.
  • تعريف: يكون مختاصر بزّاف.
  • لمقابلات ديالها: باش يسهال تتّفهم ب زّربة، (حبّدا يتزادو ليانات د لمقالات ديالهوم).
  • إيتيمولوجي: لأصل د كيفاش تّبنات لكلمة و تمّا يتزاد لّيان د حلقة نّيقاش لّي خرجات منّها لكلمة.
  • نّوع ديالها: يعني واش سمية ولا فيعل ولا مصدر (نواع خرين يمكن يتزادو على حساب لحاجة و لغرق د تّفاصيل لّي بغينا).
  • مرادفات ديالها: كلمات خرين (يلا كانو) ب دّاريجة كايعنيو نفس لحاجة. هنا خاصّ لأمغار أن دوك لمرادفات تّاهوما كاينين دّخلات ديالهوم ف ويكيقاموس.
  • تّفاصيل لّغوية: يعني واش كلمة دكر ولا نتوة، كيفاش كايكون لجمع ديالها و كيفاش شكل د لكتبة ديالها يمكن يتحول (ف نّيسبة متلا).
  • دّخلة ديالها ف ويكيقاموس: لّيان د صّفحة ديالها ف ويكيقاموس (على قدر لإمكان).

تصنيف: XXXXX

لكلمة	تعريف مختاصر	لمقابلات ديالها (عربية - فرنسية - إنجليزية)	تأثيل - إيتيمولوجي (و معاه لّيان د حلقة نّيقاش)	نّوع ديالها سمية - فيعل - مصدر	مرادفات ديالها	تفاصيل لغوية (جنس - لجمع ديالها)	دّخلة ديالها ف ويكيقاموس
قنالة	قناة كتدوّز لما	قنال - canal - channel	تدريج ديال canal، ديجا معربة علا شكل قنال، مي جاني حسن ندرّجوها ل قنالة ماشي قنال	سمية		نتوية - جمع: قنالات	Wt/ary/قنالة
ضومين	1- بلاصة مكانية ؤلا مجازية فين كتطرا ؤلا تقدر تطرا شي حاجة ؤلا ف لملكية ديال شي حد .. 2- مجال ديال لخدمة ؤلا تّخصوص .. 3- (بيولوجيا) مجال عام ديال لحياة كيمتل لختيلافات علا مستوى لبنية د لخلية. كاينين تلاتة ديال ضّومينات د لحياة: أركيا، بكتيريا ؤ أوكاريا .. 4- (أنترنيت) بلاصة ڤيرتوالية ف لأنترنيت كيكون عندها ستيقلالية ؤ سلطة داتية علا راسها، ؤ كتكون معلّمة ب سميّة د ضّومين	مجال/نطاق - domaine - domain	تدريج ديال domaine، خديت لكلمة باش تبقا قريبة ل نّڭليزية ب عتيبار لستيعمال ديالها ف صّيونص	سمية	مجال (2)	دكرية - جمع: ضومينات	Wt/ary/ضومين
فيلوم	تقسيم بيولوجي طاكسونومي علا حساب لأصل تّطوري ديال لكائنات ؤلا لبنية ديالها (ف لحالة د لكائنات لقديمة لّي ماعندناش لحمض نّووي ديالها).	شعبة - Embranchement - phylum	تدريج ديال phylum، خديت لكلمة باش تبقا قريبة ل نّڭليزية ب عتيبار لستيعمال ديالها ف صّيونص	سمية		دكرية - جمع: فيلومات	Wt/ary/فيلوم
كلاص	1- قاعة ؤلا صال ف لمدراسة فين كيقراو تّلامد .. 2- لموضع فين جا شي واحد ؤلا جات شي حاجة ب لمقارنة معا شي وحدين ؤلا شي حوايج خرين، روتبة .. 3- (بيولوجيا) تقسيم طاكسونومي عندو علاقة معا مستوى تّعقيد ؤ لأعضاء دّخلانية د لكسدة د لكائن	طائفة - classe - class	تدريج ديال class، خديت لكلمة باش تبقا قريبة ل نّڭليزية ب عتيبار لستيعمال ديالها ف صّيونص	سمية		نتوية - جمع: كلاصات	Wt/ary/كلاص
تنضيمة	(صيونص) تقسيم بيولوجي طاكسونومي كيجمع فاميلات د لكائنات عندها خاصيات متشابهة	رتبة - ordre - order	خديتها من نيضام، تنضيم	سمية		نتوية - جمع: تنضيمات	Wt/ary/تنضيمة
تنيضيمة	(بيولوجيا) تقسيم ديال لكائنات تحت من تّنضيمة، كيتستعمل عادة يلا كان عدد لفاميلات كبير باش يزيد يسهل تّمييز بيناتها	رتيبة - sous-ordre - suborder	تصغير ديال تنضيمة	سمية		نتوية - جمع: تنيضيمات	Wt/ary/تنيضيمة
تقسيمة	(بيولوجيا) هوّا ݣروپ مونوفيلي كيجمع فاميلات ؤلا نواع عندها نفس لجد تّطوري	فرع حيوي - clade- clade	جبتها من تقسيم	سمية		نتوية - جمع: تقسيمات	Wt/ary/تقسيمة
قلدة	ف الصيونص و الطيكنولوجيا	بِنية - structure	مخدمة بشكل متداول ب معنى قريب، متلا "الشكل" ؤلا "لفورما"	سمية		نتوية - جمع: قلدات