ݣابرييل بن سمحون
ݣابرييل ؤلا جبريل بن سمحون (مزيود ف 3 ماي 1938 ف صفرو) هوّا أكاديمي ؤ مونتيج د لأفلام ؤ كاتب روائي ؤ مسراحي إسرائيلي من أصل مغريبي.[1] بن سمحون هاجر معا فاميلتو ل إسرائيل فاش كان عندو 9 سنين. بعض لأعمال لأدابية ؤ لمسراحية ديالو فيها تأتير ديال تّقافة لمغريبية، ؤ كيهضر فيها على لهجرة د ليهود لمغاربا ل إسرائيل.[2]
ݣابرييل بن سمحون
| ||
| معلومات عامة | ||
| زيادة | 3 ماي 1938 (85 عام) صفرو | |
| لجنسية | إسرائيل لمغريب | |
| لحرفة | كاتب | |
| لّوغات لي كيعرف | لعبرية | |
| سّيت رّسمي | https://gabrielbensimhon.com/ | |
| لجوايز | ||
 
| ||
حياتو بدل
جدّ ݣابرييل بن سمحون، رافاييل يعقوب بنسمحون، كان حاخام ؤ دايان (قاضي يهودي) ف فاس ؤ ألف كتوبا على لقانون ليهودي.[3][4] بّاه داود بنسمحون كان خدّام نجّار، ؤ مّو رينا بنسمحون ألّفات كتاب على لكوزينة لمغريبية. لفاميلة هاجرات ل إسرائيل ف 1947 حارݣين، ؤ لباطو ديالهوم تشد من طاراف سّلطات لبريطانية ؤ بقاو مدة ف قبرص. موراها تسيفط جبريل بن سمحون على عمر د 10 سنين معا خوه صّغير ل إسرائيل، ؤ بقاو ف مؤسسة خاصة ب لأطفال حتا لتاحقو بيهوم واليديهوم. بّاه شارك ف لحرب د إسرائيل ف 1948، ؤ موراها ستاقرو ف مدينة حيفا.[4] كاينين بزاف د لأفراد ديال فاميلة بنسمحون لي باقين مدفونين ف لمقبارة ليهودية د فاس.[5]
من 1956 تال 1962 كان دار سّربيس لإجباري د لعسكر.[1]
بن سمحون دار لأداب ؤ دّراسات تّوراتية ف لجامعة لعبرية د لقدس، ؤ مشا موراها ل سوربون ف فرانسا فين خدا دوكتورا ف لمسرح ؤ صيناعة د لأفلام. كان ؤستاد ف شّعبة د لأفلام ؤ تّلفازة ؤ فنون لمسرح ف جامعة تل أبيب تال 2006. ؤ ؤستاد زاير ف عاداد د لجامعات ف لميريكان، بحال جامعة نيويورك، جامعة كاليفورنيا لوس أنجيليس، ؤ جامعة كورنيل.[2]
لباحت لمغريبي لعياشي لعدراوي طرجم جوج أعمال ديالو ل لعربية، ؤ علن بلي ف طور طرجامة واحد منهوم، "ماليك مغريبي"، ل دّاريجة.[6]
ݣابرييل بن سمحون مجوج ؤ عندو تلاتة د لولاد.[1]
لأعمال بدل
مسراحيات ؤ روايات بدل
- מלך מרוקאי: דרמה קבלית בשלוש מערכות [ماليك مغريبي: مسراحية من تلاتة د لݣزوات] (ب العبرية). 1980.
- ملِكٌ مغربي (ب لعربية). مطرجم من طاراف لعياشي لعدراوي. 2021. ص. 117. ASIN B094NF629F.
- פנטזיה מרוקאית [فانطازيا مغريبية] (ب العبرية). 2009.
- נערה בחולצה כחולה [لبنت مولات لّبسة زّرقا] (ب العبرية). 2013.
- המרוקאי האחרון [لمغريبي لّخر] (ب العبرية). 2016.
- المغربي الأخير: رواية (ب لعربية). مطرجم من طاراف لعياشي لعدراوي. 2020. ص. 249. ASIN B08R8RL262.
- כל אהבותי [ݣاع لحب ديالي] (ب العبرية). 2022. ص. 215. ردمك 979-8411134667.
كتوبا أكاديمية بدل
- A Woman with Three Breasts - Women in the Cinema of Federico Fellini (ب نڭليزية). 2017. ردمك 978-1520861005.
أفلام بدل
عيون لكلام بدل
- ^ a b c "Prof. Gabriel Ben-Simhon Emeritus" (ب نڭليزية). مأرشيڤي من لأصل ف 27 أكتوبر 2013.
- ^ a b "ݣابرييل بن سمحون" (ب نڭليزية). مأرشيڤي من لأصل ف 2023-03-31. تطّالع عليه ب تاريخ 2022-01-22.
- ^ "הרב רפאל יעקב בן סמחון" (PDF) (ب العبرية). مأرشيڤي (PDF) من لأصل ف 2023-06-19. تطّالع عليه ب تاريخ 2022-01-22.
- ^ a b "ביוגרפיה" (ب العبرية).
- ^ "Cimetière Israelite de Fes" (ب لفرانساوية). مأرشيڤي من لأصل ف 2023-06-05. تطّالع عليه ب تاريخ 2022-01-22.
- ^ "لأول مرة… "ملك مغربي" مسرحية عبرية بالدارجة" (ب لعربية). 24 غشت 2021. مأرشيڤي من لأصل ف 2022-01-24. تطّالع عليه ب تاريخ 2022-01-22.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |