مولاي أحمد لوكيلي
مولاي أحمد لوكيلي
| ||
| معلومات عامة | ||
| زيادة | 1909 فاس | |
| لموت | 25 نونبر 1988 (78/79 عام) الرباط | |
| لجنسية | لمغريب | |
| لحرفة | فنان موسيقي | |
| لّوغات لي كيعرف | الداريجة لمغريبية و عربية | |
| لفاميلة | ||
| لولاد | رداد لوكيلي | |
مولاي أحمد لوكيلي (تولد ف فاس ف 1909 - مات ف الرباط ف 25 نونبر 1988) كان موسيقار مغريبي ديال لموسيقا لأندلسية، اللي كاتسمًا تا لموسيقا د لآلة. كان لوكيلي تيتسمًا بلعميد ديال موسيقا لآلة فلمغريب, حيث كان ضابطها مزيان وواعر فيها.[1]
حياتو
بدلتولد مولاي أحمد لوكيلي ف فاس ف 1909 وكبر فيها. قيدوه دارهم فلمسيد وحفظ لقرآن وتعلم يقرا ويكتب. موراها مشا يكمل قرايتو ف جامعة لقرويين، وتما فين بدا يتولع بالأندلسي وتعلمو من بزاف د الأساتدة. لوكيلي كانو عندو نشاطات مع الوطنيين بحال علال لفاسي ومحمد بلحسن لوزاني، وداكشي دارلو مشاكيل مع لاستعمار. خرج لوكيلي من فاس ف 1937 ومشا لطنجة، وبغا ينسا لفن ومشا حل حانوت د لبيع و الشرا يعيش بيه. ولكن بزاف د الناس فطنجة عرفوه مجهد فلأندلوسي وبقاو عليه حتا قنعوه باش يرجع للفن. ف 1940، غادي يأسس لجمعة د "إخوان لفن" ف طنجة، وغايكون هو الرئيس ديالها.[2]
مورا ما مات محمد البريهي (1945) والمطيري (1946) غادي يرجع الوكيلي لفاس وغادي يأسس لجوق لأندلسي د فاس ف 1947 اللي غايكون هو الرئيس ديالو.
ف 1952، ولاً هو الرئيس د لوركيسطرا د لإذاعة لوطنية ف الرباط، وبقا قابط ديك لخدمة تا مات ف 1988.
عيون لكلام
بدل- ^ "مولاي أحمد الوكيلي - عميد الموسيقى الأندلسية المغربية". مأرشيڤي من لأصل ف 2022-06-25. تطّالع عليه ب تاريخ 2020-03-05.
- ^ "لعيشة ديال مولاي أحمد الوكيلي". مأرشيڤي من لأصل ف 2020-09-19. تطّالع عليه ب تاريخ 2020-03-05.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |