OussamaOuh

سلام سّي أسامة. شكرا علا لخدمة لّي كدّير ف داكشي ديال طّب. ب نّسبة ل تّبديل ديالك ف باب طّب، ماشي ضروري تزيد لارتيكلات كاملين ديال طّب تماك. بقا تزيد غير [تصنيف:طب] (ب جوج معقوفات من جوج جوايه) كيفما درت ديجا ف شي مقالات دياولك، ؤ دوك لارتيكلات كاملين غادي يبانو ف لپاج ديال تّصنيف ب شكل أتوماتيكي. لپاج ديال باب طّب حسن يكونو فيها غير لمواضيع رئيسية، ؤ إرشادات ل بنادم لّي باغي يعاون ف لمواضيع لّي داخلين ف هاد لباب. حاليا خليت ل پاج كيفما هيّا، مي نتا شوف شنو هيّا لمواضيع لّي خاصها تبقا تماك. يلا بان ليك شي تصنيف خاصو يتزاد، زيدو، مي تيقن أنه ماكاينش ديجا (تقدر تدخل ل لپاج ديال تصنيف:طب باش تشوف تّصنيفات لفرعية لّي كاينين). كاين لپاج ديال ميزان لكلام فين كنقاشو لمسائل لوغوية، ؤ كاين لپاج ديال دّوزان باش تشوف صّلاحيات لّي كاينة. يلا خاصك شي حاجة كاينين إمغارن منهوم رضا، أناس ؤ أنا. @Anass Sedrati و Reda benkhadra:

-- Ideophagous (نقاش) 09:54، 16 مارس 2021 (+01)

جواب

هادا واجب وطني أخويا ideophagous، وشكرا ليك على هاد تعليمات . لمهم ماحد لارتيكلات قلال خليهوم فاش غانبقاو نزيدوهوم ديك الساع غادي نفرزو شكون فيهوم اللي يبقا فلباب و شنو اللي يتزاد واللي يتحيد، بالنسبة لميزان لكلام سمحو ليا حيت يالاه كتاشفتو. OussamaOuh (نقاش) 14:16، 16 مارس 2021 (+01)

لكتابة التحتانية وأشياء أخرى

تحياتي خاي @OussamaOuh: كانتمنى تكون بيخير، وشكرا ليك حيتاش كاتعاون ويكيپيديا الداريجة تكبر. لموهيم عافاك إلا كان مومكين مابقاش تكتب لكتابة التحتانية اللي كاتخدم فيها _متال حيتاش راه كاتخيب لمنضر ديال لمقالة ويقدر تدير موشكيل للبوتات تاوع الصيانة. بحال فلمقالة ديال ليونانية لمعنى ديال "لبالي" واضح مايحتاجش تفسير. إلا كان ضروري تفسر شي كلمة تقنية ولّا صعيبة بزاف تقدير جوج حوايج:

1. بغيتي تعاون الشرح بلمرادفات كتب مابين جوج قواس ()
2. بغيتي تشرح بحال الديكسيونير دير كيما كاتصاوب عيون لكلام (<ref>ميتال</ref>) وبلاصة ميتال كتب الشرح ديالك.

مرة خرة بقا تشرح عافاك غير لكلمات الصعاب بزاف ولّا الجداد اللي عندهوم علاقة بلعيلم.

هادي وحدة، تاني حاجة ماتخليش فراغ قبل لعلامات ديال الترقيم (النقطة، لفاصيلة، ستيفهام...) ولاكين خليه من بعدهوم. هادشي كايعطي منضر زوين للمقالة وكايحتارم لمعايير دلكتابة اللي متعارف عليهوم. شكرا ليك مرة خرة وعواشرك مبروكة.--سمير تامر (نقاش) 15:16، 22 يوليوز 2021 (+01)

آه وحاجة خرة، ماتحتاجش تدير تكبير أولّأ تغلاض أولا تكتب جوج نقاط فلعنوان. ولعنوان ماكانحطوش فيه لمصدر. تقدر تحط لمصدر فلجملة اللولة أولا اللخرة ديال لفقرة. وسمح ليا إلا برزطك.--سمير تامر (نقاش) 15:21، 22 يوليوز 2021 (+01)

مرحبا خاي @سمير تامر: و شكرا ليك بزاف على التعليمات دياولك OussamaOuh (نقاش) 15:57، 22 يوليوز 2021 (+01)

هانية خاي @OussamaOuh: وحنا هنا كاملين كانتعلّمو. واحد لحاجة زوينة بقا تديرها فلمقالات هي تبدا تكتب بالصيغة ديال لمبني للمجهول فوقاش مّا بغيتي تهضر على راسك أولّا مجموعة ديال الناس مامعروفينش بلجمع. أنورّيك كيفاش: فلمقالة ديال "باكتيرية" كنتي كتبتي: "اللي كايتعول عليهوم باش نقلعو الطاسيلة دلباكتيرية". لمخيرة هي إلا كتبتيها هكّا: "اللي كايتعول عليهوم باش تتقلّع الطاسيلة دلباكتيرية". هاد الستيل ديال لكتابة كايبان موسوعي كتر وماغايبانش بحال إلا غير ريّ وݣلتيه (شوف التغيير هنا). على أي شكرا ليك بزاف على لمجهود ديالك، ونهارك مبروك. --سمير تامر (نقاش) 18:19، 25 يوليوز 2021 (+01)

سينياتور

سلام خاي @OussamaOuh:. يلا بغيتي تسني شي تعليق، يكفي تزيد ~~~~، ف لّخر ديال تّعليق ديالك، ؤ غادي تزاد سميتك ؤ تّاريخ ؤ لوقت نيشان. -- Ideophagous (نقاش) 14:14، 23 يوليوز 2021 (+01)

و يلا ماعرفتيش كيفاش تزيدهوم، كليكي علا لبوطونة لي كاتكون بهاد شكل و هي غادي تزيد سنيا نيشان --Reda benkhadra (نقاش) 15:02، 23 يوليوز 2021 (+01)

شكرا ليكوم بزاف راه صدقات لياOussamaOuh (نقاش) 15:42، 23 يوليوز 2021 (+01)

زيادة د عيون لكلام ؤ تصنيفات

أهلا سي أسامة، ؤ شكرا بزاف علا لمقالات لي كاتزيد ؤ لي كاتخدم عليهوم، غير هو عندي شي مولاحضات لي غادي يفيدوك من هنا لقدام. أول حاجة، أي معلومة كانزيدوها خاص ضروري تكون معاها لعين ديالها (لمصدر لي كيهضر علا ديك لقضية)، بهاد لمانيرة كيولي لمشروع مقاد مزيان ؤ حتا لقاري كيمكنلو يتيق لخبار لي متكوب تما ؤ يتأكد منو ف لعيون؛ زيد عليها ف لمواضيع لعيلمية خاص ضروري يكونو لعيون، حيت أي حاجة مكتوبة خاص نعرفو شكون قالها ؤ كيفاش جات (خصوصا ملي كاتعطي توارخ ولا سميات د شي عولاما).

نقطة تانية هي زيادة د تصنيفات. تصنيف كيكون ف لخر د لمقال، ؤ هو لي كيجمع ڭاع لمقالات لي داخلين ف داك لموضوع (بحال متالان تصنيف:طب). ف لغالبية د لحالات كانزيدهوم أنا موراك، والاكين لازم عليك تبقا ديرهم ؤ يولي عندك ريفليكس ملي تبدا تخدم شي مقال ولا تطورو (يمكن ليك حتا تزيد تصنيف جديد يلا بانليك شي واحد ناقص).

شكرا ليك، ؤ تهلا ف راسك، --Reda benkhadra (نقاش) 23:25، 27 يوليوز 2021 (+01)

شكرا ليك بزاف سي @Reda benkhadra: على تعليمات ديالك -- OussamaOuh (نقاش) 15:52، 28 يوليوز 2021 (+01)

جتيماع ليوم

سلام خاي @OussamaOuh:. كاين ليوم ف لعشية جتيماع معا دّراري علا سّطراتيجية د ويكيپيديا ب دّاريجة يلا بغيتي تحضر ليه. --Ideophagous (نقاش) 08:18، 2 أكتوبر 2021 (+01)

سلام خاي @Ideophagous: راه يالاه قريت لميساج ديالك، واخا هادشي دابا غايكون فات والايني فين كايكون هاد التجماع ديال ويكي؟ -- OussamaOuh (نقاش) 23:54، 11 أكتوبر 2021 (+01)

سلام خاي @OussamaOuh:. لجتيماع داز ديجا. تقدر تشوف لاجوندا هنا. غادي يخصك واقيلا تصيفط ليا طلب ل لإيميل باش تقدر تحل لفيشي. كاينين پاجات زدناهوم نيت مؤخرا باش نطبقو داكشي لي تّافقنا عليه، ؤ كاينين حوايج باقين ماطّبقوش. شوف لأهداف ؤ لمداكرة ديالها، كيفاش كانكتبو، ؤ طّرجامة د لانطيرفاص. --Ideophagous (نقاش) 06:32، 12 أكتوبر 2021 (+01)

مسابقة ويكيپيديا لمغريب 2023

مرحبا! حالياً كاتّقام مسابقة ديال ويكيپيديا على ود تطوير لمحتوى لمغريبي ف ويكيپيديا ب الداريجة، بلإضافة ل ويكيپيديا لعربية و لأمازيغية. يلا كنتي مهتم(ة) تقدر(ي) تطّالع(ي) على التفاصيل و لقواعد د لمسابقة هنا، و ماتنسا(ي)ش تقيّد(ي) راسك ف هاد الصفحة، و تشوف(ي) لمواضيع لي يقدر يعجبك تكتب(ي) فيهوم هنا. يلا عند سؤال ؤلا ملاحضة، ماعليك غير تسوّل(ي) واحد من أعضاء لجنة التنضيم ؤلا التحكيم. تهلّا(ي)!--PGVBot (مداكرة) 10:01، 17 ماي 2023 (+01)

Invitation to Rejoin the Healthcare Translation Task Force

You have been a medical translators within Wikipedia. We have recently relaunched our efforts and invite you to join the new process. Let me know if you have questions. Best Doc James (talk · contribs · email) 12:34, 2 August 2023 (UTC)