ويكيپيديا:مسابقة ويكيپيديا المغريب

ترتيب د لمشاركين

التحديت اللخراني: 03 يوليوز 2023، 00:11

الترتيب لمشارك شحال د لمقالات مقدار لمساهمات (بايت) شحال د لمقالات بلا مشاكيل النقاطي
1 Arastalya 22 155108 18 314
2 مصطفى ملو 13 102319 13 275
3 Achraf112 4 46098 4 106
4 معاذ بنوزكري 7 39430 2 19
5 Mico2022 2 8089 1 17
6 Alitoar 3 8122 3 14
7 PediAki 2 2482 2 0
تعريف بمجموعة لخدايميا د ويكيميديا فلمغريب
مجموعة لخدايميا د ويكيميديا فلمغريب عتارفات بيها لجنة الجهات الشقيقة ديال مؤسسة ويكيميديا ف 6 أكتوبر 2015، بعد ما تأسسات المجموعة باش تمثل ويكيميديا فلمغريب. مجموعة لخدايميا د ويكيميديا فلمغريب كاتعاون بلأنشطة ديالها فنشر و تحسين لمعرفة و الثقافة الحرة، خاصة لمعرفة باللغات لي تايهضرو بيها لمغاربة على لمحتوى لمغربي. لهدف ديال لمجموعة هو توفير لمعاونة للمشاريع ديال ويكيميديا لي متعلقة بشكل مباشر ولا ماشي مباشر بلمغريب. و لويكيميديين لمغاربة لي تايساهمو فيها، و تاطمح باش تولي فلمستقبال لقريب فصل معتارف بيه من عند مؤسسة ويكيميديا فلمغريب.
المدة
25أبريل - 10 يونيو 2023
تعريف بلمُسابقة

جائزة ويكيپيديا المغريب هي جائزة كاتنظمها مجموعة لخدايميا د ويكيميديا فلمغريب، لهدف ديالها هو نغنيو و نطورو و نزيدو من لمعرفة على لمغريب فويكيپيديا بداريجة لمغربية. التسجيل فلمسابقة تايبدا من 25 أبريل 2023، تال 10 يونيو 2023، فوجه ڭاع الناس لي تايهضرو بداريجة، باستثناء الحالات لي موضحينها فشروط لمسابقة.

لوقت دلمُسابقة
  • غادي نظمو ورشة تعليمية للمشاركين و المشاركات لي محتاجين للتأطير و التدريب بخصوص لمساهمة فويكيپيديا، و باش نجاوبو عن الأسئلة ديالكم، فهاد الوقت من 00 : 15 تا ل 00 : 16 دلعشية، و هادشي كل سيمانة تا تسالي المسابقة على هاد رابط ديال ڭوڭل ميت: https://meet.google.com/ytr-bsnu-oxb
  • لمُسابقة غادي تكون ما بين 25 أبريل و 10 يونيو 2023.
  • لمسابقة تابعة للتوقيت لعالمي لمنسق (UTC).
  • لوقت ديال التحكيم غادي ياخد تال تلاتة ديال السيمانات بعد لمسالية ديال لمسابقة نهار 10 يونيو 2023 معا 59 : 11 دلعشية كآخر أجال.
شُّروط د لمُشاركة
  • يكون عند لمشارك كونط فويكيپيديا، ماكاتقبلش لمشاركة بعناوين لأيپي لمجهولة.
  • يمكن لخدايمي يشارك غير بحساب واحد، أيّ عملية د لغميق ولا تدليس كايتطرد مولاها ديريكت من لمسابقة.
  • يمكن لأي مشارك فلمسابقة يدير هاد لموضيل موضيل:خدايمي مشارك فمسابقة ويكيپيديا المغريب 2023 فصفحة لخدايمي ديالو.
  • اللجنة ديال لمسابقة ماتاضمنش يبقاو الصفحات لي داروهم لمشاركين، بسباب الطبيعة ديال ويكيپيديا لي كاتركز على تطوير لمحتوى و التدقيق ف لجودة و لملحوضية.
  • تايتحسبو غير لمُشاركات لي تقدمو من تاريخ التسجيل حتى لتاريخ لمسالية د لمُسابقة و هو نهار 10 يونيو 2023 معا 59 : 11 دلعشية كآخر أجال على حساب التوقيت لعالمي لمنسق.
  • الناس لي ربحو من لبلدان لي مذكورين لتحت، ماغاديش يتصافطو ليهم الجوائز ديالهم ديريكت للبلدان فين ساكنين: "إيران، كوريا الشمالية، سوريا، كوبا، العراق" حيت كاينين صعوبات قانونية، كيف ما يمكن لهاد الليستة تزيد يلى واجهونا أي صعوبات.
  • غادي يتحيد من المسابقة أي واحد ماحتارمش هاد الشروط.
الشروط دلمقالات
  • لهدف ديال المُسابقة هو إغناء لمحتوى لمغريبي على موسوعة ويكيپيديا ب الداريجة، سوا من ناحية لكتابة د لمقالات، ولا تطوير لمقالات لي ديجا موجودة. و هدشي غيكون بالترجمة ديال مقالات ويكيپيديا من اللغات لخرة، أولا من مصادر خارجية، و خاص المقالة تكون فيها ڭاع الشروط ديال لمقالة لموسوعية.

يمكنلك تختار لمقالة اللي بغيتي و توقع فالبلاصة اللي محددة فالصفحة لتحت، (ڤيديو تيوضح الطريقة ديال لمشاركة كاين لتحت)، بشرط متختارش كتر من 3 د لمقالات ف 24 ساعة. و متنساش تزيد سميتك حدا لمقالة لي بغيتي تكتبها ف الليستة باش ما يوقع حتى شي مشكل مع لخدايميا لاخرين.

  • تايتحسبو 5 ديال النقاطي لكل واحد خدم على وحدة من لمقالات لي مقتارحين.
  • لحد الأدنى ديال حجم لمساهمة اللي غتقبل هو 4000 بايت، و ماغاتّقبلش يلى كانت ناقصة على هاد الحد.

خاصك تتسجل ف لمسابقة قبل ما تبدا تتختار ف لمقالات.

  • خاص لمقالة تكون فيها جميع لعناصر ديال لمقالة بحال التصانيف اللي خصها تكون مناسبة للمقالة، و الليانات الدخلانية و صندوق لمعلومات و لبانضة د لقيساريات و التصاور (يلا كانت ضرورية) و ڭاع داكشي لي تيدخل فتنسيق لويكي.
  • ‏خاصك تراعي لداكشي للي غدي تزيد فالمقالة باش مايكونش غير حشو و صافي، بحال تزيد موضيلات خاويين ولا تعاود تكتب الجُمل بطريقتك ولا تزيد شي حوايج غير باش يتزاد حجم لمقالة.
  • ماغادي تقبل حتى شي مساهمة دارها شي خدايمي قبل لموعد ديال لمسابقة 25 أبريل 2023 على الساعة 11:59 فالعشية أولا منبعد ما تسالي 10 يونيو 2023 على الساعة 11:59.


التقييم ونظام النقاط

غادي نعتامدو على على نظام ديال التنقيط باش نّقطو المشاركات، و تا تقييم لمقالات اللي تتحقق الشروط لأولية من طرف لجنة تحكيم لمسابقة. غادي يتوزعو النقاطي بهاد الشكل:

  • غادي تعطى للمشارك 10 د النقاطي يلى كتب مقالة دار فيها مساهمات لمقدار ديالها 4000 بايت، ولكن بشرط تكون كاملة مكمولة و فيها ڭاع لعناصر د لمقالة لموسوعية.
  • ‏ غادي تعطى للمشارك 10 د النقاطي يلى طور مقالة و يكون لحجم ديال داكشي اللي زادو للمقالة 4000 بايت، ولكن بشرط تكون كاملة مكمولة و فيها ڭاع لعناصر د لمقالة لموسوعية.
  • لمساهمات لي مجموعها قلّ من 4000 بايت يعني مابين 0 و 3999 بايت) ماغادي تعطى ليها حتى نقطة (0 نقطة)
  • غادي تعطى 5 دنقاط زايدة لكل 4000 بايت تيزيدها لمشارك للمقالة اللي دارها و طورها، لكن بشرط متكونش غير زيادات وصافي فالمقالة، و ماتكونش مقالات مسترجعة ولا محيّدة.
  • ‏غادي تزاد للمشارك 5 د النقاطي يلى كتب مقالة من الليستات لي حنا قتارحناهوم.
  • غادي تعطى للمشارك 2 د النقاطي زايدة يلى زاد للمقالة 3 ديال لمصادر على لأقل تكون موتوقة و مستاقلة.
  • ‏غادي تعطى للمشارك نقطة زايدة (1 نقطة) يلى زاد تصويرة على لأقل أولا ڤيديو للمقالة.
  • غادي تعطى للمشارك نقطة إضافية (1 نقطة) يلى زاد موضيل Template للمقالة


الجوائز
  • لمرتبة اللولة: قسيمة د الشرا بقيمة 200 دولار.
  • لمرتبة التانية: قسيمة د الشرا بقيمة 150 دولار.
  • لمرتبة التالتة: قسيمة د الشرا بقيمة 100 دولار.


التسجيل ف لمسابقة (كاتعتابر مسجل ف لمسابقة بعدما تزيد سميت لخدايمي ديالك ف الطابلو لي فالرابط لي لتحت)
رابط التسجيل فالمسابقة
هنا

تفرج ف هاد لڤيديو باش تعرف كيفية لمشاركة ف لمسابقة

قوائم لمقالات لي مقتارحين (لمشاركة بمقالة من هاد الليستة لي مقتارحين تاضمن ليك 5 ديال النقط زايدة)
الليان ديال لحجز د لمقالات و الليستات ديال لمقالات لمقتارحين
هنا
الشركاء

| | | | | | | | | | | | | | | | | |