صورتي الشخصية

أنا منير ندي، أستاذ ديال لجتماعيات، على حساب لإحصائيات ديال 2014 لي دارتهم لمندوبية سامية لتخطيط ، كثر من 30 فالميا ديال لمغاربة تايعانيو من لأمية، هذا علاش أنا مهتم بتطوير المحتوى فويكيبيديا بالدارجة، حيت تا هاد ناس من حقهم يوصلو للمعلومة، مكتوبة كانت ولا مسموعة، باللغة لي تايفهموما لي هي الدارجة.

تانكتب فبزاف دلمواضيع، لكن تانكتب كثر فلجغرافيا والتاريخ ديال المغرب، أو تا فالتربية والتعليم.