لحروف د الداريجة

لحروف د دّاريجة هيا لحروف لّي كاتكتب بيها دّاريجة لي كاتكون عادتن هيّا نيت لحروف د لعربية، معا شي حروف زايدة، ف نّصوص ؤ تّوجيهات ؤ لإشهارات، ؤ شي مرات لحروف لّاتينية ؤ لأرقام بحال ف شّاط، ف لميساجات د تيليفون ؤ لجومال لقصيرة ؤ صّوشل ميديا. لكتابة د دّاريجة بشكل عام كاتعكس تّغيير لي حاصل ف لعقلية د لمغاربا توجاه دّاريجة لمغريبية ؤ دّور ديالها ف تّقافة ؤ لمجتمع.

حيت دّاريجة ماعندهاش معيار د لكتابة لي كولشي متافق عليه، ماكاينش تّيفاق كامل على لحروف د لكتابة، سوا من حيت نّوع (حرف لاتيني ؤلا عربي)، ؤلا تا لكتابة د أصوات محددين.

ف مصادر مختالفين

معجم الدارجة المغربية (بوسلام)

معجم الدارجة المغربية ديال محمد بوسلام

ف معجم الدارجة المغربية ديال محمد بوسلام هادو هوما لحروف لي تّعتامدو ف لكتابة ديال دّاريجة ب هاد تّرتيب: ا، أَ، آ، أُ، إِ، ب، بٍ (p)، ت، ث، ج، ح، خ، د، ذ، ر، ز، س، ش، ص، ض، ط، ظ، ع، غ، ف، فٍ (v)، ق، ك، كَ (g)، ل، م، ن، ه، و، ي.

النطقان د لحروف

نّوطق ديال لحروف كيقدر يختالف من منطقة ل خرة ف لمغريب، ؤ كيقدر يتشابه شوية معا داريجات ؤلا عاميات خرين بحال ديال دزاير. لقاف متلا كيتّنطق غالبا بحال لقاف لعربية ولاكين ف بعض لمناطق كيتنطق قاف ناشفة بحال لقاف لياماني و كاين اللي كينطقو بحال لهمزة كيما لمصريين و هادي لحالة ديال لفّاسا ولاكين كيتكتب -ق- ب طاريقة موحدة ؤ كولا واحد عندو لحق يقراه كي بغا.

لملاقية معا التعريف

لحروف شّمسية

•  مقالة متعمقة: لحروف شمسية

هيا لحروف لي فاش كاتكون ف لول ديال جّملة ف تّعريف كاتّنطق ب شّدة (ؤ تقدر تّزاد ليها "ال" ديال تّعريف بحال ف لعربية، علا حساب ليتيفاق لمعمول بيه) ؤ هيا نيت لحروف شّمسية ف لعربية ؤ كانزيدو حتا حرف جّيم.

لحروف لݣمرية

•  مقالة متعمقة: لحروف لݣمرية

لام تّعريف كاتنطق ف هاد لحروف بحال لݣاف ف لݣمرة.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.