قاسم لغزالي

قاسم لغزالي
معلومات عامة
زيادة	24 يونيو 1990 (34 عام) سيدي قاسم
لجنسية	لمغريب سويسرا
لحرفة	كاتب و صحافي
لّوغات لي كيعرف	عربية، الداريجة لمغريبية، لألمانية، نڭليزية و لفرانساوية
معلومات خرى
دين	إلحاد
لأعمال	(2013) الدار البيضاء - جنيف: الرحلة رقم 8J540
سّيت رّسمي	http://www.kacemelghazzali.com/

قاسم لغزالي (مزيود ف 24 يونيو 1990 ف سيدي قاسم) كاتب ؤ صحافي مغريبي عندو لجنسية د سويسرا، ؤ من لمغاربا لقلال لي علنو على لإلحاد ديالهوم. كيتّعتابر من بين لمودافعين على حقوق لإنسان، ؤ كتب بزاف على لحرية دّينية ف لبلدان لإسلامية ؤ لقضايا لمتعلقة بيها.

لمقالات ديالو تنشرو ف هافينطون پوسط، لوموند، نوير تسورشر تسايتونڭ، بازلر تسايتونڭ ؤ جورنالات خرين، ؤ تا ف سّيت ديال مؤسسة ريتشارد داوكينز. ف 2017، لغزالي خدا لجنسية سّويسرية، ؤ تّعتابر من بين 14 شخصية سويسرية لأكتر تأتيراً من طاراف جورنال بازلر تسايتونڭ Basler Zeitung. ف 2018، تّعتابر سّويسري د لعام من طاراف جورنال زونطاڭ تسايتونڭ من بين 30 شخصية، ؤ ف نفس لعام كان ف ليستة ديال مجلة "هو إز هو" Who is Who ديال 200 شخصية معروفة من زيوريخ.

حياتو

قاسم لغزالي تّولد ف فاميلة أمازيغية صوفية ف قرية حدا سيدي قاسم. جدو كان بنا جّامع د لقرية، ؤ بّاه لي كان خدام ضونتيست، كان باغيه يولّي إمام. تحوّل معا فاميلتو ل ليبيا ل سنوات ف طّفولة ديالو، قبل مايرجعو ل لمغريب مرة خرة. وخا صّوفية عندها تعاليم إسلامية روحانية كتر من ما هيّا دوڭماتية، لغزالي عتابر بلي دّين لي تربّا عليه كان متزمّت ؤ منغالق.

ف 2010، بدا كيكتب بلوڭ سميتو "بهموت" لي عبّر فيه على لأراء ديالو على دّين ؤ لمجتمع. لبلوڭ ولّا معروف ف لمنطقة د شمال إفريقيا ؤ شّرق لأوسط، ؤ تلّقا لغزالي بسبابو تهديدات ب لقتل، سيرتو حيت كان من نّاس لّولين ف لمغريب لي علنو على لإلحاد ديالهوم ف صّوشل ميديا. ب سباب هاد تّهديدات، ضطر باش يخرج من لقرية ديالو، سيرتو بعدما تطرد من لمدراسة ؤ تعرض ل عتيداءَات لفضية ؤ جسدية. ف 2011 حصل على لجوء إنساني ف سويسرا ؤ نتاقل تماك. بان ف بزاف د لموناسبات من بعد ف برامج ديال قنوات تلفازية باش يهضر على لحريّات دّينية ؤ لحقوق د لأقليات.

كتوبا

• الدار البيضاء - جنيف: الرحلة رقم 8J540 (ب لعربية). لقاهرة: مؤسسة شمس للنشر والإعلام. 2013. ص. 224. ردمك 978-977-4931-55-0.

لمزاود

• بلوڭ د بهموت ف لأرشيڤ (2011)

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.