عبد الله بن عيشة
عبد الله بن عيشة
| ||
| ||
| معلومات عامة | ||
| زيادة | 1646 لمغريب | |
| لموت | 1713 (66/67 عام) | |
| لجنسية | لمغريب | |
| لحرفة | لانڭويست و ديپلوماسي | |
| لّوغات لي كيعرف | عربية و لوغات أمازيغية | |
عبدالله بن عيشة ولا عبدالله بن عائشة، كان أميرال و قرصان و ديپلوماسي مغريبي.
كان سفير د لمغريب ف فرانصا ؤ نݣليز ف لقرن 17. عبدالله مشا ل فرانصا ف 11 نونبر 1698 باش يفاوض واحد تيفاقية.[1] كان كيهضر صبليونية ؤ نݣليزية ب طريقة مطلوقة والاكين لفرانصاوية لا.[1] سفارة ديالو جات من بعد لمجية د فرونصوا پيدو دو سان ؤلون ل لمغريب ف 1689.
بن عيشة طلاقا ب لوي ربعطاش ف 16 فبراير 1699.[1] ستقبلوه مزيان ف باريز ؤ تسارا بزاف د لبلايص.[1] كان طلاقا حتا ب لماليك نݣليزي لي حييدوه جيمس تاني، لي كان ف داك لوقت منفي ف فرانصا، لي كيبان بلي كان كيعرفو من يامات شباب فاش كان مشدود ف نݣليز.[1]
وحدا من لمهمات د بن عيشة كانت ياخد تيفاق بلي لبابورات لفرانصاويين مايشدوش لمسلمين، وحتا باش يرد لقراصنة لمغاربة لي فايت شدوهوم لبابورات د لفرانصاويين.[1] والاكين لوي ربعطاش ما أكدش بلي كاينة تيفاقية، وبلعكس بدا كيفوح ب سلطة ديالو علا سلطان لمغريبي.[1]
ملي بن عيشة رجع لمغريب، بقاو براوات كيتبادلو معا فرانصا، ؤ سلطان لمغريبي مولاي سماعيل قتارح يعاون جيمس تاني ب لعسكر باش يرجع ل لعرش د نݣليز، بشرط يولي مسلم ولا عل أقل يتحول ل پروطيستانتية.[1]
عيون لكلام
بدل هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |