عبد الرحمن بن هشام
عبد الرحمن بن هشام هو سلطان لي حكم المغريب ما بين 1822 و 1859. تولا الحكم من بعد لموت د عمو السلطان سليمان. العهد ديالو كان بدية د ضعف السلطة المركزية و دخول الدول لؤروپية ف شؤون د لمغريب.
عبد الرحمن بن هشام
| ||
| ||
| معلومات عامة | ||
| زيادة | 1779 فاس | |
| لموت | 28 غشت 1859 (79/80 عام) مكناس | |
| لجنسية | لمغريب | |
| لحرفة | سياسي | |
| لّوغات لي كيعرف | لعربية | |
| لفاميلة | ||
| لواليد | مولاي هشام | |
| لولاد | محمد الرابع | |
| لإتنية | عرب | |
حياتوعدل
عبد الرحمان تولد ف فاس عام 1778، لموافق ل 1204 هجرية.[1] و تولا الحكم مور عمو سليمان. عبد الرحمان بدا تيرجع العلاقة مع الدول لؤروپية من بعد ما كان قطعها عمو سليمان. حيت ماكانش قادر يفرض بزاف د الضرائب على القبايل. فكر باش يعمر خزينة الدولة من الضرائب على التجارة و من القرصنة. حيت حاول يرجع القرصنة د السفن لؤروپية ولاكين نّݣالزا و النمساويين هجمو علا لمراكز د هاد القرصنة فالمغريب. بحال تطوان و طنجة و سلا. أهم حدت و قع فالعهد د عبد الرحمان هو معركة إيسلي. فاش الفرنسيس دخلو الجزائر ف 1830 عبد الرحمان بدا تيعاون المقاومة د لأمير عبد القادر. بسباب هادشي لفرنسيس علنو الحرب علا لمغريب و قصفو طنجة و الصويرة و تفرضات على لمغريب معاهدة لالة مغنية لي سطرات الحدود بين المغرب و الجزاير قريب من واد ملوية و فرضات على لمغريب يقلص من الجيش على لحدود. عبد الرحمان واجه عدد كبير د التورات سيرتو بعد لالة مغنية و العهد ديالو كان بدية د ضعف السلطة المركزية و دخول الدول لؤروپية ف شؤون د لمغريب. توفا عبد الرحمان عام 1859 و ورت لعرش من بعدو ولدو محمد الرابع.
|
تقدر تزيد شوف بزاف د تّصاور و لمعلومات ديال Abd al-Rahman of Morocco ف ويكيميديا كومنز. |
عيون لكلامعدل
- ^ إتحاف أعلام الناس بجمال أخبار حاضرة مكناس ، ابن زيدان، مكتبة الثقافة الدينية، لݣزو لخامس، ص 7 مؤرشف 2019-12-16 فموقع وايباك ماشين
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |