عبد الجليل هدا

عبد الجليل هدا
معلومات عامة
زيادة	21 مارس 1972 (52 عام) مكناس
لجنسية	لمغريب
لحرفة	كوايري
لّوغات لي كيعرف	عربية و لوغات أمازيغية
لكاريير ديال الشخص
شارك ف	كأس العالم 1998 كأس الأمم الإفريقية 1998 كأس الأمم الإفريقية 2000 كأس الأمم الإفريقية 2002
رياضة
رياضة	كورة
پوسط	مهاجم
لجنسية رّياضية	لمغريب
لفراقي
أعوام	فرقة	ماتشات	بيوتا
1992–1996	لمكناسي		-
1996–1997	نادي الاتحاد		-
1997–1998	النادي الإفريقي		-
1998–2001	ريال سبورتينغ خيخون	35	(6)
2000–2000	← يوكوهاما إف مارينوس (إعارة )	0	(0)
2001–2002	النادي الإفريقي	20	(12)
2002–2003	المغرب الرياضي الفاسي		-
2003–2004	لمكناسي	5	(4)
لمونتخاب لوطني
1996–2002	لمنتخب لوطني لمغريبي د لكورة	41	(19)

عبد الجليل هدّا، وكان معروف ب سمية "كاماتشو" (خلاق ف مكناس ف 21 مارس 1972)، كوايري مغريبي و لعايبي دولي د لمونتاخاب كان كايلعب ف لپوسط د قلب هجوم. كاماتشو كان من أحسن لمهاجمين لمغاربة ف تّسعينات و ماركا جوج بيوتا ف كاس لعالم 98 ضد نّرويج و سكوتلاندا.

حياتو

عبد الجليل ولد مكناس وبدا لكورة ف لفراقي د لحومات. دخل للكوديم ف لفريق د شّبان و من بعد سلفوه عام ل إسمنت مكناس. من بعد ما رجع للكوديم داز نيشان ل سّينيور و تألق ف لقسم تاني ف لعام لّي رجعات فيه لكوديم ل لقسم لوطني لّول (1992-1993) و ف لعام لّي من بعد دّا لبوطولة د لمغريب مع لكوديم لّي كانت عندها فرقة كبيرة ب لعايبية كبار بحال: بيدان، بودومة، لمنطيح، ليوسفي و بلعمري و لخوت الغالي و جمال الدريدب. وتما شدات فيه لكنية ديال كاماتشو حيت ديك لفرقة تّاريخية ديال لكوديم كان لجمهور ديالها كايسمي لّعايبية بسميات لعايبية قدام د ريال مادريد بحال كاماتشو و بوطراݣينيو.

ف لعام لّي من بعد لعبو تشامپيونز ليݣ د إفريقيا كبيرة و تقصاو ب صعوبة ف ربع نّهاية ضد الزمالك المصري.

ف ديك لوقت كان بدا عبد الجليل كايفرض راسو ف لمونتاخاب و لعب أول ماتش ديالو ضد مصر ف 1995 و ف 1996 بدات لكاريير ديالو لحتيرافية، و لّي بداها ف الاتحاد السعودي، لّي جاور فيه أحمد البهجة و دارو بجوج موسم كبير ف السعودية، من بعد مشا لتونس ل لكلوب أفريكان لّي دار فيه موسم كبير (ماركا 39 بيت) و ما زال كايتعتابر من أحسن لّعايبية تسعود لّي لعبو ف تونس.

من بعد حتارف ف سپانيا ف سپورتينغ خيخون، لّي لعب معاهوم جوج مواسم و بان ب مستوى كبير. رجع من بعد لتونس، ل نّادي لإفريقي ل موسم واحد و سالا لكاريير ديالو ف لمغريب مع لماص و لكوديم.

مع لمونتاخاب، لعب كاماتشو 48 ماتش ماركا فيهوم 19 لبيت. أول بيت ديالو كان كونطر تونس ف 1996 و كايبقاو 2 بيوتا ديالو ف كاس لعالم 1998 من أهم لبيوتا ف لكاريير ديالو.