كوايري

لكوايري أولّا اللعّاب د كورة (بلعربية: لاعب كرة قدم، بالنݣليزية: association football player) هو بنادم اللي كايقصّر الرياضة ديال لكورة. كاينين تقديرات باللي كاينين شي 250 مليون واحد كايلعبو لكورة.[1]

كوايري كايجري فالتيران.

لكارييرعدل

لكوايري ولمدرّيب لفرانساوي جون پيير پاپان وصف لكورة باللي راها "لوغة كونية".[2] لكوايرية من لعالم كامل كاسجرّو معاهوم جمهور كبير ديال لمشجّيعين، ولكوايرية هوما سباب كبير فضواهير سوسيولوجية بحال "التقافة ديال لكورة".

لكوايرية كايبداو غاليبا هواة، ولواعرين فيهوم كايولّيو محتارفين. غاليبا كايبداو ففرقة محلّية ديال الشباب، ومن تمّا كايجيوهوم كونطرادات من عند لمدريبين إلا كانوا حرايفية فاللعب ديالهوم. من تما، شي وحدين كايولّيو يلعبو لكورة حسن، ووحجين خرين كايولّيو محتارفين وكايدوزو للفراقي لمحتارفة.

لخلصةعدل

 
لعيالات ف كورة ماكايتخلّصوش مزيان.

لخلصات ديال لكوايرية فشي بوطولات كبار كايفوتو دياول لموضّفين لكبار. شي كوايرية ف بوطولا 1 ديال 2016 وصلو حتال 40 ألف درهم فالشهر (480 ألف درهم فلعام).[3] واخا هكداك هادشي كايبقى قليل مقارنة بفراقي ديال لپريمر ليݣ فالنݣليز واللي وصلات فيها الشهرية ديال شي كوايرية ل83 ألف دولار (740 ألف درهم للشهر) أولّا مليون دولار (8.9 دلملايين ديال الدرهم) فلعام.[4] فلفراقي لكبار واللي لاباس عليهوم ديال ؤروپا، لخلصة ديال لكوايري تقدر توصل ل 6 حتال 8 دلمليون دولار (53 حتال 71 مليون درهم).[5] اللعابة لواعرين فهاد لفراقي كايشدّو حتال 70 مليون دولار (620 مليون درهم) فلعام.[6]

هاد لأرقام كاملين كايشدّوهوم غير كوايرية قلال. فالدوري د 2013 ديال لميريكان (اللي بدا ف 2009) لكوايرية شدّو معدّال ديال 148 ألف دولار (1.32 مليون درهم) فلعام، ولخلصات كانو مختالفين: لحرّاس شدّو 85 ألف دولار (762 ألف درهم) ولمهاجمين شدو 251 ألف دولار[7] (2.25 مليون درهم) فلعام.

الشهرة ولخلصة فلكورة ديال لعيالات كاتكون قّل بزّاف. متلا فالدوري ديال لميريكان د لعيالات (اللي بدا ف 2012) لكوايريات شدو فيناير 2017 مابين 15 ألف دولار (134 ألف درهم) و 40 ألف دولار (358 ألف درهم) فلعام.[8] فلمغريب، لعيالات كاتخلّصهوم لجاميعة لملكية ديال لكورة، ولخلصة ديالهوم فأول بوطولة حتيرافية وصلات ل 3500 درهم فالشهر، و ف لقيسم التاني لحتيرافي الشهرية كانت هي 2600 درهم.[9]

التقاعودعدل

لكوايرية اللي كايتقاعدو ويبقاو فلكورة قلال بزاف، وكايمشيو غاليبا للتدريب. ديراسة تدارت ف 1979 بيّنات باللي لكوايرية ديال لفراقي اللولين كايكونو ممّتّلين بالزايد فالشركات ديالهوم على اللعّابة دياول لفرقة التانية أولّا لكوايرية دليحتياط.[10] واخّا هكاك، لبعض من هاد لكوايرية كايمرضو بمرضات مزمنين.

التخصوصات ولمهاراتعدل

 
لحارس كايكون عندو تدريب خاص بيه من غير لكوايرية لوخرين فلفرقة.

فلكورة كاينين ربعة ديال التخصوصات: لحيراسة، الديفاع، لوسط ولهوجوم. كولّا تخصوص عندو لمهارات ديالو اللي خاص كولّا كوايري فداك لپوسط يكونو عندو:

  • لحرّاس: ردّان لبال، لهضرة معا الديفاع، الزعامة، التحكوم فلمينطاقة د پيلانتيات.[11]
  • الدفايعيّة: التعكال بلا غلاط، الطولة، الشجاعة فتحياد لكورة والتركيز، الزربة، الجهد، التوقّوع، ولهزّان د لمسؤولية ف لفرقة.[12][13]
  • لوسايطية: الجهد، التير لمݣاد، لمسؤولية فلفرقة، لختيار دلبلاصة لمناسبة، الزربة، الدريبلاج، ليبداع.[14][15]
  • لمهاجمين: لفينيسيون، لقدرة التيقنية، الزربة، التسجيل دلبيوتة.[16]

النفسية ديال لكوايرية موهيمة حتى هي وكاتأتر على لأداء ديالهوم فلميطشان. ديراسات بيّنو باللي لكوايرية اللي كايتيريو پيلانتي من مورا قل من 0.2 تانية على التصفار دلحكم كاتكون عندهوم فرصة كتر باش يضيّعوها على هادوك اللي كاياخدو كتر من تانية وحدة قبل مايتيريو.[17][18]

عيون لكلامعدل

  1. ^ Rolin, Jack, "football", Britannica Online Encyclopedia
  2. ^ jarassé, anne-cécile; yulia, k (30 مارس 2007). "Jean-Pierre Papin: 'Football is a universal language'". cafébabel. Andrew Burgess (translator). مأرشيڤي من لأصل ف 16 يونيو 2013.
  3. ^ أخبارنا, المغربية (7 فبراير 2016). "هذه هي الأجور الأعلى للمدربين و اللاعبين في البطولة المغربية". تطّالع عليه ب تاريخ 27 غشت 2021.
  4. ^ Harris, Nick (20 يناير 2011). "From £20 to £33,868 per week: a quick history of English football's top-flight wages". Sporting Intelligence.
  5. ^ "Wages of wealthiest clubs in european football leagues". مأرشيڤي من لأصل ف 4 أكتوبر 2015. تطّالع عليه ب تاريخ 9 نونبر 2015.
  6. ^ Best football player wages
  7. ^ Average wages of soccer players in MLS
  8. ^ Linehan, Meg (26 يناير 2017). "NWSL minimum salary to double for fifth season". Excelle Sports. مأرشيڤي من لأصل ف 8 نونبر 2017. تطّالع عليه ب تاريخ 10 أبريل 2017.
  9. ^ الكومري, صلاح (23 يناير 2021). "كرة القدم النسوية.. الاحتراف "الناعم"". snrtnews.com.
  10. ^ Sack, Allen L.; Thiel, Robert (يناير 1979). "College football and social mobility: a case study of Notre Dame football players". Sociology of Education. 52 (1): 60–66. doi:10.2307/2112594. JSTOR 2112594.
  11. ^ Claridge, Steve (2007-05-08). "Scouting report: Colin Doyle, Birmingham City". The Guardian. London. تطّالع عليه ب تاريخ 2008-12-13.
  12. ^ Claridge, Steve (2008-04-22). "Scouting report: Mark Beevers, Sheffield Wednesday". The Guardian. London. تطّالع عليه ب تاريخ 2008-12-13.
  13. ^ Claridge, Steve (2008-10-28). "Scouting report: Kyle Naughton, Sheffield United". The Guardian. London. تطّالع عليه ب تاريخ 2008-12-13.
  14. ^ Claridge, Steve (2008-10-07). "Scouting report: Ben Watson, Crystal Palace". The Guardian. London. تطّالع عليه ب تاريخ 2008-12-13.
  15. ^ Claridge, Steve (2007-10-30). "Michael Kightly, Wolverhampton Wanderers". The Guardian. London. تطّالع عليه ب تاريخ 2008-12-13.
  16. ^ Claridge, Steve (2007-10-30). "Sam Vokes, Wolves". The Guardian. London. تطّالع عليه ب تاريخ 2008-12-13.
  17. ^ Jordet, Geir; Hartman, Esther; Sigmundstad, Einar (November 2009). "Temporal links to performing under pressure in international soccer penalty shootouts". Psychology of Sport and Exercise. 10 (6): 621–627. doi:10.1016/j.psychsport.2009.03.004. hdl:11250/170599.
  18. ^ Football players who rush penalty kicks are less likely to score, 10 شتنبر 2009.
  تقدر تزيد شوف بزاف د صور و معلومات ديال Association football players ف ويكيميديا كومنز.
  تقدر تزيد شوف بزاف د صور و معلومات ديال Association football players ف ويكيميديا كومنز.