النادي لمكناسي
النادي الرياضي المكناسي واللي معروف بCODM (لكوديم)، هو كلوب عندو بزّاف لفروع كاين فمدينة مكناس لمغريبية. لفرع ديال كورة وحتا هو عندو نفس السمية. تيلعب دابا فلبوطولة لوطنية التانية.[1] لفرع ديال كورة فايتلو دّا كأس العرش عام 1996 ولبوطولة عام 1966.
النادي لمكناسي
| ||||||
| ||||||
| معلومات عامة | ||||||
| السمية | النادي الرياضي المكناسي Club Omnisport De Meknès | |||||
| السمية لمختصرة | CODM | |||||
| تأسس فـ | 1962 | |||||
| لمدينة | مكناس | |||||
| التيران | تيران مكناس الشرفي | |||||
| سعة التيران | 25,000 | |||||
| الشخصيات | ||||||
| الرئيس | رضوان مرزاق | |||||
| لمدريب | حسن فاضل | |||||
| ليحصائيات | ||||||
| الدوري | لبوطولا لوطنية تانية لحرايفية | |||||
| ||||||
تاريخ النادي المكناسي بدل
تترجع لأصول دالنادي المكناسي لعام 1913 فين أسس لمستعمير دفرانصيص نادي الاتحاد الرياضي المكناسي. هاد لكلوب غادي يتفكك من مورا ليستيقلال ياش تعوضو لفرقة ديال رشاد مكناس. هاد اللخراني ماغديش يحقق نتائج زوينة بزاف وغادي يتدمج عام 1962 مع جوج فراقي خرين من مكناس اللي هوما لفرقة دلجمعية الرياضية طنجة-فاس و لفرقة ديال دفاع بني محمد باش يصاوبو النادي المكناسي.
النادي المكناسي غادي يربح كاس لعرش لأول مرة فالتاريخ نتاعو عام 1966. من بعد ما غادي يغلب فلفينال لغريم ديالو التقليدي المغرب الفاسي.[2]
من بعد غادي يوصل النادي المكناسي للفينال دكاس العرش عام 1981 فين غادي يخسر ضد الوداد البيضاوي ب 1-2. و ف1982 غادي يكون هو لوصيف دلبطل دلبوطولة اللي داها النادي القنيطري.
أول و آخير بطولة عند النادي المكناسي داها عام 1995. و فعام 2011 غادي يوصل للنهائي دكاس لعرش للي غادي يخسرو ضد المغرب الفاسي ب 0-1. هادي غادي تكون بداية لأزمة ديال هاد لفرقة اللي غادي تهبط لبوطولا 2 فلعام اللي من موراه، و يهبط من بعد لبوطولة لوطنية للهواة سنة 2016.
عيون لكلام بدل
- ^ "LES FORMATIONS LORS DES RENCONTRES – CODM". مأرشيڤي من لأصل ف 2018-07-05. تطّالع عليه ب تاريخ 2020-12-17.
- ^ "Le match CODM-MAS arrêté à cause d'actes anti-sportifs". مأرشيڤي من لأصل ف 2020-10-01. تطّالع عليه ب تاريخ 2020-12-17.