زينب فاسيكي


زينب فاسيكي ؤلا زينب فاسقي (مزيودة ف 21 يوليوز 1994 ف فاس) هي فنانة كاريكاتيرية مغريبيّة ؤ مُهندسة ميكانيكية ؤ ناشطة ف لعالم ديال حقوق لمرا ب لاضافة ل نّشاط ديالها ف مجال تمكين لمرا ؤ لمساواة بين لمرا ؤ رّاجل. تشهرات زينب ب سباب مشروع دارتو سميتو «حْشُومَة» هاد لمشروع هوّا بزاف ديال تّصاور لفنية لكاريكاتوريّة لي نشراتها عام 2018 ؤ لي كاتصور لعيالات عريانات، ؤ كاتهضر فيه زينب علا ضرورة نحيدو لمعايير لمزداوجة. تعرض لمشروع ل أوّل مرة في مدريد ف صّبليون قبل ما يتعرض من بعد ف رّباط. لهدف ديال زينب فاسيكي من هاد لخدمة هو تحارب رّقابة ؤ تحيد «لمحرمات» ف لمغريب.

زينب فاسيكي
زينب فاسيكي
معلومات عامة
زيادة 21 يوليوز 1994 (28 عام)
فاس
لجنسية لمغريب
لحرفة مصممة، رسام توضيحي، مهندسة ميكانيك، ناشطة حقوق المرأة و فنانة قصص مصورة
لّوغات لي كيعرف لفرانساوية
سّيت رّسمي https://www.behance.net/zainabfasikiart
لجوايز
Facebook: zainab.fasiki Instagram: zainab_fasiki Modifica els identificadors a Wikidata

حياتهاعدل

تزادت زينب فاسيكي ف 21 يوليوز عام 1994 ف مدينة فاس ف لمغريب ؤ قرات تما. تخرجات من لكلية د لهندسة ف يونيو 2017.[1]

بدات زينب رّسم فاش كان ف عمرها ربع سنين، ؤ طورات لموهبة ديالها معا لوقت. كاتركز ف لأعمال ديالها علا رسم تصاور ل راسها مختالفة ؤ متنوعة، كيما كاتخدم شخصيات خياليّة بحال لمرا لمعجزة. ف حوار معاها علا رّسمات لهزليّة ديالها علّقات زينب ب لقول: «تانشوف لمرا بحال شي تمتال ف بلادي، هادشي علاش بغيت نحررها، بغيتهم يكونو حرات".» كاتعاني زينب ف نشر رّسمات ديالها ف لمغريب حيت أغلب لمطبعات ؤ دور نّشر تايرفضو ينشرو ليها.

ف 2014، رحلات ل دارلبيضا فين مازالا عايشة حتال دابا. زينب دخلات ل لݣروپ د سكف كف ؤ نشرات ف 2017 أول كوميك ستريپ ديالها ب سميت "ؤمور" فين ورات صعوبات لي كاتواجه لعيالات ف لمغريب.[2]

لأعمال ديالهاعدل

تصويرة د لغلاف لكتاب تاريخ د لإصدار ختيصار
فيروز ف لمواجهة د لعالم - لعنوان لأصلي د كتاب هوّا Feyrouz Versus The World 2018 تايعاود لكتاب من خلال مجموعة د تّصاور لقصة ديال واحد لبنت بغات تسافر ل لعالم كامل، ولاكين لقات مشكلة معا فاميلتها لمحافضة.
حشومة 2018 هو مشروع فنَي فيه مجموعة د تّصاور لي تجمعات ف كتاب. عرضات فيه زينب لأفكار سّلبية لّي منتاشرة ف لمغريب فاش كايتعلق لامر ب تّعامل معا لبنات من صّغر. كيما كتنتاقد تّمييز لي كاتعرض ليه لمرا لمغريبية، ؤ تّحرش ب نّواع ديالو سوا ب لهضرة ؤلا ضّرب، ؤ لشكال لخرة.

عيون لكلامعدل

  1. ^ "VIDEO: Feminism and Censorship in Arab Comic Books". Democracy Chronicles (ب نڭليزية). 2018-04-19. تطّالع عليه ب تاريخ 2019-03-11.
  2. ^ "Zainab Fasiki : l'illustratice marocaine qui parle de sexualité". L'Obs (ب لفرانساوية). تطّالع عليه ب تاريخ 2021-08-20.
  تقدر تزيد شوف بزاف د تّصاور و لمعلومات ديال Zainab Fasiki ف ويكيميديا كومنز.