جورج سيرافان كولان
جورج سيرافان كولان (مزيود ف 4 يناير 1893، مات ف 24 يناير 1977) باحت و ديپلوماسي، توارخي و عالم د لفيلولوجيا فرانساوي لي كان خدم بزاف على لّوغة لعربية، تّقافة لمغريبية و دّاريجة.
جورج سيرافان كولان
| ||
| ||
| معلومات عامة | ||
| زيادة | 4 يناير 1893 Champagnole | |
| لموت | 24 يناير 1977 (84 عام) باريز | |
| لجنسية | فرانصا | |
| لحرفة | مستشرق، باحت، فقيه لغوي، توارخي، لانڭويست و ديپلوماسي | |
| لّوغات لي كيعرف | عربية، لفرانساوية، الداريجة لمغريبية، لماليزية، فارسية و تركية | |
خدا ديپلومات ف 6 د لّوغات هوما لعربية لفصيحة، لعربية لمشرقية، تّركية، لفارسية، لماليزية، و لّوغات لحبشية. كان ؤستاد د لّهجات لمغاربية ف لمدراسة د لّوغات شّرقية مابين 1927 و 1963.[1]
عندو مجموعة د لكتوبا، شي وحدين منهوم طرجمات من لعربية و لّهجات ديالها ل لفرانساوية. قادّ تا ديكسيونير د دّاريجة لي كيتسما "موعجام كولان".
كاريير بدل
كولان جا لمرة لّولة ل لمغريب ف 1918، ب طلب من لجينيرال ليوطي، باش يخدم موطرجيم. مابين 1919 و 1921 كان تصيفط ف مهمة ف لمؤسسة لفرانساوية د لأركيولوجيا لمشرقية ف لقاهرة ف مصر، ولاكين بقا تابع ل سّلطة د لحماية لفرانساوية على لمغريب. ف 1921، بدا كيخدم معا وزارة لخارجية لفرانساوية، ؤ ستامر ف سّلك دّيپلوماسي بشكل متوازي معا نّشاط لأكاديمي ديالو. داز من شحال من منصب أكاديمي، تا ولّا مودير ديال لمعهد لعالي ديال دّراسات لمغريبية ف 1958. بزاف د طّالابا كانو تتلمدو على يدّيه.
كان كيسافر بزاف مابين رّباط ؤ پاري، ؤ شارك ف أبحات معا باحيتين فرانساويين ف لمغريب، بحال هينري طيراس ؤ إڤاريست ليڤي پروڤونصال. من 1921، كان ديجا بدا كيجمع بزاف د لماطيرييل على دّاريجة لمغريبية، لي عندها علاقة ب لمزايا لّوغاوية ديالها، لكلمات، و لحجّايات شّعبيين. مورما شد تّقاعود ديالو، بقا كيتعاون معا لمعهد د دّراسات و لأبحات د تّعريب ف رّباط.[2]
أعمال بدل
لمكتابة لوطنية لفرانساوية دايرة كاطالوݣ فيه 74 بحت ؤ كتاب نشرهوم جورج كولان.[3] بزاف د لأعمال ديال كولان جمعاتهوم، طرجماتهوم ؤ عاودات نشراتهوم لباحيتة لمغريبية زكية عراقي سيناصر.
أبحات منشورة بدل
- "Siqlātūn" (ب لفرانساوية). مجلة رومانيا د لّوغات. 1930: 418. Cite journal requires
|journal=(معاونة) - "Latin sigillatus > roman siglaton et escarlat" (ب لفرانساوية). مجلة رومانيا د لّوغات. 1930: 178–190. Cite journal requires
|journal=(معاونة) - "Latin hispanique Nixum > Marocain nis" (ب لفرانساوية). مجلة رومانيا د لّوغات. 1931: 561–562. Cite journal requires
|journal=(معاونة) - "Origine arabe du mot français ogive" (ب لفرانساوية). مجلة رومانيا د لّوغات. 1937: 377–381. Cite journal requires
|journal=(معاونة) - جورج سيرافان كولان؛ روبير ريكار (1946). "Tanger et Ceuta dans un boniment de jongleur espagnol du XVe siècle" (ب لفرانساوية). Bulletin hispanique: 262–263. Cite journal requires
|journal=(معاونة)
كتوبا بدل
- Muhammad-Mahomet (ب لفرانساوية). E. Champion. 1925.
- Note de dialectologie arabe (ب لفرانساوية). Maisonneuve et Larose. 1930.
- Pour lire la presse arabe: vocabulaire des principaux néologismes usités dans l'arabe moderne (ب لعربية ولفرانساوية). Impr. économique. 1937.
- Chrestomathie marocaine: textes citadins en transcription latine (ب لفرانساوية). Adrien-Maisonneuve. 1955.
- Recueil de textes en arabe marocain [par] George S. Colin: Contes et anecdotes (ب دّاريجة ولفرانساوية). 1957.
- زكية عراقي سيناصر، جورج سيرافان كولان (1994). Le Dictionnaire Colin d'arabe dialectal marocain (ب دّاريجة ولفرانساوية). وزارة تّقافة لمغريبية. OCLC 31730991. ردمك 9789981832039.CS1 maint: uses authors parameter (link)
- دومينيك كوبي، زكية عراقي سيناصر، جورج سيرافان كولان (1999). Arabe marocain: inédits de Georges S. Colin (ب لفرانساوية). لمؤسسة لوطنية ديال اللوغات و لحضارات الشرقية. ردمك 9782744900952.CS1 maint: uses authors parameter (link)
- جورج سيرافان كولان (2016). Florilège de littérature orale marocaine (ب دّاريجة ولفرانساوية). مطرجم من طاراف زكية عراقي سيناصر، ميشلين ݣالي. Geuthner. ردمك 9782705339418.CS1 maint: uses authors parameter (link)
عيون لكلام بدل
- ^ "Colin, Georges Séraphin". مأرشيڤي من لأصل ف 2022-09-22. تطّالع عليه ب تاريخ 2022-09-17.
- ^ "Papiers Georges Séraphin Colin". مأرشيڤي من لأصل ف 2023-10-12. تطّالع عليه ب تاريخ 2022-09-17.
- ^ "œuvres". مأرشيڤي من لأصل ف 2022-09-20. تطّالع عليه ب تاريخ 2022-09-17.